محتاجه نصيحتكم عسى الله يسخر لكم خلقه

[توكلنا]

نفكر نشتري بيت حكومه يتحرر شهر 5 2011

طبعا راح ندفع 50 الف للاسكان علشان نسدد المديونيه وننطر لي شهر خمسه

بس ياجماعه خايفين يصير مايصير وحزة التحويل مايرضون ايحولون لنا هل البيت او سبحان الله يتطلقون او يصير اي شي

شتنصحوننا ؟

نقولهم ندفع مقدم عند المكتب يعني نحجز البيت وشهر خمسه نسدد ونحول

هل الخطوه فيها مخاطره واحسن نصرف نظر عن هالموضوع

اتعرفون احد مسوي هالشغله قبل ومشت الامور تمام

القانون راح يحفظ لنا حقنا

ايصير مثلا لما نسدد قرض الاسكان نحط في وثيقة التسديد انه بغرض البيع
لانه الشيط راح ايكون منا للمؤسسه واحنا مو ملاك العقار

ارجوكم النصيحه ممن لديه علم والله نحاتي

بارك الله فيكم

 

[الراقى 22]

مرحبا اولا منتو مجبورين انكم تدفعون للاسكان الحين خلوها قبل التحويل
وثانيا اذا البيت لاقينه برخيص تقدرين انج تطلبين منه اقرار دين من المحكمه بالمبلغ المدفوع
بسمكم
والبيعه بالقانون غير رسميه بس المبلغ الى راح تدفعينه اذا طلبتى اقرار دين من المحكمه يحفظ حقج بالمبلغ
وفى صديق شراء بيت بس موعد التحويل بعد السنه
واذا منتو مستعجلين انا انصح انكم تنطرين لين سنه تستلم اغلب البيوت وثايقها تشتورون رسمى فى بعض المناطق الى توزعة احسن لكم
هاذا الى اقدر افيدج فيه
وشكرااا

 

[prado2010]

يا اختى اصبرو شويه الى ان تصدر الوثيقه افضل و اضمن لكم .
و بعدين يا اختى مثل ما يقول المثل منو صاحب باجر ؟؟؟
اما موضوع اقرار الدين فهو يضمن لكم حقكم بالمبلغ صحيح لكن اذا صاحب البيت اللى تبون تشترون منه صار مديون او معسر ؟؟ فى هذى الحاله لا انتو من من فلوسكم و لا من البيت .

و اذا انتو خايفين يروح البيت عليكم ... الله يرزقكم واحد غيره

 

[شركة القيروان]

مثل ما ذكر اخوي اللي سبقني
انتو مو مجبورين تكيشون البيت الحين
عطون الرجال عربون 5000 الاف مثلا
واسكنوا بالبيت لين تتحرر وثيقته وبعدها يتم تسديد المبلغ
واذا صار ما صار العربون يحتسب ايجار المده اللي سكنتوا فيها

 

[wiiner]

هذه العملية غير مضمونه شنو لج بعوار الراس

 

[راعي حلال]

مثل ما ذكر اخوي اللي سبقني
انتو مو مجبورين تكيشون البيت الحين
عطون الرجال عربون 5000 الاف مثلا
واسكنوا بالبيت لين تتحرر وثيقته وبعدها يتم تسديد المبلغ
واذا صار ما صار العربون يحتسب ايجار المده اللي سكنتوا فيها

عين العقل

 

[توكلنا]

أخواني

برادو

القيروان

وينر وراعي حلال

جزاكم الله خير على النصيحه وماقصرتوا على الشور الطيب في ميزان اعمالكم

وصاجين نصبر ليما تتحرر الوثايق وكل شي نصيب

تسلمون الجميع

 

[الراقى 22]

مالنا بالشكر نصيب
من لايشكر الله لايشكر الناس

 

[المطرود]

مالنا بالشكر نصيب
من لايشكر الله لايشكر الناس

عزيزي الراقي انا أشكرك وأشكرك وأشكرك وتستاهل الشكر ولا تزعل على أحد وكلنا حبايب :d

 

[q8free2009]

مشكوووور يالراااقي افا عليك تستاهل كل خير وكلامك عين العقل ولا يهونون الاخوان
واعتقد ان الشكر لك سقط سهوامن صاحب الموضوع

 

[توكلنا]

مشكوووور يالراااقي افا عليك تستاهل كل خير وكلامك عين العقل ولا يهونون الاخوان
واعتقد ان الشكر لك سقط سهوامن صاحب الموضوع

بارك الله فيك

ايه والله هذا اللي صار

واعتذر منك يالراقي

الرسول عليه الصلاة والسلام قال كلمة جامعه مانعة قال: { والله في عون العبد ما كان العبد في عون أخيه } او كما قال

وانت ساعدتني بنصيحتك والله يجعله في ميزان عملك

اعتذر مره ثانيه