نصيحة؟؟

[Abdulla990]

السلام عليكم

لقيت بيت بسعر مغري
طبعا السعر خاص لي لأن راعيه واحد من الجماعة و البيت حالته تعبانة شوي و محتاج تصليحات
و فكرت اشتريه (للاستثمار مو للسكن) و اسجله باسم واحد من قرايبي و اقوم بتأجيره

بس خايف من مشاكل المستأجرين
بصراحة انتو اللي خوفتوني منهم و من مشاكلهم و انا مالي خلق مخافر و محاكم

ناوي اذا صار نصيب و شريته اسلمه لمكتب يدير املاك الغير علشان يديره لي و يعطيني فلوسي و انا بالبيت

بس السؤال اللي يسدح نفسه:
هل مكاتب ادارة املاك الغير ثقة؟؟ انا خايف اطيح بنصابين لأن النصب بالديرة كثر للأسف

 

[بوخمسين]

وليش ماتسجلة باسمك

 

[Abdulla990]

مشكور على الرد
بس كنت ناطر نصيحة و انت قاعد ترد على السؤال بسؤال!!
شنو الفرق اذا سجلته باسمي او حتى باسم جدتي؟؟؟؟
على كل حال
اذا مهتم تعرف ليش شوف مشاركاتي السابقة و تعرف السبب

بانتظار نصيحة و شكرا

 

[souod]

اذا انت متخوف من شراءه ؟ انا اكسبك اذا كان سعر البيت معقول اذا موافق ارسلي فالخاص موقع البيت وسعره

 

[alteare]

نصيحه

السلام عليكم ورحمة الله وبركاته
اخوي اذا تبي النصيحه والله توكل على الله واشتري البيت واستثمره وترى احسن من الاستثمار العقاري ما تلقى الربح مضمون دائما والضمان عند الله اما بخصوص خوفك من المشاكل والمكاتب النصابه فترى يا خوي الغالبيه من الناس والمكاتب العقاريه ناس تخاف من الله بس حالات النصب فرديه وعموما اكيد لك مكتب عقاري معرفه مباشره او عن طريق صديق تقدر تثق فيه ويقول الشاعر :
اذا كنت ذا رأي فكن ذا عزيمة
فإن فساد الرأي ان تترددا
والبتوفيق اخوي والسلام ختام

 

[بيع+شراء]

موفق خير ان شاء الله

 

[Abdulla990]

اذا انت متخوف من شراءه ؟ انا اكسبك اذا كان سعر البيت معقول اذا موافق ارسلي فالخاص موقع البيت وسعره

اخوي السعر لي انا غير
و سبق استشرت ناس بالسعر و لقيت زيادة 15 الف بس انا لي رغبة بترميمه و تأجيره لفترة من الزمن و انا مو خايف من الشراء بس ابي طريقة ما فيها مشاكل مستاجرين و خلافه
و مشكور على مرورك

السلام عليكم ورحمة الله وبركاته
اخوي اذا تبي النصيحه والله توكل على الله واشتري البيت واستثمره وترى احسن من الاستثمار العقاري ما تلقى الربح مضمون دائما والضمان عند الله اما بخصوص خوفك من المشاكل والمكاتب النصابه فترى يا خوي الغالبيه من الناس والمكاتب العقاريه ناس تخاف من الله بس حالات النصب فرديه وعموما اكيد لك مكتب عقاري معرفه مباشره او عن طريق صديق تقدر تثق فيه ويقول الشاعر :
اذا كنت ذا رأي فكن ذا عزيمة
فإن فساد الرأي ان تترددا
والبتوفيق اخوي والسلام ختام

مشكور على هالمشاركة الحلوة و العقار كما تفضلت احسن استثمار هذا ما فيه شك بشرط يكون بسعر مناسب طبعا
انا بس مشكلتي اني ما جربت التعامل مع مكاتب ادارة املاك الغير و ابي اعرف اذا هم ثقة او ممكن يغشون في شي
و شكرا لك

موفق خير ان شاء الله

اجمعين و شكرا على مرورك

 

[البحار12]

بتوفيق

واشتر واجر والله ويفقك

 

[aw99]

