ماهو سبب اشتراكك في هذا المنتدى ؟؟

[ali cat]

السلام عليكم و رحمه الله و بركاته

ماهو سبب اشتراكك في هذا المنتدى ؟؟

شباب وبنات ابي من كل واحد فيكم

يقول السبب الي خلاه يشترك في المنتدى

ويش الي مخليه يستمر

وشكرا .......

 

[baba عمو]

هذا أول منتدى أشترك فيه

ولسبب واحد

لاني أحس اني بين هلي وناسي....

 

[Low Fat]

ماراح تعرف السر !!

... الحمدلله
عن نفسي أجد راحتي لما أتصفح المؤشر نت ​

 

[هيفا]

اول مره اشارك بمنتدى

الاعضاء حببوني فيه

حسيتهم اهل وعلى قلب

قلبهم نظيف

ودمهم عسل

اللي يحفظهم

 

[الهمس الخجول]

اول منتدى كويتي اشارك فيه عرفته بالصدفه واللي خبرني عنه شخص غالي على قلبي !!

 

[B-A-1983-A-B]

ودي اقول بس اخاف يفهموني غلط ويقولون عني مصلحجي هههههههههههه
منتدى فية بو شيشة وأكتن وقلم وفضل والانيقة و الشباب الباجين ولاقصور فيهم ماينعاف

 

[blue chipper]

سلام عليكم


كنت اتداول با الاسهم على البركه ، و سألت عن منتدى إقتصادي أجد

فيه تحليلات و أخبار الأسهم ، و قالولي عليك با المؤشر نت ، فادمنت عليه

و هو تقريبا صفحتي الرئيسية

 

[بحريني1972]

الصراحه في البداية اول اشتراكي كان بسبب البيع والشراء بس الصراحه واقسم بالله صرت ارتاح لما ادخل المؤشر والله اقسم بالله وبدون مجامله ان المؤشر نت صار شيئ مهم لي احس اني مرتاح لما ادخل الموقع

لقيت فيه اعضاء تحس انهم صج اخوانك واكثر مع انك ما تعرفهم والله ومليون نعم بجميع الاعضاء بدون ذكر اسماء

بس احب اذكر الاخ العزيز القدير قلم حر صارلي موقف سوء تفاهم مع احد الاعضاء والاخ القدير المحترم قلم حر تصورا يتدخل بدون سبب قصده يبي يحل الخلاف

شوفوا الاخلاق العاليه والروح الطيبه ماتقصر ياخوي قلم حر وهذا كلمة شكر لك مني امام كل الناس وهذا اقل شيئ اقدر اسوي وانا ادري ان المنتدي فيه وايد وايد وايد ناس محترمه وتخليك تحس انك بالفعل انك بمنتداك وبين اهلك

وبعد فرصه اقول ان شاء الله اني ما زعلت احد واللي زعلان مني اقوله تري الزعل ممنوع انت بالمؤشر نت

 

[كوهجي]

شكرا blue chipper على الدعوه


الصراحه أخوي عرفني بالمؤشر نت لمتابعه السوق هذا كان اهتمامي الاول

وبعدين تصفحت الاستراحه وشفت مواضيعها مختلفه محليه وعالميه

قمت أعرف الاخبار من غير ما أقرا الجرايد

هذا الى جانب اني تعرفت على ناس لاول مره صراحه مختلفين باطباعهم

واهتماماتهم لكنهم بالنسبه لي كلهم هلي وأحبهم في الله

 

[قلم حر]

الصراحه في البداية اول اشتراكي كان بسبب البيع والشراء بس الصراحه واقسم بالله صرت ارتاح لما ادخل المؤشر والله اقسم بالله وبدون مجامله ان المؤشر نت صار شيئ مهم لي احس اني مرتاح لما ادخل الموقع

لقيت فيه اعضاء تحس انهم صج اخوانك واكثر مع انك ما تعرفهم والله ومليون نعم بجميع الاعضاء بدون ذكر اسماء

بس احب اذكر الاخ العزيز القدير قلم حر صارلي موقف سوء تفاهم مع احد الاعضاء والاخ القدير المحترم قلم حر تصورا يتدخل بدون سبب قصده يبي يحل الخلاف

شوفوا الاخلاق العاليه والروح الطيبه ماتقصر ياخوي قلم حر وهذا كلمة شكر لك مني امام كل الناس وهذا اقل شيئ اقدر اسوي وانا ادري ان المنتدي فيه وايد وايد وايد ناس محترمه وتخليك تحس انك بالفعل انك بمنتداك وبين اهلك

وبعد فرصه اقول ان شاء الله اني ما زعلت احد واللي زعلان مني اقوله تري الزعل ممنوع انت بالمؤشر نت

مشكور والله يطولي عمرك ويحفظك على الكلام الطيب يا طيب




نرجع للموضوع


انا شاركت بالمنتدى لمتابعة السوق الامريكي وبعد سنه تقريبا

دخلت الاستراحه وشاركت فيها ولقيت روحي فيها​

 

[سرور]

أجد الراحة النفسية في هذا المنتدى مع الأعضاء والأخوة المشرفين بتميزهم بالأخلاق العالية والصفات الطيبة.. وبعدهم عن الاسفاف عندما تطرح رأيك الخاص .

