نصب واحتيال عينك عينك

[560SEL]

السلام عليكم
شوفو الاعلان الشخصي وشوفو قرائة العداد كم
http://www.hrajcar.com/CarDetails_ar.aspx?id=51530

اعلان لنفس السياره باسم مكتب ركن السلطان - حولي منزل العداد
http://www.hrajcar.com/CarDetails_ar.aspx?id=51767

شوفو رقم اللوحه
ويمكن خطا مطبعي الله اعلم لكن المكاتب ريحتها فايحه بزياده بتنزيل العدادات ولازم سلطه حكوميه تعاقبهم

 

[hidden]

الله لايوفقه اذا لاعب بالعداد ولله لايوفقه ولايرزقه

 

[finaltouch]

اخوي لك الف شكر على الملاحظه .....بس ليش مستغرب ....الاغلبيه وليس الكل للاسف نفس الطريقه ( اللعب بالعدادات ) ....الله يهدي الجميع ...

 

[hello bankok]

اعوذ بالله العلي العظيم ..
يا اخي هالناس هذي شلون تسوي هالسوات .. ما يخافون الله

الرسول صلي الله عليه وسلم قال ( من غشنا فليس منا )

والله تحترق السياره ولا أوكل عيالي حرام وغش الناس .

تقبل مروري اخي الكريم

 

[fosskorr]

منزلين تقريبا ٢١ الف كيلو حدا مجرم
ومستحيل غلاط مطبعي لانة الاعلان الشخصي
١٤٦
والمكتب
١٢٥
يمكن يغلط برقم بس مو رقمين
ورقم الاربعا والثنين بعاد عن بعض بالكيبورد
منزلين العداد مية بالمية *

 

[الحريه وطن]

ننتظر الرد من موقع حراج
والا والله ماكو ثقه

 

[Sport]

شنو هذا حرام

 

[500sl]

بس الداخليه رصاصي في الاعلان الشخصي ... والاعلان في المكتب بيج ....؟

 

[سوار الذهب]

ياجماعة لا تستعجلون في غلط بالموضوع

ماعتقد مسألت عداد

يمكن في شي ثاني

 

[كوستا]

من راقب الناس مات همااااااااااا

دعووووا الخلق للخاق

 

[Kaubar]

هههههههههههها انا شايف سياره غلط صاحبها منزل العداد يبيه 70000 خلاه سبعة الاف بس

تجارت السيارات مايمشي صاحبها الابهالطريقة والا ليش ديما الشريطي مكروه من البعض

 

[أبو راشد143]

ياشباب خطأ مطبعي
السايتين نفس العدااااد
والله يرزق راعي الأعلان

 

[560SEL]

يا شباب اللي يقول لون الداخليه قدامك رقم اللوحه
الا اذا غلطان بالصوره

 

[finaltouch]

يا شباب اللي يقول لون الداخليه قدامك رقم اللوحه
الا اذا غلطان بالصوره

========================

اليوم كنت فى احد المكاتب بميدان حولي ....نشوف سيارة مع احد الاصدقاء .....وطلع لنا راعي المكتب يشيل ويحط بالسيارة ويمدح ويرفع ويجبس وووو .....واهم شى كان يركز على الممشي مقارنه بموديلها 2008 موماشيه شي 22500 كم ( تحديدا ) ونظرة وسيرفس منتظم بالوكالة ......وانا كنت داخل السيارة اعاينها وانبش فيها ووجدت كتيب سيرفس السيارة .....والمفاجأة كان مكتوب اخر سيرفس للسيارة قبل شهرين تقريبا وعداد السيارة كان 90225 كم بالضبط ....خذيت الدفتر وتاكدت من اللوحات و الشاصي بعد.....ولما واجهت راعي المكتب فيه ......مارد بكلمة وحده ..... ومشينا حتى ماسلمنا عليه ....ويمكن للحين واقف يمها !!!!!!!!!!!

الشباب الى يقولون خطأ ولا لا .....المشكله مو بالاعلان .....المشكله موجوده فعلا ومنتشره .....والله يسترنا بستره

 

[life-enginer]

نفس العداد !!!!!!!!!!!

 

[الوالي@]

تاريخ اخر تعديل على موقع الحراج
تاريخ اخر تعديل: 07/12/2010 03:15:00 م

وصاحبنا 560sel كاتب الموضوع في 06-12-2010, 11:54 PM

 

[560SEL]

يبه هو عدله وانا قلت يمكن خط مطبعي ويمكن منزل العداد لكن اخر ردين اكيد ما شفتو الاعلان قبل التعديل ولا ليش اتهم الناس

 

[b.bader2010]

اقسم بالله العظيم وربي فوقي اني شاري بيام من مكتب خيران ماشي 50 الف ورحت اسوي لها سيرفس تعرفون توني شاريها تنصدمون طلعت ماشية 80 الف شلوون صادوة من المفتااح حسبي الله ونعم الوكيل اشتكيت ومانفع وكلت امري لربي بس السيارة الالمانية افحصوووووووووووووووووووووها بالوكاااااااااااااااله نصيحة تكفون لاتغلطون والله يكافين شر الحرام دينار حلال ابرك من عشرة حرام

 

[topic_love]

اي نعم اخوي هالمكتب هذا انا قبل سنتين

كنت بشتري منه كايين اس وكان ماشي 92000

ورحت الوكاله اسأل اذا السياره طالعه من عندهم وسبحان الله سئلت عن السيرفس

وقالولي قبل سنه ونص السياره اخر مره دخلت السيرفس ماشيه 140 الف

وشركة دوج اخوي مثمن عندهم التيما ماشيه 113 الف وطبعاً اللي ثمنها بالوكاله شريطي

وبعد اسبوع عرضها بكويت كار ماشيه 70 الف لا وكاتب سيرفس منتظم بالوكاله


نصيحه للي يبي يشتري سياره يروح يجييك عليها بالوكاله ويتأكد من عدادها

ومشكور ياصاحب الموضوع

 

[560SEL]

لا شكر على واجب وهذا شي واجب علينا ننبه بعض ونبين نصب المكاتب