أول أفضل مصدر ثقه هو شخص تعرفه
و ثاني أفضل مصدر ثقه هو سعر ايجار معقول , تقل معاك المشاكل كثيرا إذا كان سعر الايجار معقول , و اللي يأجر بيتك حتى لو يبي يطلع يجيب لك واحد يعرفه ليش! لأن سعر الايجار معقول

المكتب العقاري ما يهمه الأمرين , يريد فقط العموله
يصور لك أسوأ مستأجر بالعالم أنه أفضل شخص نزيه بالعالم
و يصور أسوأ بيت بالعالم أنه أفضل بيت بالعالم للطرف الآخر
حتى يوصل لعمولته

المكتب العقاري اللي عنده محامي رسمي و يرد لك حقك بسهوله عمولته كبيرة 100 أو 200 حتى 1000 دينار شهري , يعني يصلح حق شخص عنده عماير مو بيت

اما مكاتب بو طقه شغلهم هو تهديد و هواش فقط , و اذا عاند معاهم المستأجر أول الخسرانين هو أنت

حلين سهلين جدا
شخص تعرفه و سعر ايجار معقول

بالتوفيق

 

[Abdulla990]

بتوفيق

واشتر واجر والله ويفقك

اجمعين و شكرا على مرورك

أول أفضل مصدر ثقه هو شخص تعرفه
و ثاني أفضل مصدر ثقه هو سعر ايجار معقول , تقل معاك المشاكل كثيرا إذا كان سعر الايجار معقول , و اللي يأجر بيتك حتى لو يبي يطلع يجيب لك واحد يعرفه ليش! لأن سعر الايجار معقول

المكتب العقاري ما يهمه الأمرين , يريد فقط العموله
يصور لك أسوأ مستأجر بالعالم أنه أفضل شخص نزيه بالعالم
و يصور أسوأ بيت بالعالم أنه أفضل بيت بالعالم للطرف الآخر
حتى يوصل لعمولته

المكتب العقاري اللي عنده محامي رسمي و يرد لك حقك بسهوله عمولته كبيرة 100 أو 200 حتى 1000 دينار شهري , يعني يصلح حق شخص عنده عماير مو بيت

اما مكاتب بو طقه شغلهم هو تهديد و هواش فقط , و اذا عاند معاهم المستأجر أول الخسرانين هو أنت

حلين سهلين جدا
شخص تعرفه و سعر ايجار معقول

بالتوفيق

شكرا جزيلا على الرد المفصل و المعلومات القيمة التي يحتويها
و يبدو انك صاحب خبرة في هذا المجال
و الخلاصة ان الخيارات المتاحة هي: 1- شركة كبيرة و معروفة او 2- ادير عقاري بنفسي
الله يوفقنا و إياك لما فيه الخير

 

[zidantheking]

ديره بروحه و تعامل انت مع المؤجرين

او وكلك واحد من الربع او الاهل يتعامل معاهم و عطى عموله 100-200 دينار كل شهر على حسب عدد الشقق ان كان 3-6

+ شنو موقع البيت ؟؟؟ لانه لازم لكل مؤجر مصفطين على الاقل

 

[Abdulla990]

ديره بروحه و تعامل انت مع المؤجرين

او وكلك واحد من الربع او الاهل يتعامل معاهم و عطى عموله 100-200 دينار كل شهر على حسب عدد الشقق ان كان 3-6

+ شنو موقع البيت ؟؟؟ لانه لازم لكل مؤجر مصفطين على الاقل

البيت بطن و ظهر بس السالفة مو تحصيل ايجارات فقط
عموما نشوف لنا طريقة بعد الشراء إن شاء الله
اشكرك على المرور

 

[ابو يوسف25]

السلام عليكم

لقيت بيت بسعر مغري
طبعا السعر خاص لي لأن راعيه واحد من الجماعة و البيت حالته تعبانة شوي و محتاج تصليحات
و فكرت اشتريه (للاستثمار مو للسكن) و اسجله باسم واحد من قرايبي و اقوم بتأجيره

