اريد اخلي الطابق الثاني واسكن عيالي وطليقتي

[salemku]

الاخوة الافاضل
عندي مستأجر في الطابق الثاني وراح يكمل 5 سنوات في شهر 9 القادم
وبغيت المسكن حق طليقتي واعيالي لان ضروفهم صعبه وبيت ابوهم اولى لهم من اي مكان اشلون اقدر اطلعه هل اكلمه شفهي او كتابيا وفي حالة كتابيا انا اكتب له او اروح المحكمة وهل المقصد كتابيا عن طريق البريد مع العلم بان البريد توزيعه غير سليم وتوزيعه صباحا فقط والبيت ما فيه احد الصبح علشان يستلم الرسالة المسجلة
يرجى الافادة

 

[rahaly]

افضل طريقة بدل لا تدخل بمتاهات الحاجة للسكن ودفع تعويض
هو اخطار المستأجر من الان برغبتك بانهاء العقد وعدم تجديده

يتم ذلك عن طريق المحكمة باخطار رسمي

والله اعلم

 

[salemku]

اخوي رحال دايما ما تقصر
اذا اخطرته بعدم الرغبة في تجديد العقد راح يخلي بشهر 9 القادم مو قبل صح

 

[salemku]

واذا بغيت ازيد الاجار عليه هم بعد 5 سنوات ولا اقل وكم اقدر ازيد على الايجار فيه نسبة علما الاجار اللي انا مأجره يعتبر بسيط بالنسبة للمنطقة اللي انا فيها دور كامل 400 دينار

 

[rahaly]

الاخلاء نعم شهر 9 بس لازم تخطره من الان افضلك لا يفوت عليك الوقت

والزيادة لا تكون الا بعد انقضاء 5 سنوات

 

[salemku]

شكرا اخوي رحالي على سرعة الاجابه والافاده
احين الزياده بعد خمس سنوات وعدم تجديد العقد هم بعد خمس سنوات علما انه صار له ساكن
4 سنوات و3 أشهر وبالنسبه للزياده اهو اجاره 400 والحين في مستوي الدور اللي عندي والمنطقه 3 غرف ب400 دينار اذا اشعرته بزياده 550 ورفض يقدر يدفع بالمحكمه وهل المحكمة ممكن اتنزل من ال 550 اعتقد انه اسلم اشعره بعدم التجديد واذا وافق على الزيادة اللي انا ابيها ودي اسوي معاه عقد جديد شرايك

 

[انوفستي]

الاخلاء نعم شهر 9 بس لازم تخطره من الان افضلك لا يفوت عليك الوقت

والزيادة لا تكون الا بعد انقضاء 5 سنوات

عندي سؤال بنفس الموضوع
اذا احضرت اخطار من المحكمه بعدم التجديد
هل يحق له عدم دفع ايجار لمده سته شهور قبل الاخلاء
ام يدفع حتى تاريخ اخر يوم بالخمس سنوات

 

[rahaly]

عندي سؤال بنفس الموضوع
اذا احضرت اخطار من المحكمه بعدم التجديد
هل يحق له عدم دفع ايجار لمده سته شهور قبل الاخلاء
ام يدفع حتى تاريخ اخر يوم بالخمس سنوات

اذا كان الاخلاء بسبب انهاء العقد يدفع الاجرة الى اخر يوم

 

[انوفستي]

اشكرك
الاخ رحالي
جزاك الله خير