السن المناسب

[زهره]

جم كان عمرك لما تزوجت؟ وتعتقد انه هالسن كان مناسب للزواج؟

 

[B-A-1983-A-B]

>>>>>>>>>>>> سؤالج مايصلح حق عزوبية
بس انا اشوف 30 احسن عمر واذا نزيدهم سنتين خير وبركة واذا تقدر تكمل 40 يكون احسن وياحبذا توصل 45 وتكون اكثر نضج وتطلع جدع اذا توصل 50 وتقرر تزوج وتكون كفيت وفية اذا وصلة 55 حزتها تقرر تزوج .................

 

[زهره]

 

[F11]

افضل عمر 25 سنه لرجل

 

[زهره]

شدعوه يا جماعه محد يبي يقول جم كان عمره لما تزوج, عفيه اسرار

 

[متابع الســــوق]

28

​

افضل سن

 

[القناص.]

انا 20 سنة وفل الفل

 

[ابو يحي]

بوجة نظري القاصرة

أفضل سن للزواج بنسبة للزوج والزوجه أن يكونا مؤهلين للزواج ومستعدين لة

أما تحديدة بسن معين صعب

والموفق من وفقة الله والخيرة فيما أختارة الله لشخص

 

[saadkuwait]

تزوجت وعمري 17 سنه
وكانت غلطة حياتي الكبرى
والله يسامح اللي كان السبب

 

[ameer]

تزوجت وعمري 17 سنه
وكانت غلطة حياتي الكبرى
والله يسامح اللي كان السبب

تزوجت وعمرى 18سنة فى البداية نعم شعرت انها غلطة اما الان اشعر انة كان افضل قرار بعد ان زوجت اولادى و عشت مع امهم من جديد واستقلوا بحياتهم وسن الزواج هو قناعه وتأهيل

 

[بو شيشه]

ماكو سن مناسب للزواج ابداً
هذا نصيب و توفيق من الله سبحانه وتعالى
ناس تتزوج وهي صغيرة بالسن وفي امكان تتوفق او يفشل زواجها...وهم ناس تتزوج بعمر كبير وفي امكان تفشل او تتوفق
الزواج ما يحتاج لسن معين..الزواج يحتاج عقل ومسؤولية وهمه وصبر و اهم شي رضى الله والوالدين لان بدون هذيل عمر الواحد ما يتوفق بحياته
بس حلو الواحد يتزوج وهو صغير علشان يشوف عياله و أحفاده ويستغل الوقت بالتدبير لمستقبل العائلة​

يعني مثلا الواحد يتزوج وعمره 35 او 40..المسكين اذا ناطر بيت من الحكومه بموت و ما يشوفه...فلازم بعمر اصغر علشان يلحق عالبيت​

 

[زهره]

بو شيشه سؤالي حق الاعضاء جم عمرهم لما تزوجوا وهل يعتقدون انه سنهم بهالوقت كان مناسب؟

 

[بو شيشه]

اها اوكي اوكي لا تعصبين علي
يلا ابدي انتي الأول بما انج صاحبة الموضوع علشان يتشجعون الشياب

 

[زهره]

اها اوكي اوكي لا تعصبين علي
يلا ابدي انتي الأول بما انج صاحبة الموضوع علشان يتشجعون الشياب

اخاف اقول بدال يتشجعون يغلقون الموضوع, تزوجت لما كان عمري17 بعدين 31 بعدين 33 ونص بعدين 36 , واحسن سن للزواج كان 36

 

[بو شيشه]

اخاف اقول بدال يتشجعون يغلقون الموضوع, تزوجت لما كان عمري17 بعدين 31 بعدين 33 ونص بعدين 36 , واحسن سن للزواج كان 36

شدعوه الخامس وين غطس؟
على اساس خمس مرات شنو نسيتي؟
ترا ذاكرتي ما تخوني ابد

 

[زهره]

شدعوه الخامس وين غطس؟
على اساس خمس مرات شنو نسيتي؟
ترا ذاكرتي ما تخوني ابد

هذا والله مو بالحسبه لانه كان زواج علي ورق:

 

[ابو سالم1]

تزوجت عمرى 28 وتحسفت انى ماتزوجت وانا عمرى 20

الزواج المبكر تشوف عيالك وانت صغير ويكبرون معاك

 

[بو شيشه]

هذا والله مو بالحسبه لانه كان زواج علي ورق:

عقبال السادس والسابع ان شاء الله
ديري بالج على صحتج مو حلاو هو...ترا يقولون كثر الزواج يدهور الصحة

 

[زهره]

عقبال السادس والسابع ان شاء الله
ديري بالج على صحتج مو حلاو هو...ترا يقولون كثر الزواج يدهور الصحة

بسم الله علي ليش تفاول, خلاص مليت بستقر, بعدين انا اشوف انه صحتي قاعده تتحسن وكل مالي اصير زهره مورده

 

[بو شيشه]

بسم الله علي ليش تفاول, خلاص مليت بستقر, بعدين انا اشوف انه صحتي قاعده تتحسن وكل مالي اصير زهره مورده

الله يهنيج وتلقين فارس الأحلام بو خيل أبيض اللي يكون بمواصفاتي