السلام عليكم و رحمة الله و بركاته
حبيت انقل لكم هالقصه وهي حقيقة و صايرة هني عسى الله يهدي بعض الزوجات وتكون عبره لغيرها
طبعا على لسانها تقول:
انا تزوجت صغيرة أول ما تخرجت من الثانوية، خذيت ولد عمي ووقفت دراسة وحشى لله كلمة الحق تنقال كان حاطني فوق السما ما يقصر علي بشي لا سفرات ولا طلعات ومصروووف وفلووس وهدايا كنت بخير
لكن المشكلة أني كنت بين بيئة ( لبيسه ) يعني حمواتي كشيخات وانا وحده احب الكشخة واحب اللبس وشي طبيعي كان اللي ماكلها زوجي
مرات كنت اطلب منه فلوس وادري انه على الحديدة بس اقلب الدنيا واعصب اذا قال ما عندي وهو المسكين فعلا ما عنده بس انا وحده مابي اصير اقل من غيري وكنت بنت صغيرة غارتني الدنيا
كانت كل مشاكلنا على اللبس والمصاريف واكون انا السبب وادري انه غلط
الحين لما اتذكر اقول كنت خبله ومدري شلون صبر علي بس سبحان الله حزتها كنت اعاند و أكابر
تميت عنده سنتين ما جبت منه شي بعدها الله رزقني وحملت ... وانا بالنفاس كنت بعد اسحب منه فلوس حق صوالين وملابس وأسواق وصار الهم همين همي وهم ولدي وانا ابي اكسر عيون الناس فكل شي لازم يطق فوووووق مو من أسواق شعبية ومحلات عادية لانه حمواتي جذي نظامهم لكن هم موظفات كان المفروض ما اقارن نفسي فيهم
المهم اخر يوم بنفاسي كانت خالتي مسويه حفلة استقبال وكانت مبلغتني قبلها بمدة قصيرة ففستاني يدوووووب بعد الموت قدرت اقنع المره (الخياطة) تطلعه لي يوم الاستقبال
جا زوجي ياخذني من اهلي وقلتله اول قطني بالصالون عشان اسوي شعري واتمكيج وبعدين بمر المشغل باخذ بدلتي، قال اوكي وعطاني فلوس للصالون حزتها المسكين ما كان عامل حسابه يمكن اللي بقى معاه بس 60 دينار بجيبه
خلصت من الصالون ورحنا على طول للمشغل قالي لا تنزلين كنت متمكيجه ومسويه شعري وجذي فنزل هو بروحه وما سألني جم سعر الفستان وانا ما قلتله
شوي جاني معصب جان يقول شلون تحرجيني وليش ما قلتي جم سعره انا ما معاي فلوس احرجتيني قدام الناس ومن هالحجي ( للعلم كان سعر فستاني فوق الــ 300 دينار) المهم دش بينا الشيطان حزتها وكبرت السالفة وتهاوشنا وحنا بالسيارة جان يطلقني يمكن كان بلحضة غضب بس انا ما ألومه الحين
رجعني بيت اهلي على طول وكنت معصبه وبنفس الوقت منصدمه .. شقول لامي واهلي كلش الموقف بااايخ
وعلى شنو بعد على فستااااان ؟
بعد يومين مو اكثر جت ورقة طلاقي السالفة ما كانت على فستان بس السالفة من قبل كان شايل بقلبه مني لاني اصرف بالهبل ولا عامله حساب لشي
نطرت بعد الطلاق يمكن يجي يشوف ولده على الاقل لان ادري طايب خاطره مني بس للاسف ما جا ولا سأل
امه لما تجينا تعطي امي مصروف ومو مقصرين من ناحية الفلوس والمصاريف على الولد بس هو ما جا شاف ولده كلش
تزوج الحين وخلصت السالفة بس الهم والجرح اللي بقلبي ما برا
احس انا كنت الذنب بكل شي انا خربت على نفسي انا مو كفو نعمه ولا قد مسئوليه
امي ما قصرت من اول عرسنا وتقولي الرجال ما يصرف عليج مثل ابوج خذي بالج يابنت اللي تسوينه غلط وانا معطتها طااااف واهم شي على لبسي وكشختي.........و للأسف الحين ما فادتني المظاهر بشي
