هل راح ترتفع الاسعار بعد اقرار حقوق المرأه

[الشرقاوي]

بعد اقرار حقوق المرأه الكويتيه وحصولها على قرض بنك التسليف
هل راح يأثر على اسعار العقار السكني وخاصه في المناطق الجديده مثل ابو فطيره والفنيطيس والمسيله

الايام راح تكشف لنا

 

[الحريه وطن]

مافهمت قانون المراه الاخير ؟

ياليت احد يفيدنا

 

[الشرقاوي]

القانون الجديد يعطي المرأه المطلقه والارمله ‏الحق بالسكن وخق الحصول على قرض ال ٧٠٠٠‏ دك
من بنك التسليف

 

[ابوفيصل_]

كنهم يقولون تطلقي وابشري بالخير

انا اعتقد ان هذا القانون راح يزين نسبة الطلاق

 

[هاربر2]

يعني اطلق زوجتي واخليها تاخذ السبيعين وانا اخذ السبيعين وبعدين ارجع ازوجها والله فكره اشرايكم

 

[Abdulla990]

الحكومة لم توافق حتى الآن
و سبق لها رفض قانون مشابه

 

[q8_king1]

كثير من النساء عندهم سيولة معقولة ومعة 70 الف تقدر تشتري بيت اعتقد انة القرار ماهو بصالح الرجل وراح يصعب علية فرصة حصولة علي بيت وينطر طلبة بالاسكان الانة الشراء صار اصعب واغلي

 

[الحريه وطن]

بالعكس الله يستر علي المسلمين والمسلمات

الله يرزقهم

 

[ابو يوسف25]

بعد اقرار حقوق المرأه الكويتيه وحصولها على قرض بنك التسليف
هل راح يأثر على اسعار العقار السكني وخاصه في المناطق الجديده مثل ابو فطيره والفنيطيس والمسيله الايام راح تكشف لنا

اختلف معاك ميه بلميه
1
مو ممكن تتاثر المناطق الي ذكرتها لان القرض لايشمل اراضي فقط بيوت او بناء
2
العقار السكني مضغوط بالقرار تخارج الشريكات وقرض التسليف 70 الف لا يساعد على اسعار العقار المعنيه فا الاسعارهم حاليا 4 او 5 اضعاف القرض
3
اتفق معاك ان راح يأثر على الاسعار
ولكن اسعار الشقق السكنيه ذات دخل مناسبه

رأيي حسب اطلاعي

شكرا على الموضوع
تقبل مروري

 

[الشرقاوي]

اختلف معاك ميه بلميه
1
مو ممكن تتاثر المناطق الي ذكرتها لان القرض لايشمل اراضي فقط بيوت او بناء
2
العقار السكني مضغوط بالقرار تخارج الشريكات وقرض التسليف 70 الف لا يساعد على اسعار العقار المعنيه فا الاسعارهم حاليا 4 او 5 اضعاف القرض
3
اتفق معاك ان راح يأثر على الاسعار
ولكن اسعار الشقق السكنيه ذات دخل مناسبه

رأيي حسب اطلاعي

شكرا على الموضوع
تقبل مروري

هلا اخوي بويوسف
كلامك صحيح خاصه الشقق من المحتمل ترتفع اسعارها
ولكن في حريم عندهم فلوس ويمكن قله ولكن ممكن تأثر ولو قليلا بالاسعار
وان كنت اتمنى ان تنزل الاسعار وتصير بمنتاول الجميع

 

[hbtko]

من حظ السوري والمصري مع احترامي لهم. الكويتيه راح تتصيد على زوجها وتتطلق والا جانب محترفين بالنصب بالحنان والله ليبيعها ملابسها قانون يحرض على فسوق المرأه وعصيان زوجها لان لها خط رجعه

 

[بوخمسين]

مالها الا 45 ألف دينار اذا وافقوا عليها

 

[haddaq8]

ما راح يؤثر شي على الاسعار ولا نتفه ، هذي شريحة ضئيلة من السوق و مستوى سيولتها يناسب الشقق فقط