بس خايف من مشاكل المستأجرين
بصراحة انتو اللي خوفتوني منهم و من مشاكلهم و انا مالي خلق مخافر و محاكم ناوي اذا صار نصيب و شريته اسلمه لمكتب يدير املاك الغير علشان يديره لي و يعطيني فلوسي و انا بالبيت

بس السؤال اللي يسدح نفسه:
هل مكاتب ادارة املاك الغير ثقة؟؟ انا خايف اطيح بنصابين لأن النصب بالديرة كثر للأسف

مساك الله بالخير اخوي عبدالله ليش محاتي الموضوع الامور طبيعيه جدا
اما بخصوص الي ظللت عليه بالاحمر جدا سهل ولا فيه مشاكل
اذا عرفت الي لك والي عليك صدقني راح ترتاح
وبأمكاني اساعدك على امور الايجارات وامور البيت لو تبي حاضر
الناس كلها خير وبركه

والموضوع جدا سهل ولا تحتاج مكتب ولا احد يدير امورك انت شنو قاصرك
بس يبيلها تكتيك من اولها وبعدها نام ابيتك واستفيد بفلوسك لا عمولة مكتب ولا بطيخ
وحتى لو الامر وصل لي المحكمه

هم بسيطه وماتضايقك الا فقط بالوقت اللهم وقت فقط

ولكن حدد لي شنو المشكله الي انت تحاتيها بظبط وانا اساعدك بالموضوع
بالخاص

اما موضوعك فيه اللغاز تقول البيت مصفوط بسعر خاص طيب كم سعره؟ واي منطقه؟ ويبيله ترميم كم توقعاتك مبلغ الترميم ؟

وليش تسجيله مو بأسمك تبي بأسم جددتك الله يخليها لك
هل الافلوس لك او للجدتك؟

ثق تمام ليس بفضول ولكي نحسب لك مخاطر مشروعك ونقدملك النصيحه الزينه

الناس للناس والكل لل االله

تقبل مروري وعسى الله يوفقك

 

[مساهم11]

مشكور على الرد
بس كنت ناطر نصيحة و انت قاعد ترد على السؤال بسؤال!!
شنو الفرق اذا سجلته باسمي او حتى باسم جدتي؟؟؟؟
على كل حال
اذا مهتم تعرف ليش شوف مشاركاتي السابقة و تعرف السبب

بانتظار نصيحة و شكرا

الحقيقه كنت بعطيك خبرتي مع المؤجرين
بس للاسف اسلوبك وردك بهذا الرد ما يشجع

 

[بوعلي2010]

الـــسلام عليكم اخوي عبدالله

انا راح ارد عليك بكل صـراحه بخصوص المؤجر ومشاكل المؤجر
للاسف اكثر ملاك العقار يفكر انه يحط عقاره عند مكتب معروف يحصل له الايجار وغصب طيب يطلع له ايجار لا ياغالي حتي انت تعرف تاخذ اجارك وتكسب موجر تعرف شلون
(( الكلمه الطيبه والتعامل الطيب له ))

وابي انبه لك شي بخصوص هالشي قانون الكويت بخصوص المؤجر يحمي اكثر من مالك العقار وابي اوضح لك النقاط عشان تعرف انك انت ولا مكتب يحصل الايجار مثل الشي
اول نقطه لا يحق لك رفع الايجار الا بعد خمس سنوات حتي لو كان العقد سنه لانه راح يتجدد تلقائي واكثر الموجرين مو عارفين هالشي

الشي الثاني المؤجر اذا ضايقته او ضايقه المكتب راح دفع بالمحكمه اخر شي تروح تاخذه من المحكمه سوا انت ولا مكتب وماتقدر تطلعه من المكان الا لما يطلع اهو او يلقا مكان ينقل في عرفت يالغالي


فا خلاصت الموضوع كله الكلمه الحلوه والطيبه مع المؤجر

وبخصوص اخوي عبدالله المكاتب نصابين لاتظلم نفسك بالشي هذا


والسلام عليكم

 

[غانم بوبندر]

صير انت المكتب وانت المفاوض وانته تلم اجاراتك حتى فلوس مالكم خلق تلمون يا خوى لازم تعلم هذى حلالك مافى نصايح ثانيه ودمتم0