[[ضروري]] وحده من بيت التمويل

[كندري شايب]

سلام عليكم
انا توني يديد بالبورصه

اليوم رحت اطلع كرت تداول
قالو بعد 3 ايام يخلص

المهم يوم الأحد او الأثنين بروح استلم كرت التداول
حق اقدر اتعامل ويا اي مكتب

المهم انا حاط ابالي اجرب اشتري وحده ابيت التمويل
الوحده على حد علمي يعني 2500 سهم

شنو تنصحوني
والله يوفق من علم وتعلم

وكان الله غفور رحيم

 

[professor]

نصيحة لوجه الله من واحد مجرب

لا تصير مثلي, اول ايامي ابي بس اشتري وخلاص

مو مهم ليش هالسهم ومو مهم متى اشتريه المهم اني ادش واشتري وخلصنا !

بعدها خسرت وتعلمت ان في وقت للدخول ووقت للخروج

وهم خسرت !!

وبعدها تعلمت ان هناك في طريقتين يا اما تضارب او انك تستثمر !!

ضاربت و هم خسرت !!

واخيرا وبعد ما فلست عرفت اني كان لازم ادش مستثمر و بشركات قيادية محترمة مثل مانت ماشاء الله عليك اخترت بيت التمويل الكويتي

شوف السوق هذا علم، مثل الفيزياء والرياضيات , تبي تفهمه لازم تدرسه ! والا ماكو فايدة

وسلامتك

 

[بشمر]

اشنره عند الدعوم 1 1140 2 1080 3 1020 اختر الي تشوفه مناسب لك وتبيعه عند زيادة راس المال المتوقعة 12 % على 600 فلس والله الموفق

 

[متابع الســــوق]

نصيحة لوجه الله من واحد مجرب

لا تصير مثلي, اول ايامي ابي بس اشتري وخلاص

مو مهم ليش هالسهم ومو مهم متى اشتريه المهم اني ادش واشتري وخلصنا !

بعدها خسرت وتعلمت ان في وقت للدخول ووقت للخروج

وهم خسرت !!

وبعدها تعلمت ان هناك في طريقتين يا اما تضارب او انك تستثمر !!

ضاربت و هم خسرت !!

واخيرا وبعد ما فلست عرفت اني كان لازم ادش مستثمر و بشركات قيادية محترمة مثل مانت ماشاء الله عليك اخترت بيت التمويل الكويتيشوف السوق هذا علم، مثل الفيزياء والرياضيات , تبي تفهمه لازم تدرسه ! والا ماكو فايدة

وسلامتك

احسنت

 

[بشمر]

القصد بعد الزيادة الي راح تكتتب فيها 2500 سهم الاصلية 12 % منها 300 سهم تبيعها ان شاء الله على سعر 1220 مثلا

 

[بدون مجامله]

احسنت

ياراعي الحرشه قصدي الكيبل

 

[كندري شايب]

يعطيكم العافيه شباب وماقصرتو

 

[abu_fahad]

حبيبى يالكندرى أذا انت رجل تبى تستثمر واستثمار طويل الاجل ، توكل على الله وبيت التمويل اسلامى وارباحه طيبه والله يرزقك وبتحصل خير بتوزيع الارباح أو ارتفاع السعر ، بس أبعد عن المضاربات

 

[3lgm]

بيتك ما خذا حقه من الصعود دوناً عن كل البنوك ولابد من انطلاقة له , لكنها والله العالم مو قريبة .

 

[3lgm]

إن فعلها ووصل لي الـ1080 راح يكسر كل المتوسطات ويعطي خروج مؤقت , والله أعلم .