انا تزوجت صغيرة أول ما تخرجت من الثانوية، خذيت ولد عمي ووقفت دراسة وحشى لله كلمة الحق تنقال كان حاطني فوق السما ما يقصر علي بشي لا سفرات ولا طلعات ومصروووف وفلووس وهدايا كنت بخير
لكن المشكلة أني كنت بين بيئة ( لبيسه ) يعني حمواتي كشيخات وانا وحده احب الكشخة واحب اللبس وشي طبيعي كان اللي ماكلها زوجي
مرات كنت اطلب منه فلوس وادري انه على الحديدة بس اقلب الدنيا واعصب اذا قال ما عندي وهو المسكين فعلا ما عنده بس انا وحده مابي اصير اقل من غيري وكنت بنت صغيرة غارتني الدنيا
كانت كل مشاكلنا على اللبس والمصاريف واكون انا السبب وادري انه غلط
الحين لما اتذكر اقول كنت خبله ومدري شلون صبر علي بس سبحان الله حزتها كنت اعاند و أكابر
تميت عنده سنتين ما جبت منه شي بعدها الله رزقني وحملت ... وانا بالنفاس كنت بعد اسحب منه فلوس حق صوالين وملابس وأسواق وصار الهم همين همي وهم ولدي وانا ابي اكسر عيون الناس فكل شي لازم يطق فوووووق مو من أسواق شعبية ومحلات عادية لانه حمواتي جذي نظامهم لكن هم موظفات كان المفروض ما اقارن نفسي فيهم
المهم اخر يوم بنفاسي كانت خالتي مسويه حفلة استقبال وكانت مبلغتني قبلها بمدة قصيرة ففستاني يدوووووب بعد الموت قدرت اقنع المره (الخياطة) تطلعه لي يوم الاستقبال
جا زوجي ياخذني من اهلي وقلتله اول قطني بالصالون عشان اسوي شعري واتمكيج وبعدين بمر المشغل باخذ بدلتي، قال اوكي وعطاني فلوس للصالون حزتها المسكين ما كان عامل حسابه يمكن اللي بقى معاه بس 60 دينار بجيبه
خلصت من الصالون ورحنا على طول للمشغل قالي لا تنزلين كنت متمكيجه ومسويه شعري وجذي فنزل هو بروحه وما سألني جم سعر الفستان وانا ما قلتله
شوي جاني معصب جان يقول شلون تحرجيني وليش ما قلتي جم سعره انا ما معاي فلوس احرجتيني قدام الناس ومن هالحجي ( للعلم كان سعر فستاني فوق الــ 300 دينار) المهم دش بينا الشيطان حزتها وكبرت السالفة وتهاوشنا وحنا بالسيارة جان يطلقني يمكن كان بلحضة غضب بس انا ما ألومه الحين
رجعني بيت اهلي على طول وكنت معصبه وبنفس الوقت منصدمه .. شقول لامي واهلي كلش الموقف بااايخ
وعلى شنو بعد على فستااااان ؟
بعد يومين مو اكثر جت ورقة طلاقي السالفة ما كانت على فستان بس السالفة من قبل كان شايل بقلبه مني لاني اصرف بالهبل ولا عامله حساب لشي
نطرت بعد الطلاق يمكن يجي يشوف ولده على الاقل لان ادري طايب خاطره مني بس للاسف ما جا ولا سأل
امه لما تجينا تعطي امي مصروف ومو مقصرين من ناحية الفلوس والمصاريف على الولد بس هو ما جا شاف ولده كلش
تزوج الحين وخلصت السالفة بس الهم والجرح اللي بقلبي ما برا
احس انا كنت الذنب بكل شي انا خربت على نفسي انا مو كفو نعمه ولا قد مسئوليه
امي ما قصرت من اول عرسنا وتقولي الرجال ما يصرف عليج مثل ابوج خذي بالج يابنت اللي تسوينه غلط وانا معطتها طااااف واهم شي على لبسي وكشختي.........و للأسف الحين ما فادتني المظاهر بشي
حملت لقب مطلقة وانا ما كملت الواحد والعشرين ليلحين
ها شرايك فيني بوشيشه تهقاني فهمت الدرس وتعلمت من القصه 
لكن بعد كلامه قلب الموضوع بالقاع::verymad::
