خامات شتوية سعر المتر 4250 دينار بس

[al7bebe]

تقرير عن محل بن نخي للخامات الفاخرة الموجود بمجمع الصالحية عنده خام سعر المتر 4250 د.ك يعني اذا بتفصل دشداشة شتوية تحتاج 3 متر أضربهم ب 4250 تطلع عليك الدشداشة 12 ألف و 750 دينار بس. المحل عندهم خامات تحتوي على خيوط ذهب عيار 22 و خامات مخلوطه بالألماس والحرير وفي بعض الخامات مصنوعة من جلد حيوانات نادرة !! و عنده خامات 800 دينار للمتر و في 700 دينار وفي 300 دينار
شوفوا التقرير

http://www.youtube.com/watch?v=vsR2symtVNI&feature=player_embedded

 

[qadsawi]

أنا اول شي علي بالي اربع دنانير وربع لأكن نصدمت منو بيشتري حتي لو ملياردير مايشتري اقط 12الف علي دشداشة

 

[سرور]

عفوا نسيت دفتر الشيكات بالسيارة

 

[دربك أخضر]

أموت و أعرف منو البطران اللي يشتري منه

 

[نواره1]

على بالى أربع دنانير و ربع .. قلت والله زين الدشداشه ما تطلع عليكم حتى عشرين دينار تاليتها 13 ألف .. و خياطها عشر دنانير ..
بعد هم فشله لازم يوديها خياط قصت ايده بثلاث آلاف ..

ماكو شغل 13 ألف على دشداشه أفتح فيهم ثلاث محلات خام

 

[abdullah6868]

الله المستعان

 

[العاشق]

ليش مسغربين لو ماعنده زباين جان مابطل

وزباينه انا متأكد ماتعبو بالفلوس جتهم بارده مبرده إما عضو مدهون سيره او صاحب منصب ماكل اللي بين ايدينه

وكاسك ياوطن ​

 

[النايفه]

ليش مسغربين لو ماعنده زباين جان مابطل

وزباينه انا متأكد ماتعبو بالفلوس جتهم بارده مبرده إما عضو مدهون سيره او صاحب منصب ماكل اللي بين ايدينه

وكاسك ياوطن ​

يا مشرفين شفوا شغلكم

القوا القبض عليه

عشان يبطل يفتح دواوين

 

[zinger]

[YOUTUBE]vsR2symtVNI[/YOUTUBE]​

 

[الوليد q8]

عجبني هذا التعليق


الله يرزقنا الجنة .. كان ثوب عمر فيها 20 رقعة ومع ذلك فتحوا العالم .. وفي غضون 20 سنة فتحوا بيت المقدس

 

[away1979]

مو شي غريب

لأنك ماسألتني عن خامتي إلي لابسها ​

 

[ناس داك خوش ناس]

اللللللللللللللله اكبر علا الفسق..... وتقولون ليش للحين ما رزقنا الله بالمطر !! ؟؟ من ذنوب العباد اللهم يا ساتر علا بالى 4و 250 دينار قلت نكشخ شوى يوم صار البرد بس دام جذيه اقول الله لا يخسف فينا من فعل بعض البطرانين

 

[ENG.electric]

لبس الذهب للرجال حرام
والله أعلم

 

[B-A-1983-A-B]

اخ بس ,,,,,,,,,,, لو تقولة تبرع بخمس دنانير حق فقير ينزرك بس حق الفسقنه والتبطر عند ويهك يدفع الاولي والتالي ...!!!
الحمد لله على نعمة الاسلام بس وين الي يفهما عدل دام في ناس تشتري دشداشة بـ 12 ألف دينار كويتي !!!!

 

[Low Fat]

أهم شئ دخول العلم والذوق بتصنيع الخام ..


اللهم لاتسلط علينا بذنوبنا من لايرحمنا .. اللهم آمين.​

​

 

[بو شيشه]

الآدمي لو ينباع ما يجيب نص السعر استغفر الله
عاد ما تترقع دشداشه ب12 الف على جوتي ب20 دينار

 

[B-A-1983-A-B]

^^^^^^^^^^^
لا وحلاتها اروح للقهوة ويمي واحد يتتن ولا يشرب قدو ويحرق دشداشتي ام 12 ألف شسوي بعمري حزتها !!

 

[بو شيشه]

^^^^^^^^^^^
لا وحلاتها اروح للقهوة ويمي واحد يتتن ولا يشرب قدو ويحرق دشداشتي ام 12 ألف شسوي بعمري حزتها !!

المشكله اذا قطيتها مصبغة ورديت ثاني يوم وما حصلتها
حتى قلبك ما يطاوعك تهدها بالمصبغه هذي ب12 الف

 

[الصدق منجاة]

انت شفت اللي البياع ! الاصلع اللهم لاشماته يبيع دشداشه ب 12 الف وبدلته من بيت اولادنا ب 12 دينار

هذول جذابين لاذهب ولا غيره خيوط زري مثل اللي بالبشوت ويقولك ذهب

 

[الصدق منجاة]

المشكله اذا قطيتها مصبغة ورديت ثاني يوم وما حصلتها
حتى قلبك ما يطاوعك تهدها بالمصبغه هذي ب12 الف

هذي لو دشداشتي اتسبح وانا لابسها اغسلها وانا متطمن