منو فيكم راح القاهرة ؟

[bo7anon]

السلام عليكم يعطيكم العافيه شباب

مثل مانتوا عارفين وايد شباب يروحون مصر ويقولون عنها حلوه حييييييل بس اذا رحت بروحك وأول مره بينصبون عليك ومن هالحجي

بس مادري ليش بخاطري فيها وخصوصا القاهرة مشتوق اروحلها بروحي

يليت تقولولي شللي انتبه منه ميخالف شباب الواحد وده يجرب يروح بروحه مثل مارحت المغرب اول مره بروحي عرفتلها من البدايه الواحد لازم شوي يسوي اكشن :d

المهم قررت اروح القاهرة

ابي جم تكلف اسبوع تقريبا ؟
ووين اسكن بفندق ولا بشقه ؟

مفكر فيها من شهر 1 او 2 او 3 بشوف أي شهر فيهم أفضل ومافيه زحمه لان هالاشهر احتمال اسافر فيهم ومخطط هالمره للقاهرة بما ان جربت بيروت والمغرب من قبل هالمره بروح مصر

 

[بوعلي الكويتي]

اخوي اسكن بفندق نبيلة او اي فندق المهم لاتاخذ بعيد بمدينة نصر وله 6 اكتوبر
والمصرف هناك اذا بيذبح روحه 30 دينار باليوم
موفق

 

[bo7anon]

شكرا

وبعد

 

[متفائل جدآ]

:

مرحبا اخوي

اتمنى لك سفرة سعيده

بما انك بروحك الافضل بفندق وتقدر تبحث عن فناقد القاهرة وتشوف المناسب له

من ناحية السعر والمكان.

اسبوع حسب جدولك .؟


اعرف سايق محترم مره ورخيص اذ حاب تجربة دز ع الخاص


دمت بخير

 

[Latino]

بوحنون الحمدلله عالسلامه وان شاء الله رحلتك للمغرب كانت موفقه

بالنسبه للقاهره:
دام انك سافرت للمغرب بروحك يعني للقاهره راح تكون رحلتك سهالات لأنه القاهره تتميز بالأمان والحركه يعني حتى لو بروحك تستانس وبأي وقت تقوم صبح ليل تقدر تطلع وتتمشى والقهاوي في كل مكان وشغاله 24 ساعه.

1.بالنسبه للتذكره انصحك بالوطنيه والتذكره حاليا 90 مع الضرائب.
2.بالنسبه للسكن أنصحك بفندق لأنك بروحك وراحه أكثر والأسعار على حسب الوقت الي بتسافر فيه والأسعار من 40 الى 60 والخيارات متعدده بس انصحك بسوفيتيل الجزيره أو شيراتون القاهره.
3.اذا تبي شقه انصحك بالسكن بالمهندسين لأنه كل شي قريب عندك والمنطقه فيها حركه والأسعار على حسب الشقه من 300 جنيه وانت طالع بس ما أنصحك بالشقه الا للمده الطويله لأنك راح تتعامل مع بواب ومع شغاله ومع صاحب الشقه وفواتير ودوخة راس بما انك أول مره ممكن ينضحك عليك.
4.بالنسبه للصرف هذا يعتمد على روتينك اليومي اذا كنت راعي سهر اكيد الصرف راح يزيد يعني ممكن تصرف 100 باليوم أو 1000 جنيه.
5.أنصحك انك تأجر سياره مع سايق يستقبلك من المطار ويكون معاك 24 ساعه واليوميه 150 جنيه واذا محتاج رقمه ادزه لك عالخاص وراح يضبطك بكل شي ومتوفر عنده أرقام ومميزه بعد
6.بالنسبه للسهرات عندك الهاردروك بجراند حياة وروجينا بفندق البيراميزا وسايكلون بفندق آمون وعندك البوذابار خوش بوب في فندق السوفيتيل من 12 الى 3

اتمنى اني قدرت افيدك واذا عندك اي استفسار راسلني عالخاص
وتروح وترجع لنا بالسلامه يابيه

 

[بوخمسين]

وحق العوائل وين يروحون ؟؟؟؟؟

 

[مدمن نت]

اول شي تروح وترجع بالسلامه ..

بس انتبه من شغله وحده وهي اللي يجيك ويقولك انت ربحت معانا وحنا مسوين عروض عشان النص و,,,, الخ مالك شغل فيهم وعطهم طااااااااااااااف

وكمل سياحتك وارتاااااااااااااااااح

 

[bo7anon]

اي يا مدمن نت ادري فيهم نصابين وصارت معاي بدبي والمغرب يقرقون على راسي وسحب عليهم

عموما اللي عنده اي نصيحه بعد يقولي قبل لا اغير رايي عقب المنحه افكر اروح اوكرانيا

 

[السـبيعي]

بالنسبه للصاله لاتلعب الا في فندق سمير اميس

نصيحه والعب روليت على نيبر الفايف


اتغشمر لحد يعصب

 

[abozqm]

بالتوفيـــق انشـــاء اللــــه

 

[شاري بايع]

بالتوفيـــق انشـــاء اللــــه

السلاااام عليكم

كم سعر الي اخره 90000 ؟

وشكرا لك

 

[صقر3]

ياشباب الموضوع 2010 وانتم تنصحونه اكيييد رجع بسلامه

 

[bo7anon]

الرجاء مسح الموضوع

 

[nabhaan79]

أخوي نصيحه

أول ما تطب مصر

شوفلك أي وحده واقفه وشحاطتها مزلقه (هذي أكيد طالبه وللحين مو مخطوبه)

وإسألها سؤال بريء ( أنا شايفك بس ما أذكر الإخت من وين)

وبعدين على طول قولها أبي أتزوجج

وإهي بتقولك إختشي على وشك يا وش السجق

طبعا مالك شغل أكيد تتغلا عليك تبي تشوفك جد واللا تضحك عليها

إطلب رقم أبوها

وراح تعطيك رقم مخلبط ودق وقوله بمركم البيت ومعاي كم كيلو واجب (طبعا مو كشكول وحال الواجب يعني فواكه)

وإهني إخطبها وإقرا الفاتحه ولووووووولي مبروك

وبهذي الخطوه ضبطت مرشدة سياحية من الدرجه الأولى

بس دير بالك تخطب وقت الإختبارات خل سفرتك وقت الإجازه

المهم عيش أجمل أيام حياتك ووقف على النيل وأزإز لب وسولفلها عن خططك المستقبليه وشلون بتبني بيت وإنك بتحط شقتين أجار وتعطيها الأجار

وبعد ما تنوي ترجع

إفصخ الخاتم اللي بإيدك وقولها إنتو شكلكم داخلين على طمع والموضوع يتسكر

ورب الكعبه ودي أعيش حياة الخطوبه بس مو عارف شلون

والضاهر أنا اللي بسوي التعليمات اللي فوق بس أخاف تقولي يا وجه السجق وأتعقد ^_^