هل اقدر اعمل استاناف لحكم غيابي ضدي ب 2700 وخاصه ان عملو تنفيذ علي

[طريق المليار]

هل اقدر اعمل استاناف لحكم غيابي ضدي ب 2700 وخاصه ان عملو تنفيذ علي

القصه اجرت مكتب تجاري ودفعت 3500 مقدم اجارات وبعدها رحت ارخص لقيت المكتب او البنايه سكنيه يعني ما تترخص

زين الحين فلوسي ال 3500 راحت علي وهم من وقاحته يطالبني في باجي مده العقد 2700 دينار

ومعلني على نفس المكان مع العلم انه كان فاضي وكاتب المندوب استلم الموظف المختص

اول جلسه على طول انحجزت للحكم وبعدين سوى تنفيذ واعلني بالنيابه

تفاجأت الا وحاجز على وحده من سياراتي

الحين انا عندي دفاع بقدمه شلون وخاصه ان هو غشني وهم اعلانه غلط

ياريت تفيدوني شلون بدي اسوي استاناف او اعاده نظر او غيره

 

[فريح الكوح]

طريقك انك تسوي اشكال في التنفيذ وتقدم ما يفيد انك ما اعلنت بالحكم وانه صار غش بعقد الايجار .. وتطلب استرداد المبلغ المدفوع لبطلان العقد لانه خالف النظام العام وتطلب اعادة الوضع الى ما كان عليه قبل العقد .

 

[طريق المليار]

طريقك انك تسوي اشكال في التنفيذ وتقدم ما يفيد انك ما اعلنت بالحكم وانه صار غش بعقد الايجار .. وتطلب استرداد المبلغ المدفوع لبطلان العقد لانه خالف النظام العام وتطلب اعادة الوضع الى ما كان عليه قبل العقد .

اهلا فيك اخوي الحين انطر مثلا يسحبون السياره ولا اقدر اسوي اشكال حاليا؟

وهل الاشكال يتحدد فيه جلسه واقر اوضح للقاضي المشاكل الى حصلت ؟ ويلغي الحكم ويبطل العقد وبالتالي اقدر ارجع العربون الى دفعته؟

ياريت تفيدني بالاجراءات وين اروح وجم ادفع رسوم وكله والوقت شكثر يطول

 

[فريح الكوح]

تقدر اتسوي اشكالك باجر بالمحكمة .. يكلفك تقريبا ٣٠ د.ك ويتحدد جلسة ويسمع منك القاضي فيها

روح قسم ضباط الدعاوى بالمحكمة ويرشدونك خطوة بخطوة

 

[طريق المليار]

تقدر اتسوي اشكالك باجر بالمحكمة .. يكلفك تقريبا ٣٠ د.ك ويتحدد جلسة ويسمع منك القاضي فيها

روح قسم ضباط الدعاوى بالمحكمة ويرشدونك خطوة بخطوة

مشكور قلبي ماتقصر باجر اروح وابلغك بلي يصير

 

[rahaly]

اخوي صدور حكم في قضية الايجارات مشكلة

اذا بتستأنف يطلبون منك ايداع المبلغ بالكامل عشان تقدر تستأنف
وما تقدر تسوي اشكال بالتنفيذ لان الاشكال مسموح فقط من الغير - وهذا الشئ ما راح يفيدك

الحل الوحيد برأيي الشخصي - كمحاولة
ان تقيم دعوى برد غير مستحق - او اثراء بلا سبب -
غير مضمونه - ولكن كمحاولة

والخيار الاخر - ان تقيم دعوى بعدم استحقاق الاجرة لعدم الانتفاع من العين المؤجرة
تحتاج خبير لاثبات عدم جواز الترخيص

الخيارات بحسب ظروف قضيتك

والله اعلم

 

[فريح الكوح]

صبح الله بالخير استاذ رحالي .. شاخبارك ؟

كون العين ترخص تجاري من عدمه يبين من شهادة البلدية .. وهذا برخصة البنا نفسها قبل التأجير .
وهذا يجعل العقد باطل ويعيد الوضع لما كان عليه قبل التعاقد ( بطلان مطلق )

