وين حماية المستهلك للباكستاتنية النصابين !

[Balloons Shop]

السلام عليكم
رحت لمحل تلفونات أبيه ينقل لي أسماء تلفوني للأي فون
من جهاز لآخر
من HTC-HD2 لتلفوني الجديد i phone 4 g

قال لي ساعه ونص ، وبحكم هالمحل التعبان واللي اسمه
( جي أس أم أرينا ) في أسواق القرين قلت مو مشكله قريب من المحل

سلمته 12 دينار بعد ما قال لي المفروض 20 ونزل لي برامج الغبي وسبق أني نبهته أني ما يحط حسابه في البرامج لأني احتاج للتجديد باسوورده التعبان

لكن فتحته اليوم الصبح لا تلفونات فيه ولبرامج منزلهم وتحتاج لكلمة باسوورد

شلون أقدر ارد حقي منه ؟ ما تعرفون رقم حماية المستهلك
أقوله وين مسؤلك يقول لي أنا الكل بالكل هني أنا صاحب الحلال !

 

[egyptian869]

يا اخى الكريم سوى ريستور حق الجهاز وكل شئ بيرد نفس ما كان قبل التعديل. وبخصوص البرامج اللى تنزلها من المحلات فهو لازم يستعمل الباس وورد تبعه وكل ما يصير ابديت لازم تروح للى سوى البرامج.

 

[q8.sms]

شحقه حماية المستهلك خذ حقك بيدك

 

[@ عبدالله@]

والله لو منك انا ما ابي لا حماية مستهلك ولا شي والله لا اكسر المحل على راسه اذا مانفع معاه اخليه يسوي الجهاز غصب عنه مو طيب منه لا اهو ولا صاحب المحل

 

[KDDKDD]

حماية المستهلك في جمعية القرين رقم 3 فوق المرور

 

[بو شيشه]

جان جيكت عالأرقام وانت واقف عنده وهي ما تاخذ وقت منك علشان تاخذ حقك بوقتك
المثل يقول طق الحديد وهو حامي

 

[al-atheer]

يا اخوان نصيحه كل شي موجود بالانترنت ومشروح بالصور بس يبيلها تركيز وانتوا ياخوان ماينقصكم شي فقط بحث بقوقل لاتروحن للمحلات النصابين

 

[abdullah6868]

135 وزارة التجاره حماية المستهلك

 

[Kaubar]

نقل الأسماء يسونها بالمحلات ببلاش اذا نزلت عندهم برامج لان موضوعها سهل ومايطول

الباسورد لازم يحطه علشان ينزل برامجه واذا حبيت تسوي ابديت لازم تروحله

المشاكل ماتنفعك يمكن عشان دينار تدفع الف دينار

وأخوي خذها مني نصيحه اي شي ماتفهم فيه تأكد انك راح تخسر فيه

ياتسوي شي فيه خطاء او ينصبون عليك فيه

 

[xnet]

انا اقول روح المحل يا يضبط جهازك مثل ماتبي انت ولا غسله بالمحل حمايه المستهلك اتهدده بس طل مدام مافي فاتووره حتى لو في طل تاخذ حقك انا اقوول غسله وطيب خاطرك

 

[qadsawi]

السلام عليكم اخوي لاتروح اسواق الفرين وابعد عنها اذا تبي روح شرق مع اني انا ساكن في القرين لاكن انا اشوف انهم اسعارهم مبالغين فيها شرق احسن شي او ادور لك واحد من الشباب الشقردية في الانترنت يسويه لك وبالنسبة للبرامج اذا هو نزلك برامج لازم يطلع الحساب حقه لانه ملكه هو والله يوفقك بس نصيحة خاصة البرامج والشغلات هذه لازم تروح عند كذا واحد لانه الاسعار تختلف فيه من 5 الي 15 دينار علي حسب الشخص والله يوفقك