استفسار عن الألفا روميو

[colt]

السلام عليكم ورحمة الله وبركاته ...

شباب حبيت استفسر عن الألفا روميو ( تحديدا 156 موديل 2000 ) ، خرابات وايد ؟؟ ، و شلون أسعاره ، و أسعار قطع غياره ، ومصاريف السيرفس ؟؟؟؟

يصير اشتريه حق دوام ولا لا ؟؟؟

 

[colt]

????????????????

 

[نواف الخالدي]

اخوي ابعد عنه

 

[أعرابي]

لا جوده و لا قطع غيار بس تصاميم حلوه بدون جوده و السلع تعرفها من أسعارها شوف شلون أسعاره طايحه ليييييه ؟ عموما السيارات الإيطالية و البريطانية تعبانه و ما لها قيمة بالكويت .

 

[sooo]

انحشششششششششششششششششششششششش

 

[colt]

تسلموووووووووووووا شباب ....

كفيتوا ووفيتوا

 

[colt]

انزين ابي سياره كد ومد حق الدوام .... المسافة 100 كيلو يوميا .... بس ما ابي تويوتا ؟؟؟؟

 

[sound blaster]

انزين ابي سياره كد ومد حق الدوام .... المسافة 100 كيلو يوميا .... بس ما ابي تويوتا ؟؟؟؟

نفس حالتي .. كنت أدور موتر للدوام .. وأخذت فكتوريا كد ومد وقطع غيار برخص التراب

اهم شي يكون نظيف

وبالتوفيق

 

[colt]

نفس حالتي .. كنت أدور موتر للدوام .. وأخذت فكتوريا كد ومد وقطع غيار برخص التراب

اهم شي يكون نظيف

وبالتوفيق

الله يعطيك خيرها ويكفيك شرها ... ومشكووووور اخوي بدورلي على وحده

 

[أعرابي]

إشتر ميتسوبيشي لانسر ex 1.5من موديل 2008 13,5كم للتر الواحد

 

[560SEL]

تبي موتر دوام وكويس للخط وفيه سلامه خذ لك مرسيدس ابو عيون 240 ولا 280 ولا 320 اهم شي 6 سلندر وسياره ممتازه ولا يعيبها شي ولا تحتاج صيانه والله انها بالصبر اصبر من الكامري والصيانه من سنه لسنه صيانه كامله من دسفايف وفلاتر ودهن جير وتوكل على الله وقطعها فيه اصلي وفيه الماني وفيه ابو طقه وافضل شي الماني بجودة الاصلي وعلى فكره القطعه عند البشر بسعر وبره نفسها اصلي باقل منها ال نصف السعر لان الوكالات بالخليج عامه حراميه عينك عينك
انا من 4 سنيني ما اركب الا الماني وبالذات مرسيدس وجربت الاوبل سياره ما يعيبها الا الوكيل وصيانتها مع قطعها مو غاليه حيل
وجربت البي ام اكس5 وزد3 انحش اقل صيانه مش حالك ب200 دينار
الاكس 5 حطيت عليه 800 دينار ولا باقي فيه صيانه تكلف 400 يعني 1200 قيمة سياره
والزد كلفني 400 صيانه والقطع نار حتى بالسكراب ويقول لانها نادره وعليها طلب
يبه مرسيدس والمطاليع على الله سياره كد ومد ورزه وامان ومريح بالسفر حتو لو موديله 1985 والله انه احسن من افالون 2011
انا عندي الحين مرسيدس موديل 85 والله مرتاح عقب بهدلة البي ام
جربت ال 560 الكوبيه والسيدان كلهم موديل 90 وجربت الشبح 500 وجربت ابوعيون e500 2003 و280 موديل 85 كلهم ممتاز للاستخدام لكن ال 6 سلندر اقتصادي اكثر حتى بالصيانه واذا على بدي صغير مثل ابو عيون عز الله الموتر وال 500 للخط والسرعه خذ طياره مو سياره
انا خويي اول ياخذ جديد على الحفيز كوري وتاذى قطع غاليه ومرات ما يحصل قطع وتهربد ونصحته بابو عيون 320 2001 ويقول ما يصلح وقطع وصيانه غاليه وكل يوم خربان وحراره يسمع من الناس اللي يفتي وهو ما جرب وقلت يبه خذه وجربه واذا ما جاز لك انا ااشتريه منك براس ماله والله الرجال اشترى320 2001 فل و له سنتين مرتاح ومستانس ويفكر ياخذ موديل احدث ولا اخوه اخذ واحد 240 2003 ونفس الكلام مستانس وقاي يشتم الكوري والياباني

 

[colt]

ما شاء الله عليك اخوووي ... مجرب كل الالماني

انا كنت قاعد افكر بالمرسيدس slk 230

 

[560SEL]

والله موتر صغير وحلو للدوام وللجو بارد تبطل الكشف
انا مره كنت ابي اخذ واحد والله حلو اذا فل كامل وداخليه سكري يعطي نظره وعلى الخط ممتاز والقطع مو غاليه حيل وعليك بالسكراب والاستهلاكي جديد مثل السفايف والفلاتر وغيرها
نصيحه انك تركز على النظافه الالماني وبالذات مرسيدس اذا نظيف يكد ولا يتعبك بالكراجات