عندي سؤال عن نوع ماي الراديتر

[ASUS]

شباب عندي مزراتي موديل 2009 جراند تريزمو وابي ابدل الماي مال الراديتر وابي اعرف ايهو الاحسن الاخضر ولا الازرق

وابي ابدله بلبيت لان بلوكاله سعره 89 دينار ماله داعي

ياريت تساعدوني

 

[560SEL]

الازرق وحط مال بي ام او مرسيدس والبي ام اثقل واكثف
الازرق للاورووبي لان المحرك المونيوم
الاخضر للياباني والامريكي القديم ومو كله وهو للمحرك الحديد
الاحمر للامريكي والياباني
على العموم حط ماي بي ام اصلي و العلبه لتر ونص حول 4 او 5 دنانير وخذه من الغانم الوكاله
حط العلبه وزيده بماي مقطر اذا تبي تحافظ على الراديتر والمحرك والتبريد يكون اوكي
لان الماي الحلو فيه املاح ومع الحراره يحتر الماي ويتفكك الملح منه ويسوي ترسبات على ارضية الراديتر وجدران مجاري تبريد المحرك وتبدا ترتفع الحراره ومع الوقت يخرب الراديتر ويتسدد وانت سيارتك مازيراتي يمكن الرديتر ب500 دينار ولو احترت الماكينه وش يعدلها ولا وين تلقى مستعمل ولو تلقى غاليه
واذا السياره ما فيها شي لا تغير الماي خله احسن ماي المصنع

 

[ASUS]

مشكور اخوي بس المشكله اني لما بطلت المطاره شفت الماي ولا مصدي !!! عشان جذي بغيره

ولان كان عندي فالت هوز ف الماي كله طلع وعبيتها ماي حلو والوكاله قالولي بدله بس انا طلعتها واستعملتها وخفت لما شفته مصدي قاعد اقول باجر بروح اشتري مال مرسيدس او بي ام مثل ما تفضلت وبسحب الماي كله وبعبي نص لتر بس والباجي ماي مقطر

 

[TRADING]

يعطيك العافية اخوي والله يبارك لك بالموتر وعليك بالعافية

اعتقد انه كثير من الناس يتكلمون عن نوعية ماي الراديترات بكلام البنجرجية فيختلط الحابل بالنابل بالمعلومات والكل يتداول الكلام الخطا

علي العموم وللعلم حسب علمي المتواضع :
اللون لا يعني شي بالنسبة للمركب الرئيسي لماء الراديتر ولكن هي صبغه تضاف لتحديد اماكن التسريبات ان حصلت في دائرة التبريد من اي نقطة

بالنسبة للنوعيات المتوفرة بالسوق هي بالفعل مختلفة من ناحية التركيبة وقدرة كل نوعية من تحمل درجة حرارة اقل في حالة التجمد (انتي فريز) والغليان (بويلنق)
بمعني اخر النوعيات المستوردة فيها اختلاف خصوصا بدرجة التجمد لانه معنية بالدول الباردة واللي فيها درجات حرارة متدنية تحت الصفر فيمنع ذلك التجمد بالراديتر والاهم بالنسبة للمناخ الخليجي هو درجة الغليان لان معظم فترات السنة تكون درجة الحرارة فوق الصفر الا انه لا ضرر من الاهتمام بدرجة التجمد لان الله هو العالم بظروف الطقس لو حصل اي استثناء في درجة الحرارة

بالنسبة للنوعية اللي تختارها تاكد ان كل شي وله سعره من حيث المصنعية (بلد الصنع) وهو بالتالي يعكس الجودة
بس لا يخدعونك بكلام فاضي عن اللون والاملاح اللي تترسب فهي بكل الحالات لا يتم ازالتها عن السوائل بشكل مطلق ومن واقع علمي وهندسي فان الراديتر يحتاج تنظيف للدائرة الداخلية كل فترة من الترسبات الملحية

كل التوفيق

 

[560SEL]

كلامك اوكي يا اخ تريدنج
انا اقصد لكل محرك ماء خاص فيه والاخضر مضر للاوروبي انا مره اشتريت مرسيدس وكله حراره ويوم بطلت المطاره الا اخضر ولقيت الراديتر مصدي من كل جهه وبدلته وركبت بس ماي مقطر والحراره اوكي وحطيت الماي الاصلي للمرسيدس ولونه ازرق علبه لتر والباقي ماي مقطر والراديتر له سنتين وتقول جديد ما شاء الله
وبالنسبه الترسبات الملحيه اللي يسببها الماي الحلو العادي لان فيه نسبة املاح اما المقطر مستخلص تماما من الاملاح وهو الممتاز وترى لو عبيت الراديتر ماي مقطر بس وبدون الماي الاحمر او الازرق الراديتر يعيش معك 10 سنين لكن دير بالك كل فتره شيك لانه معي الحراه يتبخر
الكلام هذا كله من تجارب على سيارات اوروبيه وامريكيه ويابانيه

 

[al-badi]

السلام عليكم

اخوي انا مره حطيت ماي اخضر حق بي ام ولاااااااااااعت جبدي لانه من اوقف في زحمه تحتر السياره وكل ما افحصها يقولون مافيها شي لا راديتر تعبان ولا ترمستات ولا قازقيت الراس ولا مروحه ضعيفه ولاااااا شي خربان بعدييييييين واحد ارمني قالي بدل الماي وحط ماي عادي لا اخضر ولا ازرق --- طلع الماي اللي انا حاطه مو اصلي واهوا اللي يسبب الحراره للسياره
وسلامتك وحبيت اشارك معاكم والله يحفظكم من كل شر

 

[ASUS]

انا راسلت المصنع قاولي اذا تبي تحط حط مال جاكور وسعره 12 دينار او احط ماي مقطر بروحه ومشكورين شباب ويعطيكم العافيه