لو تكرمتوا وين يبيعون التلبينة أو الشعير ؟؟؟

[أبو زين]

السلام عليكم

كما في العنوان

وين يبيعون التلبينة ؟؟ وجم أسعارها ؟ أو الشعير وين أقدر أحصله ؟

أرجو الإفادة وجزيتم خيرا ​

 

[مدمن نت]

وعليكم السلام اخوي لبو زين

تلقاها بالجمعيات وبمراكز سلطان

وفي عضو بالمنتدى يبيعها وهذا الرابط

http://www.indexsignal.com/forum/showthread.php?t=269760


وان شاء الله اني قدرت افيدك ..

 

[أبو زين]

الله يجزيك كل خير حبيب قلبي مدمن نت وبارك الله فيك

إي والله أفدتني وايد ... مشكووور

 

[أبو فارس 454]

مكانهم فى الشويخ وانت داخل من صوب سوق لندن والتمور اول دخله على اليمين وبعده يسار بجانب برحى سنتر وحاليا فى ارض المعارض وعندهم عرض على التلبينه النبويه للرجيم

 

[البيت الخليجي]

أخوي
هذا كلام واحد من الربع عنده خبرة يقول:
عمل التلبينة سهل فهي عبارة عن شعير مطحون
أما اللي يبيعونه في الأسواق فغالي يعني 500 غرام بدينارين هذا سعر مبالغ فيه
فالكيلو يبيعه التويجري بخيطان بدينار واحد
والشعير نوعين :
نوع ماخوذ خيره ( مال المطاحن ) و هذا يصلح لاستهلاك البهايم
و نوع فيه خيره و هذا هو اللي يصلح لعمل التلبينه
وأماكن بيعه كثيره بس هو قال لي إن التويجري اللي يبيع التمر و القهوة بخيطان جنب مسجد الجمعية يبيع هذا الشعير و عملها سهل

أتمنى إني أفدتك

 

[أبو زين]

الله يجزيك كل خير أخوي ( البيت الخليجي )

طبعا كفيت ووفيت ويعطيك العافية

 

[شذى العطور]

السلام عليكم

التلبينه سهله ما يبيلها شي

اول شي طحين شعير وموجود عند محلات التمور مثل تمور بريده وهو مخلوط بقمح لان الشعير بروحه ماحد يقدر ياكله او تشترون شعير وتطحنونه وتخلطون معاه طحين بر

تحمس الطحين على النار شوي وتحط عليه حليب بارد ويفضل حليب ابل عشان الفايده او حليب قليل الدسم

تتركونه على النار مع التحريك لغاية ما يغلي وبعدين نطفي النار ونحليه بالعسل الطبيعي وممكن اللي يحب يغير يحط بدل العسل تمر مهروس

طريقته مثل العصيده

وبالف عافيه ولا تنسونا من الدعاء

 

[بيع+شراء]

موفق خير ان شاء الله

 

[فهد97788]

على هذا الرابط

http://www.indexsignal.com/forum/showthread.php?t=269760

 

[hamed_zd]

اخوي انا اشتريها جاهزة بدينار
في مجمعات المنقف
بقرب مسجد الهبدان
ولكن كما قال احد الاخوة
النصيحة انك تشتريها
وتعلمها بالبيت وجزاة الله خير انه خبرنا مكان بيع دقيق الشعير

وهذا فيديو
يشرح عمل التلبينة

http://www.youtube.com/watch?v=sW391aVySbY

[YOUTUBE]http://www.youtube.com/watch?v=sW391aVySbY[/YOUTUBE]