والا شرايك ؟

 

[طريق المليار]

والله يا اخوان
انا جربت اسوي دعوه بطلان العقد واسترداد اجرة لكن تم رفض الدعوه لسابقه الفصل فيها

اه بالقضيه الى رافعها علي طالب باثبات صحة العقد و المطالبه بالاجرة فمن جذي رفضوا الدعوه مالتي

الحين الاضمن هل اودع الاجره واطالب بالاستاناف وهل الاستأناف ينقبل ويحكملي القاضي؟
وشكثر الوضع يطول؟

وما هي خطوات الاثراء بلا سبب او برد غير مستحق

وماهي خطوات الدعوه الى تقول عنها ( بعدم استحقاق الاجرة لعدم الانتفاع من العين المؤجرة ) وهل اقدر اوقف الحكم والتنفيذ بالقضية الاصلية لحين صدور الحكم يعني ارفع الحجز عن السياره وجددها و اخذ الفلوس الى ابيها من المحكمه مبلغ بالملايين واقف بالمحكمة ما اقدر استلمه على هالحكم مالهم وانا ما ابيهم يغلبوني ويضحكون علي بصراحة باخذ حقي منهم وحتى بعد ما يبطل العقد بيني وبينهم وينلغي حكمهم اطالب بارجاع المقدم الى دفعته لهم 3500 وبعد عموله الوسيط العقاري - واربع عليهم تعويض عن التلاعب الى سووه معاي - احس ان هذي فيها نسبه نجاح ولا شرايكم

والمشكله ان عندي كفالات وفلوس بالمحكمة بستردها مو راضيين لان عندي هالحكم

 

[rahaly]

اودع المبلغ لانه عليك عليك
وتوكل على الله واستأنف على اساس عدم الانتفاع بالعين واطلب الغاء حكم اول درجة
ولو كسبت ان شاء الله القضية تطالب بما سبق سداده

والله ياخوي اسمحلي فيها تفاصيل كثيرة
لو توكل محامي احسن لك القصة قانونية

استاذ فريح بطلان مطلق ما تصير - لان البطلان المطلق يجب ان يكون منصوص عليه قانونا او في حال توافر شروط اخرى
اما في حالتنا اتصور فسخ العقد اقرب - لانه قد يتمكن احدهم من الترخيص استثناء
فالبتالي - يتصور تنفيذ العقد ولكن المستأجر غير مسئول عن هذا الاستثناء
وليس هو المنوط به ترخيص العين (اقصد بشكل عام)

والله اعلم

 

[طريق المليار]

اودع المبلغ لانه عليك عليك
وتوكل على الله واستأنف على اساس عدم الانتفاع بالعين واطلب الغاء حكم اول درجة
ولو كسبت ان شاء الله القضية تطالب بما سبق سداده

والله ياخوي اسمحلي فيها تفاصيل كثيرة
لو توكل محامي احسن لك القصة قانونية

استاذ فريح بطلان مطلق ما تصير - لان البطلان المطلق يجب ان يكون منصوص عليه قانونا او في حال توافر شروط اخرى
اما في حالتنا اتصور فسخ العقد اقرب - لانه قد يتمكن احدهم من الترخيص استثناء
فالبتالي - يتصور تنفيذ العقد ولكن المستأجر غير مسئول عن هذا الاستثناء
وليس هو المنوط به ترخيص العين (اقصد بشكل عام)

والله اعلم

شوركم وهدايه الله
اودع المبلغ ان شاء الله واستانف الحكم وان شاء الله يقتنع القاضي في بطلان العقد لان غشني كتبلي بالعقد مكتب تجاري وطلع المبنى كله سكني يعني عماره لكن مسوينها بستايل مكاتب تجاريه الشياطين وغشوني

وفي بعد شي ثاني بالعقد غلط ان شاء الله ينفصخ بإذن الله وابلغكم بالنتيجه