قديم بن عتيج
موقوف
سوالف دواويين / والله اعلم ...
قصة الطلاق ...
يقولون سلمكم الله الشاب هذا طلق زوجتة 3 مرات لانة عصبي ، وهي بعد لاتقل عنة عصبية
وكل يوم هوشة وطق ومذابح معها ، وكل ماعصب طلقها وقال خلاص انا مابيج ،
وبعد مايهدأ ويفكر شوي يندم ، لان زوجتة حلوه الصراحة وبنت ناس محترمين .
المهم يرجع لها ويكلم ابوها واخوانها ، وبالغصب ترجع لة ، لانة قد كرر هذة الفعلة من قبل ..
وعلى هذا المنوال كم سنة لما صار الطلاق الثالث ..
الحين صارت مصيبة يبي يرجعها موقادر ، وهي بعد تبي ترجع لة بس محتارة معاة وخايفة تعنس ...
ليش مافية واحد من جماعتة فطنة وقال لة اشرايك تزوجونها صلوح المجنون ، يوم واحد ويطلقها ويحللها لك ....
دخلت الفكرة ع طول براس الشاب لانة واثق من صلوح المسكين هو مجنون بس طيب...
راح لصلوح وكلم اخوة الكبير ع الموضوع وترجاهم يحللون زوجتة لة علشان ترجع لة من جديد ، وافق اخو صلوح الكبير ، وقال خلاص خل صلوح لحد يكلمة انا اضبطة لكم وقولة عن السالفة كاملة
رجع الشاب مع ابوة لاهل زوجتة وقالوا لقينا محلل يرجع لنا بنتكم
بس بعد مشادة شوية مع بعض مايجوز هذا لعب ...الخ
وافق الجميع بس تكون السالفة بالسر بين العائلتين وعائلة المجنون صلوح
صار العرس بدون فرح ولاشي ولاطقطقة
ومسكوا صلوح وقالوا لة اذا دخلت على البنت ترى ثاني يوم تطلق ، ولا تأذيها ياصلوح ....صلوح طيب ومسكين سمع كلام اخوة الكبير ..
صلوح فية شوية طرمة على شوية لتغة .....قال هادر انا اصير تمام
ماراح اجيس البنية ابدا .....
صار العرس ودخل المعرس صلوح على عروستة.....
ثاني يوم الشاب واقف عند باب بيت صلوح ،،، طق طق رن رن الجرس
محد فتح لة الباب الا بعد ساعة ، طلعت الام ، وقالت ايش عندك ياولدي تفضل ، قال ابي صلوح وينة ...؟؟؟ قالت ياولدي صلوح نايم يأكل حبوب تنومة مايقوم الا الظهر ، تعال العصر واذا جاء اخوة الكبير تفاهم معاة ..
رجع الشاب وهو قلبة شاب نار من القهر ..........
ورجع الشاب العصر للبيت ثاني مرة وطق طق رن رن ...فتح الاخ الكبير ، وقعد معاة بدوانية ،
قال الشاب ها شنو صار وين صلوح ...؟؟
قال والله صلوح ماطلع من الغرفة من البارح للحين يقولون نايم...
بس امرتة اللى إهي طليقتك السابقة تبيك بسالفة تعال معاي للغرفة الثانية ..
قابل طليقتة ، وحماها معاها وام صلوح / وقالت طليقتة لة اشكرة
انا مابيك ، وانا خلاص هذا زوجي على سنة الله ورسولة
وانا مولعبة عندك تطلقني ثلاث مرات ، وتضحك الناس علي....
قال الشاب ياجماعة شنو هذا الكلام ....
اهنية دخل صلوح عليهم وقال ، تــــوف ( يعني شوف ) انا عند كلمتي بس الصراحة زوجتك ماتبيك يااخي ....
قالت زوجتة اقعد اقعد ياصويلح ....
قالت المطلقتة السابقة / لزوجها السابق ، ارجوك توكل على الله واذا موعاجبك روح اشتك اذا لك حق تاخذة ....وانا ماخالفت اوامر الله ورسولة
اجتمع الشاب مع الاخ الكبير ، وقال جيب صلوح تكفى على انفراد ...بعد ان ترجاة
ولما اخذوا صلوح وحاولوا انة يطلقها ، قال صلوح مستهيل( يعني مستحيل ) .....
قالوا ليش ياصلوح ...؟؟
قال انا ابيها اهي تهبني ، و تجيبلي علج وحلاوة ...وتبي تاخذني لسود ( يعني السوق ) وتشتري لي ملابس كشخة و تبي تودني المدينة الترفيهية ....
طلعت مو هينة موصيه صلوح لايطلق مهما كان ، وقالت لة انا احبك ياصلوح لاتطلق يقصون عليك ، بعدين ياخذوني منك .....
صلوح انجن اشلون ياخذونها منة، وهو ماحلم في حياتة تجية وحدة مزيونة وعاقلة وموظفة ، يعني راح تعتني فية وفي اولادة في المستقبل ...
شاط صلوح ، وصرخ عليهم يالله اتلع برا ( يعني اطلع برا) ....
الشاب عاف البنت ، وقال هذا امر الله ، والله يهني سعيد بسعيدة ...
وانتهت القصة .....