مع تمنياتي بدوام الصحة والعافية للجميع
ونسأل الله المغفرة

 

[smsxxxsms]

حبيت من خلال المؤشرنت ان اكسر الإشاعات واقرب الاخبار الصحيحة والمفيدة الاقتصادية المحلية والعربية والعالمية الى هذا المنتدى الذي يحظى باهتمام كبير من المتابعين

 

[جواهر]

انا سجلت بسبب هالقسم تصفحته وشفت روح اعضاءه الحلوه وعجبني وسجلت

 

[بوالعيس بيك]

السلام عليكم

في البدايه كنت أدخل المنتدي أتابع سوق الأسهم الكويتيه

وعقب قمت أتابع الأسهم وأخبار العقارات إلي ان دخلت الإستراحه

ولقيت مواضيع حلوه ومسليه ومفيده وناس طيبين وينحبون غصب

وأحب أذكر البعض منهم

قلم حر , العاشق , أواي , وأكتن , سرور ,بوشيشه ,بورنا ,النايفه ,فضل ,الصدق منجاة ,لوفات[/color]

هالأعضاء إللي يتعرف عليهم ماراح يترك المنتدي

وسامحوني إللي ماذكرتهم

وشكرا لك ياصاحب الموضوع

 

[allante]

السلام عليكم
والله انا دشيته السبب البيع والشراء وبعدها قمت ادشه كل يوم وكل ماابطل النت شنو السبب مادري صار حب بيني وبينه
والله يوفقكم يارب ويديم هالموقع بالمحبه

 

[al3mlaaq]

الناس راقية فية بصراحة ادب واخلاق وحب خير

 

[زهره]

سبب اشتراكي بالمنتدي كان لاخذ استشارات القانونيه اللي كثيرا فادتني وبعدين بالصدفه دخلت الاستراحه وعجبني فيها انه الاعضاء فيها ناس كبار , كان ضايق خلقي ووقتها قريت تعليقات قديم وقلم وضحكت من قلبي وحبيت المنتدي وصار من الفيفوريت

 

[3lgm]

مهما قلت ما راح أوفي هذا المنتدى حقه وفضله علي , أنا تاجر عقار (استثماري) ولا أفهم بالبورصة ولا أعرفلها ولا لي شغل فيها , لكن اللي صار إني كيشت في الـ2008 وبغيت أدخل البورصة بالكاش , ووايد نصحوني ومدحولي السوق وكل ما ينزل يحنون علي ويقولونلي الأسعار بلاش ولا تطوفك , لكن كنت أسويلي حسبة وكأني دخلت وأتابع أسهمي وألاقي نفسي خسران تالي , والعقار من أردى لي أردى وماكو جدامي إلا السوق , فقررت إني أتعلم وأعرف أسرار هالسوق وبحثت بالنت ولقيت منتديات وايد لكن مصداقية وخبرة الأعضاء في المؤشرنت وكرم أخلاقهم جذبتني للمنتدى وتعلمت من متابع التحاليل وقراءة الميزانيات ومتابع العملات والمعادن والسلع , والحمدلله أعتبر نفسي مثقف مالياً حالياً والفضل لله ثم لهذا المنتدى العزيز علينا وأعضاءه الكرام .

 

[الوحيد 1974]

حبى للخير ومحاولتى لمساعدت أخوانى وأخواتى من رواد هذا المنتدى الطيب ووضع خبرتى المتواضعه لأهل هذا المنتدى المميز ، وبصراحه من أخوكم الوحيد بوسعود أقول وعينى أن شاء الله بارده أفضل وأحلى منتدى أقتصادى فى الكويت من غير منازع وهذا الذى جعلنى أسجل فى هذا المنتدى الغالى على قلب الوحيد ولاأخفيكم ياأحبائى حبيت أهل هذا المنتدى ورواده لما أجد من دماثة خلق لكثير من أهل المنتدى وتقبلوا مرورى يالطيبين وشكرا .

 

[ورد و هيل]

قبل سنة تقريباا

كان معاي زميل بالدوام دايماا يتكلم عن المنتدى
ويحثني عا التسجيل فيه بس ما كان عندي وقت حزتها
وبعدين سافر وووتوهقت

ف لما احتجت معلومات اكثر عن السوق الكويتي والامريكي

قمت وسجلت بالمنتدى

و للامانة الكل هني فيهم الخير والبركة