تجديد البطاقه المدنية / عاجل

[baba عمو]

تجديد البطاقه المدنية / عاجل

السلام عليكم جميعا


هل صحيح أنه يجب أن تجدد البطاقه المدنية ، با البطاقه الذكية قبل 31/12 /2010 ؟

و إلا تدفع غرامه 100 دينار ؟

 

[قلم حر]

انا ما ادري عن الموضوع

لكن دام بطاقتي القديمه مانتهت مايصير يدفعوني غرامه​

 

[baba عمو]

انا ما ادري عن الموضوع

لكن دام بطاقتي القديمه مانتهت مايصير يدفعوني غرامه​

أنا نفسك ، لكن الشباب توه با الدوانية خرعوني ، من أكثر من مصدر ، علشان جذيه حطيت

الموضوع ، إن شاء الله مو صج ، إذا صج ، الله وكيلك ، بنام ومن صباح الله خير بدابج، بس

الطلبات وايده ، خاصه فصيله الدم والصور

 

[قلم حر]

أنا نفسك ، لكن الشباب توه با الدوانية خرعوني ، من أكثر من مصدر ، علشان جذيه حطيت

الموضوع ، إن شاء الله مو صج ، إذا صج ، الله وكيلك ، بنام ومن صباح الله خير بدابج، بس

الطلبات وايده ، خاصه فصيله الدم والصور

انا ما غيرت ولا عندي فكره عن الموضوع

لكن عقلي مو راضي يتقبل انه بطاقتي مانتهت ويخالفوني​

 

[الصامد.م]

انا اول مره اسمع هذا الكلام بس اعتقد موصحيح لو صحيح جان تم تقديم استجواب لرئيس الوزراء ,,,للتأكد أكثر الله لايهينك دش موقع المعلومات المدنية يمكن تلقى الرد على سؤالك

 

[zidantheking]

لو صج جان كتبوا بلجريدة

 

[الشاطر]

لو هالكلام صحيح جان على الاقل حطوا اعلان رسمى

 

[Low Fat]

واللي ماعنده 100 يسجنونه

وياويلكم وياسواد ليلكم ,,​

 

[baba عمو]

السلام عليكم

اشكر كل من إجتهد و شارك ،



جزاكم الله خير ، كلامكم صح ، بعد البحث و التحقيق طلعت اشاعه

أنا أتأسف من كل من ضيع وقته ، كما ضاع وقتي

اتمنى من المشرفين إغلاق الموضوع

 

[nabhaan79]

الله يجزاك خير

عاد تدري إن هالإشاعه سامعها من إسبوع والآن جزاك الله خير فتحت الموضوع وتأكدت وريحتني لأني كنت محاتي هالسالفة ...

 

[mxxy]

هذا الكلام غير صحيح ...

حيث أن الفترة الأخيرة لتجديد بالبطاقة الذكية 2012-1-1 . ولا توجد غرامة ألا من أنتهت بطاقته .. أما على هذه الاشاعة آنه مستعد أدفع 100 دينار للمعلومات المدنية لو جددوا بطاقتي بأسرع وقت ممكن ؟ يلا وينكم أدفع 100 وتجددونها لي باجر ؟


الكلام الصحيح أنك تروح معاك صورتين 6\4 و10 دنانير وتجدد وتطلع بعد شهرين . ولا غرامة للتأخير والموعد التجميدي 2012 .. وبعد هذه الفترة يطالبون المواطنين بالتجديد لكن مافي أسمه غرامه 100 دينار .

 

[fahad_kw]

تعقيبا على كلام اخوي مكسي،
انا رحت الشهر اللي طاف وطلعت البطاقة الذكية ، صورتين 4\6 ودينارين رسوم فقط ، وطلعت بعد 4 ايام.