[YOUTUBE]Kgw0r8_1ss0[/YOUTUBE]
قصة الطلاق ...
يقولون سلمكم الله الشاب هذا طلق زوجتة 3 مرات لانة عصبي ، وهي بعد لاتقل عنة عصبية
وكل يوم هوشة وطق ومذابح معها ، وكل ماعصب طلقها وقال خلاص انا مابيج ،
وبعد مايهدأ ويفكر شوي يندم ، لان زوجتة حلوه الصراحة وبنت ناس محترمين .
المهم يرجع لها ويكلم ابوها واخوانها ، وبالغصب ترجع لة ، لانة قد كرر هذة الفعلة من قبل ..
وعلى هذا المنوال كم سنة لما صار الطلاق الثالث ..
الحين صارت مصيبة يبي يرجعها موقادر ، وهي بعد تبي ترجع لة بس محتارة معاة وخايفة تعنس ...
ليش مافية واحد من جماعتة فطنة وقال لة اشرايك تزوجونها صلوح المجنون ، يوم واحد ويطلقها ويحللها لك ....
دخلت الفكرة ع طول براس الشاب لانة واثق من صلوح المسكين هو مجنون بس طيب...
راح لصلوح وكلم اخوة الكبير ع الموضوع وترجاهم يحللون زوجتة لة علشان ترجع لة من جديد ، وافق اخو صلوح الكبير ، وقال خلاص خل صلوح لحد يكلمة انا اضبطة لكم وقولة عن السالفة كاملة
رجع الشاب مع ابوة لاهل زوجتة وقالوا لقينا محلل يرجع لنا بنتكم
بس بعد مشادة شوية مع بعض مايجوز هذا لعب ...الخ
وافق الجميع بس تكون السالفة بالسر بين العائلتين وعائلة المجنون صلوح
صار العرس بدون فرح ولاشي ولاطقطقة
ومسكوا صلوح وقالوا لة اذا دخلت على البنت ترى ثاني يوم تطلق ، ولا تأذيها ياصلوح ....صلوح طيب ومسكين سمع كلام اخوة الكبير ..
صلوح فية شوية طرمة على شوية لتغة .....قال هادر انا اصير تمام
ماراح اجيس البنية ابدا .....
صار العرس ودخل المعرس صلوح على عروستة.....
ثاني يوم الشاب واقف عند باب بيت صلوح ،،، طق طق رن رن الجرس
محد فتح لة الباب الا بعد ساعة ، طلعت الام ، وقالت ايش عندك ياولدي تفضل ، قال ابي صلوح وينة ...؟؟؟ قالت ياولدي صلوح نايم يأكل حبوب تنومة مايقوم الا الظهر ، تعال العصر واذا جاء اخوة الكبير تفاهم معاة ..
رجع الشاب وهو قلبة شاب نار من القهر ..........
ورجع الشاب العصر للبيت ثاني مرة وطق طق رن رن ...فتح الاخ الكبير ، وقعد معاة بدوانية ،
قال الشاب ها شنو صار وين صلوح ...؟؟
قال والله صلوح ماطلع من الغرفة من البارح للحين يقولون نايم...
بس امرتة اللى إهي طليقتك السابقة تبيك بسالفة تعال معاي للغرفة الثانية ..
قابل طليقتة ، وحماها معاها وام صلوح / وقالت طليقتة لة اشكرة
انا مابيك ، وانا خلاص هذا زوجي على سنة الله ورسولة
وانا مولعبة عندك تطلقني ثلاث مرات ، وتضحك الناس علي....
قال الشاب ياجماعة شنو هذا الكلام ....
اهنية دخل صلوح عليهم وقال ، تــــوف ( يعني شوف ) انا عند كلمتي بس الصراحة زوجتك ماتبيك يااخي ....
قالت زوجتة اقعد اقعد ياصويلح ....
قالت المطلقتة السابقة / لزوجها السابق ، ارجوك توكل على الله واذا موعاجبك روح اشتك اذا لك حق تاخذة ....وانا ماخالفت اوامر الله ورسولة
اجتمع الشاب مع الاخ الكبير ، وقال جيب صلوح تكفى على انفراد ...بعد ان ترجاة
ولما اخذوا صلوح وحاولوا انة يطلقها ، قال صلوح مستهيل( يعني مستحيل ) .....
قالوا ليش ياصلوح ...؟؟
قال انا ابيها اهي تهبني ، و تجيبلي علج وحلاوة ...وتبي تاخذني لسود ( يعني السوق ) وتشتري لي ملابس كشخة و تبي تودني المدينة الترفيهية ....
طلعت مو هينة موصيه صلوح لايطلق مهما كان ، وقالت لة انا احبك ياصلوح لاتطلق يقصون عليك ، بعدين ياخذوني منك .....
صلوح انجن اشلون ياخذونها منة، وهو ماحلم في حياتة تجية وحدة مزيونة وعاقلة وموظفة ، يعني راح تعتني فية وفي اولادة في المستقبل ...
شاط صلوح ، وصرخ عليهم يالله اتلع برا ( يعني اطلع برا) ....
الشاب عاف البنت ، وقال هذا امر الله ، والله يهني سعيد بسعيدة ...
وانتهت القصة .....
[YOUTUBE]Kgw0r8_1ss0[/YOUTUBE]
