أمتلك عقار بطريقة ميسرة

[eeezeee]

يوجد شركة تقدم خدمة التمويل العقاري بنظام المرابحة أو الأجار بحد أقصى 10 سنوات (بدون كفيل)

للمواطن والمقيم للشركات والأفراد

التمويل من 70 ألى 75 % من قيمة العقار


لايهم قيمة القسط بالنسبة للراتب​

 

[خالـــــد]

التمويل موجود بس ماكو عقارات اسعارها مناسبة مدرة للدخل ؟ هني الحجي

يعني في عمارة بحدود ال 400 الف و اقل مدخولها 4000 شهريا ؟

 

[مؤسسة]

التمويل موجود بس ماكو عقارات اسعارها مناسبة مدرة للدخل ؟ هني الحجي

يعني في عمارة بحدود ال 400 الف و اقل مدخولها 4000 شهريا ؟

ليش عندك عمارك قيمتها 400 ومدخوله 4000 على ايدك

 

[eeezeee]

أخوي خالد وين اللي دخلها 4000 وسعرها 400 الف

على قولة أخوي اللي قبلك على ايدك .

وصدقني ماراح تحصل نفس ماقلت

 

[Alrowii]

أخوي وين هذى الشركة ؟

 

[الأرستقراطي]

أخوي ماني فاهم ،،، يعني لو راتبي 1500 دينار و عندي قسط 600 دينار و ابي عقار قيمته 100 الف شلون تحسبون القسط ؟؟؟

 

[eeezeee]

بالنسبة للراتب هذا شي راجع لك اذا انت قادر تدفع القسط مافي مشكلة تقدر تشتري

 

[MH For Ever]

اخوي لو الراتب 1000 دينار وابي قرض عقاري بقيمه 40 الف على 5 سنوات
جم يطلع القسم الشهري وجم تاخد الشركه ارباح مني (فائده يعني)

ومشكور

 

[eeezeee]

الشركة تاخذ نسبة 7% من قيمة العقار

والشركة تشتري لك شقة اوعمارة

نفس طريقة بيت التمويل بس أسهل وأيسر

 

[المانع]

يوجد شركة تقدم خدمة التمويل العقاري بنظام المرابحة أو الأجار بحد أقصى 10 سنوات (بدون كفيل)

للمواطن والمقيم للشركات والأفراد

التمويل من 70 ألى 75 % من قيمة العقار


لايهم قيمة القسط بالنسبة للراتب​

الســــــــــــــــــــلام عليكم


اخوى ..

ودنا تعطينا نبذه عن التمويل وانا شخصيا ما ابى تمويل بس ودى اعرف الطريقه

1- ماهى طريقه العقد والبنود الجزائيه

2- ماهى نسبه المرابحه على حسب السنين ..

3- هل الوثيقه تسجل باسم المالك ام تسجل باسم الشركه لحين تسديد القرض ..

4-وهل هذا العقد يخضع لشروط البنك المركزى 40% ام يخالف شروط البنك المركزى ..ولا ننسى بان بنود البنك المركزى الحاليه تحافظ على دخل المواطن بحد اقصى 40%

5- نريد صوره من العقد والشروط ​

 

[eeezeee]

خلال أيام انشاء اللة ينزل الشروط والعقد وكل الأستفسارات بأذن اللة

 

[المانع]

خلال أيام انشاء اللة ينزل الشروط والعقد وكل الأستفسارات بأذن اللة

شلون خلال ايام ..؟؟

وتبى تمول حق الناس على اى اساس تمويل وماعندك لى الحين لافكره ولاشروط ولابنود ولاعقد ؟؟

المفروض تكتب لنا الشروط والمرابحه وبعدين تنزل موضوعك

ولاتنسى اهم شئ القسط الشهرى يكون معقول ويخظع للبنك المركزى عشان الناس ماتتدبس وتصدر عليها احكام

 

[sasa911]

تتعاملون مع السكن الخاص ؟؟؟
كارض او قسيمة ؟؟
او تعاملكم فقط مع العمارات والشقق ؟؟

 

[sasa911]

ملاحظة يا اخوان ... كلمة (( ان شاء الله )) تكتب هكذا

ولا تكتب بهذا الشكل (( انشاء ))

ففرق بين المشيئة ... والبناء

 

[مطلوب بيت]

السلام عيكم ورحمة الله
مرحبا اخوي ......
ارغب بشراء منزل بحدود 150 ألف ولدي مبلغ 100 الف هل تسددون عني باقي المبلغ وأدفع لكم أقساطكم شهرا وكم الفايدة وما هي الضمانات ؟؟؟؟؟؟

 

[BO-ABDULLAH]

اذا كنت ارغب بشراء بيت بسعر 220000
تدفع لي الشركه 68.2 % من القيمه = 150000
قرض التسليف = 70000
المجموع = 220000

كم القسط الشهري و على كم سنه و هل القسط ثابت ام متحرك؟؟
ماهي الاجراءات و الضمانات؟؟

وشكرا

 

[ksr911]

awaiting

 

[eeezeee]

ياجماعة الخير صدقوني انا مابي استعجل في بعض الأمور حتى أكون صادق معكم في كل اللي أقولة .

لأن بعض الأخوان من خلال ردودة حكم علي أني أبي أضحك على الناس وأنصب عليهم ياجماعة الضمانات هي ضمانات بيت التمويل ولاكن الشركة تسهل وتدفع أكثر من اللي يدفعة بيت التمويل ونصيحة اللي بيتعامل مع الشركة لايوقع ولا يسوي شي الأ وهو متأكد من كل البنود والشروط .

وأنا قاعد أجهز البنود وأدرسها على شان الكل يكون على بينة ولا ماعندي مشكلة أسوي المعاملة بدون بنود ولا شرح مفصل للعميل .

وقبل ما نسعى للرزق صدقوني ان حنا نخاف اللة ولا نستغل أحد ولا نتعامل بالتعاملات الربوية اللة يبعدنا وياكم منها .


وشاكر لكل من شارك في الموضوع ومن لم يشارك

 

[الاقتصاد والمال]

ياجماعة الخير صدقوني انا مابي استعجل في بعض الأمور حتى أكون صادق معكم في كل اللي أقولة .

لأن بعض الأخوان من خلال ردودة حكم علي أني أبي أضحك على الناس وأنصب عليهم ياجماعة الضمانات هي ضمانات بيت التمويل ولاكن الشركة تسهل وتدفع أكثر من اللي يدفعة بيت التمويل ونصيحة اللي بيتعامل مع الشركة لايوقع ولا يسوي شي الأ وهو متأكد من كل البنود والشروط .

وأنا قاعد أجهز البنود وأدرسها على شان الكل يكون على بينة ولا ماعندي مشكلة أسوي المعاملة بدون بنود ولا شرح مفصل للعميل .

وقبل ما نسعى للرزق صدقوني ان حنا نخاف اللة ولا نستغل أحد ولا نتعامل بالتعاملات الربوية اللة يبعدنا وياكم منها .


وشاكر لكل من شارك في الموضوع ومن لم يشارك

يعطيك العافيه
شنو اسم الشركه هل هو سر؟
ومن هم ملاكها حتى نعرف مصداقيتها ؟
لا اقصد الاسائه بس من المفترض بك يا اخى الكريم وانت وسيط عقاري ان تتريث فى كتابة الموضوع حتى تكون لديك معلومات وافيه ودقيقه
ومشكور

 

[دينار كويتى]

نبى التفاصيل متى توفرت لديك


مع جزيل الشكر