أبيعها وأدش البورصة؟؟!!

[أنفال]

السلام عليكم

أول شي أحب أشكركم على المنتدى اللي أكثر من رائع.
انا الصراحة بغيت أشوركم بشغلة..
أنا وحدة على الله ثم على معاشي..
وطلعت لي الحين بعثة بروح أدرس بره..
بعت سيارتي وسيارة زوجي وطلعنا بعشر الاف دينار
انا محتارة شنو اسوي فيهم..كنت مفكر بالوديعة بس طلعت الوديعة يا دوب تطلع فلوس الزكاة.
عاد الشيطان لعب براسي وقال لي يا أنفال اشتريلج جم سهم من النوع الطيب عشان ينفعونج إذا رديتي..

شرايكم؟؟؟
أطيعه ولا أقضب بيزاتي؟

 

[ريح المسك]

وعليكم السلام ورحمة الله وبركاته ... اقضبى بيزاتج .. وتعوذي من الشيطان..

 

[السور]

تعال او تعالى شوفى براسنا دهن
محنا ناقصين يهال بالمنتدى شنو بايعة سيارتى وسيارة زوجى وبدش البورصة
شنو تروحون الدوام فيه ؟؟؟؟؟؟؟؟؟؟؟؟
بحصان

وفى احد يأخذ استشارة من ناس ما يعرفهم وبمنتدى

 

[أنفال]

أعوذ بالله منك يا ابليس

أخوي السور..
أحسن الظن الله يبارك فيك
احنا بعنا سياييرنا لانا راح نسافر..مثل ما قلت في بداية الموضوع..طلعت لي بعثة وبسافر..
أن شالله واضح؟

 

[راعيهااا]

وعليكم السلام ورحمة الله وبركاته ... اقضبى بيزاتج .. وتعوذي من الشيطان..
وترئ النصيحه ابلاش

 

[أبو عمر]

تعال او تعالى شوفى براسنا دهن
محنا ناقصين يهال بالمنتدى شنو بايعة سيارتى وسيارة زوجى وبدش البورصة
شنو تروحون الدوام فيه ؟؟؟؟؟؟؟؟؟؟؟؟
بحصان

وفى احد يأخذ استشارة من ناس ما يعرفهم وبمنتدى

ههههههههه
وأركب الحنطور ،، واتحنطر

ما عليه جس نبض لصغار المستثمرين لاستطلاع الرأي بالبورصه

بعدين أكو أحد يطيع الشيطان يا أنفال ،، وأسمج على سوره قرآنيه بعد !

 

[بدون مجامله]

شوفي يا اختي انفال عندي شرطين لج اذا طبقتيها ان شاء الله تربحين 1_تحطين ال 10 الاف في قطاع البنوك فقط لاغير ماشي 2- استثمري فيهم للربع الاول من السنه القادمه غير الحجي رجاء حفظي افلوسك للبعثه ولمستقبلك

 

[الموجه]

اذا بعثتك فى الدول الاوربيه .. او .. امريكا حطى البيزات فى سوقكهم

ابرك مجرد راى .. تحياتى .​

 

[أنفال]

أخوي بدون مجاملة..
أشكرك جدا لانك خذيت الموضوع على محمل الجد.
بس أنا حددي عليمية وبتعبك معاي شوي ما عليه تحملني..
شنو قصدك بإني استثمرهم بالربع الأول من السنة القادمة؟

 

[ابو ناصر2]

نصيحة اشتري سهمين فقط الصينية او الخطوط الوطنية وباذن الله راح يدوبلن معاك والله اعلم

 

[بدون مجامله]

أخوي بدون مجاملة..
أشكرك جدا لانك خذيت الموضوع على محمل الجد.
بس أنا حددي عليمية وبتعبك معاي شوي ما عليه تحملني..
شنو قصدك بإني استثمرهم بالربع الأول من السنة القادمة؟

القصد بالربع الاول هو شهر 3 من العام القادم 2012 الاستثمار في قطاع البنوك فقط لاغير

 

[KUWAIT_V]

اختي انفال الاخ يقصد اشتري الاسهم القيادية مثل

- بنك التمويل - بيتك
زين للاتصالات
والبنك الوطني

واشتريهم باقل سعر لهم وبيعهم قبل توزيعه الارباح يعني شهر 1 2 3 (الربع الاول)

بس

 

[أنفال]

أشكركم جداا عالتوضيح
ما قصرتوا..

 

[ADEL ALAZMI]

تعال او تعالى شوفى براسنا دهن
محنا ناقصين يهال بالمنتدى شنو بايعة سيارتى وسيارة زوجى وبدش البورصة
شنو تروحون الدوام فيه ؟؟؟؟؟؟؟؟؟؟؟؟
بحصان

وفى احد يأخذ استشارة من ناس ما يعرفهم وبمنتدى

ههههههههههههههههههههههههه :

 

[Mohammedq8]

أخوي بدون مجاملة..
أشكرك جدا لانك خذيت الموضوع على محمل الجد.
بس أنا حددي عليمية وبتعبك معاي شوي ما عليه تحملني..شنو قصدك بإني استثمرهم بالربع الأول من السنة القادمة؟

شوفي راح تطير الفلوس.. على ما تتعلمين ...

وبعدها تكونين متعلمه وعارفه كل شئ بس... ماكو فلوس ...!؟


استخيري... ورايي لا تدشين.


الله الموفق

 

[ملف اسهم]

ضعي مالك ..في حساب " الحصاد الاسلامي " .. في بنك الاهلي المتحد ( بنك الكويت والشرق الاوسط -سابقا ) ..
1_ فلوسك مضمونة ..في اي وقت .
2_تدخلين سحوبات .اسبوعية وشهرية وربع سنويه . " يعني فلوسك هي تشتغل بالمضمون _ حلالك مضمون " ..
3_ تكوني بعيدا عن مضاربات الربح والخسارة .
4_الحساب اسلامي .اي لاخوف من شرعيتة ..

وفقك الله .. والله اعلم على ايه حال ..

 

[أنفال]

ملف أسهم
شكرا عالنصيحة
خذيت رقمهم وباجر أن شالله راح اتصل عليهم عشان اخذ التفاصيل
وان شالله اذا فزت بالسحب لك نسبة )

 

[علي يحيي]

البعثه في اى دوله

استثمريهم هناك

امريكا لا
لللاستثمار

 

[waham]

عندي يقين ان في لبس بالموضوع . ولاكن علي اني انصح جميع المتداولين الجدد .
حط فلوسك في سوق الكسور واشتر عشر شركات الي سهمهم اقل من 120 فلس بس ها مو اي شركة.. وسكر لابتوبك وعطى الدلال يبيعه لك . طبعا كلامي حق الي طالعتلة بعثة . وبعد ما ترجع عطني حصتي ( غشمره ) ودعيلي .

 

[أبو فلسين]

نفوله دشي دشي السوق متى راح الدشين اذا مادشيتى الحين مثلالالا راح الدشين لما يصعد السوق ويعدل افضل دخول لسوق الحين
وعندج اربع اسهم ختارى منهم جم سهم ولما تردين ان شاء الله على الاقل تلقين نص دبل مو دبل كامل
الديره
منشأت
تجاره
العربيه العقاريه
وشكرأأأأ