ضعف قيمة التداول الي متي؟

[frozen]

7 مليون تداول اليوم و الاسابيع السابقه لا يتجاوز ال 20 مليون هل توقعاتكم راح يستمر هالوضع؟

 

[مليون دينار]

القيمة المتداولة : 8,769,350

الله يستر تداول جدا ضعيف

 

[مضارب بورصوي]

اي والله الله يستر اذونه بسالفة زين

 

[الفارس الجسووور]

انخفاض قياسي في التداول لم يشاهد لأكــــــــــــــــــــــــــــــــــــثر من 6 سنوات

هبوط حاد في التداول بلغ 8700000 لم اشهاد هذا الرقم من 6 سنوات والحمد لله نزول معظم الاسهم كان بوحدات قليله وهذا ينفي سمة البيع العشوائي او تدافع الكثير للبيع بأي سعر واتمنى من الله بأن لا نرى ارقام اقل من هذا الرقم وان يكون هذا الرقم هو القاع الذي يرتد منه المؤشر تدريجيا"

 

[مساهم متواضع]

خوي ما احد الحين يبي يدش السوق الوضع غير مستقر بالاضافة الى ترقب صفقة زين اللي ماحد داري عن نتائجها تتم ام لا بالاضافة الى نتائج الشركات للربع الثالث وخسائرها الكبيرة شلون تبي الناس تدش السوق ؟؟!!

الحين شركة نور خساره 24 مليون ؟؟؟ شلون جي ؟ الربع الاول كانت ربحانه والثاني خسائر 11 مليون والحين 24 مليون ؟؟!!

منو يبي يدش ويشتري اسهم خاسره جذي ؟

 

[مليون دينار]

خوي ما احد الحين يبي يدش السوق الوضع غير مستقر بالاضافة الى ترقب صفقة زين اللي ماحد داري عن نتائجها تتم ام لا بالاضافة الى نتائج الشركات للربع الثالث وخسائرها الكبيرة شلون تبي الناس تدش السوق ؟؟!!

الحين شركة نور خساره 24 مليون ؟؟؟ شلون جي ؟ الربع الاول كانت ربحانه والثاني خسائر 11 مليون والحين 24 مليون ؟؟!!

منو يبي يدش ويشتري اسهم خاسره جذي ؟

نور اصبحت ظلام

 

[الفارس الجسووور]

العمل في بورصة الكويت اصبح يحتاج لمستوى عالي جدا من الاحترافيه مدعومه بمعلومات دقيقه من مصادر موثوقه يعني مهنة اشبه بالتنجيم او السحر وبهالوقت اللي قاعده تمر فيه بورصة الكويت في ظروف سيئه جدا في ظل هالازمه العالميه هو نفسه الي قاعده تشهد فيه بورصة قطر أزهى عصورها واللي كل يوم سهم ما فيها يخترق مستوى سعري جديد في تاريخه واللي يذكرني في بورصة الكويت سنة 2005 يا سبحان الله ... ما اقول الا الله يوفقهم ويغنيهم بالحلال وان شاء الله اللي صار في بورصة الكويت ما يصير فيهم والحراميه اللي هنيه ما يروحون هناك ويخربون الدنيا ويقصون على المستثمرين وياخذون فلوسهم بالحرام

 

[frozen]

الوضع بشكل عام سياسي و اقتصادي متوتر

 

[فيصل2]

لو ماكو سبب جوهري.... كان شفت السوق قط وبيع موطبيعي

ولكن الحاصل كثير من المحافض وصغار المتداولين ماسكين اسهمم

مع وقف الشراء من قبلهم بنفس الوقت

والسبب الجوهري هو قرب اقفالات السنوية ..

والعام الماضي صعد السوق حوالي 400 نقطة بسبب الاقفالات

 

[waham]

انطر اخونا المخ يرجع ويكتب ذيك الساعه اتعرف شنو الموضوع .

 

[barbarian]

توجهوا الى بورصة قطر واتركوا عنكم سوق يتحكم فيه شخص واحد فقط

 

[مضارب شجاع]

العمل في بورصة الكويت اصبح يحتاج لمستوى عالي جدا من الاحترافيه مدعومه بمعلومات دقيقه من مصادر موثوقه يعني مهنة اشبه بالتنجيم او السحر وبهالوقت اللي قاعده تمر فيه بورصة الكويت في ظروف سيئه جدا في ظل هالازمه العالميه هو نفسه الي قاعده تشهد فيه بورصة قطر أزهى عصورها واللي كل يوم سهم ما فيها يخترق مستوى سعري جديد في تاريخه واللي يذكرني في بورصة الكويت سنة 2005 يا سبحان الله ... ما اقول الا الله يوفقهم ويغنيهم بالحلال وان شاء الله اللي صار في بورصة الكويت ما يصير فيهم والحراميه اللي هنيه ما يروحون هناك ويخربون الدنيا ويقصون على المستثمرين وياخذون فلوسهم بالحرام

اخوى صدقنى بورصة الكويت ما ينفع معاها الاحترافية ولا شئ
هذه بورصضة جمبزه وكذب ونفاق والذى يتستر عليهم حرامية
ولو يظلمونك ما تحصل احد يساعدك ويقول الحق
والدليل شاهد كم شركة مغلقة وكم مساهم راح امواله
ولا احد يدرى عنهم لا صحافة ولا اعلام الكل مشترك فى الجريمة
حتى الاعلام مشترك معهم وممنوع يفضح الشركات ويقول ان الناس خسرانه
الحذر ثم الحذر من بورصة الحمبزه

 

[المطبه]

مؤشر خطير
الله يستر
​

 

[starQ8]

والله يا اخواني بورصه الكوويت يبيلها مصادر موثقه بسسسسسس شركات ربحانه تنززل اسهمها وشراكات خسرانه ترتفع والرزق علي الله سبحانه

 

[سرور]

باعتقادي ان الشركات الورقية هي اللي تكتم على انفاس البورصة

 

[انوفستي]

انطر المحكمه

 

[سمبل]

اللي ملعوزنا ومطيح حظنا هو مجلس الامه الدايخ صراخ وسب وهواش وصل اقتصادنا لهذا المستوي عسي الله يصلح احوالنا علشان انشوف الخضار بكل مكان

 

[الشاهين1]

اتوقع االسيووووله طلعت من سوق الكويت وراحت للاستثمار بالسوق القطري اللي يعيش احلي ايام حياته بانتعاش وماراح ترد السيوله لسوقنا التعبان يمكن بعد عشر سنوات

 

[بو وهبة]

إياك واليأس من سوقك .

 

[waleed_nw2009]

بصراحه انا استغربت من قيمه التدوال اليوم وانا حاسس انى دى النهايه ما لم يستجد شيء جديد وتدخلات لانقاز البورصه من الدمار الله يستر