اشرايكم: شقة سعرها 42 ألف وأجارها 270 مناسبة ولا لأ؟

[كويتي أصيل]

السلام عليكم

حبيت استشير أهل الخبرة في العقار

أنا حصلت شقة سعر بيعها 42 ألف


ولو حبيت أأجرها فالعمارة كل شققها مؤجرة على 270 دينار


فهل سعرها 42 ألف مناسب؟؟

 

[zidantheking]

الايجار قليل

و السعر عالي


انصحك بشقة سعهرا مثلا 33 الف

و اجارها 290-300


لو تشتري جاخور و تاجره احسن

 

[مؤسسة]

بالنسبه لي اشوف اسعر غالي جدا وهذا الايجار لايزيد سعر شقه عن 30 الف دينار والله اعلم

 

[Virulent]

35000 ألف اذا العمارة جديدة و يمها خدمات و مواقف

 

[عجمي]

اشتر 3 محلات وضمنهم كل واخد اقل شي

250دينار

 

[كويتي أصيل]

أولا يعطيكم العافية جميعا على الإفادات

ثانيا أنا لا أملك هذا المبلغ كاش
وإنما هو قرض للمطلقات والأرامل من بنك التسليف لشراء عقار

ثالثا لازم الشقة تكون موافقة لشروط بنك التسليف

وبصراحة حاولت أبحث في الاعلانات وكل اللي حصلته حول هالسعر

يعني من 39 ألف
إلى 45 ألف


وبانتظار مشاركاتكم

 

[مؤسسة]

أولا يعطيكم العافية جميعا على الإفادات

ثانيا أنا لا أملك هذا المبلغ كاش
وإنما هو قرض للمطلقات والأرامل من بنك التسليف لشراء عقار

ثالثا لازم الشقة تكون موافقة لشروط بنك التسليف

وبصراحة حاولت أبحث في الاعلانات وكل اللي حصلته حول هالسعر

يعني من 39 ألف
إلى 45 ألف


وبانتظار مشاركاتكم

اذا تبي مطابقه شروط بنك التسليف اسمحلي اخي اعتقد ما راح تحصل شقه اقل من 60 الف دينار . بالتوفيق يارب

 

[محمد خليفه]

بسم الله الرحمن الرحيم

ماعتقد فيه شقه ب39 الف مطابقه لشروط بنك التسليف واذا الاعلانات بالجرايد ترى المساحه المعلنه غير عن الي بالوثيقه دير بالك حبيت انصحك بس لا تندفع والمبلغ قرض عسى الله يوفقك ويرزقك​

 

[كويتي أصيل]

شكرا لكم

لكن انا حصلت هالشقة ومساحتها بالوثيقة أكثر من 100م
هذا غير مساحة المشاع ومساحة موقف السيارة

يعني موافقة للشروط حسب كلام صاحب المكتب


ولا شرايكم؟

 

[أعرابي]

من ناحية الجدوى المادية لأي مشروع ضروري أن لا يقل الإيراد الشهري عن 2%من رأس المال و بذلك تستعيد رأس المال خلال 5 سنوات و بذلك يكون المشروع ناجح نسبيا , فضع في بالك إذا كان رأس المال 10000 فيجب أن يكون صافي الإيراد الشهري 200 دينار حتي يكون المشروع مجدي و لذلك مشروع شراء تلك الشقة فاشل و سوف تسترد رأس المال خلال فترة لا تقل عن 15 سنة و يا عايش فتلك الفترة طويلة بالنسبة لعمر الإنسان .

 

[Fire MaN-]

شكرا لكم

لكن انا حصلت هالشقة ومساحتها بالوثيقة أكثر من 100م
هذا غير مساحة المشاع ومساحة موقف السيارة

يعني موافقة للشروط حسب كلام صاحب المكتب


ولا شرايكم؟

يعطيك العافيه اخوى 00 شروط التسليف _ من 100 متر لغاية 199 متر

التسليف يعطيك عليها 45 الف

مساحه من 200 متر وانت طالع يعيك عليها لغاية السبعين _

بالنسبة لشقتك هذى تقيم سعرها على الاتى ________

1_ مساحة الشقه

2_ المنطقه اللى فيها الشقه

3_ عمر العماره

4_ اى دور _ ونوع سكان العماره _____

ومبدئيا اقولك السعر غالى بالنسبه للمساحه ومدخولها _ 100 متر مع ايجار 270 ما تتعدى 32 الف حد اقصى ودور اول بعد 0تقبل مرورى

 

[كويتي أصيل]

صافي الشقة = 114.5 م

- العمارة في منطقة المهبولة

- العمارة جديدة مادري كم سنة صارلها بالضبط بس يمكن حول الـ 6 سنين

- العمارة كلها كويتيين وكلها مؤجرة على 270

- كل دور فيه شقتين بس، وفيها مصعدين.

- العمارة راح يحطون قدامها شارع فتكون على الشارع مباشرة





وعندي سؤال بعد
يعني حسب ما شفت ودوّرت ما لقيت أحسن من جذيه
يعني ما ادري انا غلطان ولا الأسعار جذيه
ولا شنو ؟؟؟

 

[كويتي أصيل]

على فكرة صاحب الشقة اشتراها سنة 2007 بـ 31 ألف

 

[Fire MaN-]

اخوى الكريم 00 على هالمواصفات اعتقد 3 غرف + غ خادمه + 3 دوراة مياه _ عدل ؟

_ سعرها حد اقصى 35 الف 0هذى اسعار المهبوله _ والله يوفقك انشالله

وبالبنسبه لسؤالك _ لا فى احسن من جذيه بوايد بس اتعب ودور شوى _ وبالتوفيق انشالله

 

[Q8Se]

بالنسبه للشقه وتبي تاجرها استثمار جيد وبالمواصفات الي طرحتها نسبتها سنويا 7,5% موفق خير اخوي

 

[ابو أسامة]

انت أجرها لمده 5 سنوات راح تطلع 16200 د.ك وبعدين بيعها بنفس السعر انت الربحان حاول تكاسرة 40 الف

 

[look4lands]

إذا متأكد إنك ما تبي تاخذ بيت و راضي على شقة ، أقولك توكل على الله ، خصوصا إذا العمارة كلها كويتيين و المواصفات نفس ما قلت زينة ، 270 * 12 = 3240 / 43000 = 7.5 % خوش عائد و قيمة العقار نفسه ممكن يزيد بالمستقبل خصوصا إذا موقع العمارة جيد و بيعها راح يكون فيه استرداد لرأس المال خلاف ما قال أحد المشاركين اهني

و مهم بعد ،فيها مواقف رسمية حق كل شقة؟ هذا الشي مهم في منطقة عمارات نفس المهبولة ، إذا ما فيها مواقف مخصصة ، دور غيرها

 

[المهندس 2020]

بالتوفيق ان شاء الله

 

[كويتي أصيل]

مشكورين يا شباب

وبغيت مزيد من الاقتراحات

ومثل ما أنا شايف إن الأغلبية تقول غالي
وأنا أول واحد أقول غالي لكن يا جماعة ما حصلت أقل
يعني اللي يقول فيه أقل ، وين؟؟ وتكون موافقة لشروط التسليف ؟؟


بانتظار المزيد من الاستشارات
وشكرا لكم مقدما

 

[كويتي أصيل]

وعلى فكرة حسب الوثيقة فالشقة لها موقف سيارات واحد

بس انا لما شفت العمارة لقيت إن لها 6 مواقف رسمية

و6 مواقف غير رسمية