الأزرق بطل خليجي 20 .... توقعات النتائج

[Low Fat]

السلام عليكم

اليوم أفتتاح بطولة كأس الخليج 20 في اليمن السعيد ..

نتمنى ونتوقع الفوز لمنتخبنا الأزرق

وإن شاء الله نحققها للمره العاشره وأتوقع هذه البطولة
بطولة عبدالعزيز المشعان ويوسف نـاصر قولوا آمين

محتاجين دعواتكم ومساندكم للأخوان اللاعبين ..




مباريات اليوم

اليمن 0 ............ السعوديه 2

الكويت 1 ............. قطر 1​

الفوز للأزرق بحول الله وقوته ,,


​

............... توقعاتكم ..............​

​

 

[النايفه]

أخوي لوفات الحمدلله على السلامة وحج مبرور وذنباً مغفور..
أنا والله مالي في كرة القدم ولكن من حبي لمن أحبها وكان مشجع متعصب لمنتخب الكويت في كل أحواله وحتى في كبواته..رحمه الله.. وفاء له..أشجع منتخبنا الغالي وأدعوا له بالتوفيق وإن شاء الله الكاس أزررررق يارب..

وأطلب من أخواني المشجعين التحكم بأعصابهم ووضع كأس عصير ليمون بالقرب منهم عشان يبرررررد حرارة دمهم

بس ترى هالطريقة ما تنفع مع المدخنين لأن بيولعووون من الحارق

يالله عاد يالموج الأزرق بيضها​

 

[سرور]

الله يحفظهم من كيد الكائدين وينصرهم

 

[Low Fat]

أخوي لوفات الحمدلله على السلامة وحج مبرور وذنباً مغفور..
أنا والله مالي في كرة القدم ولكن من حبي لمن أحبها وكان مشجع متعصب لمنتخب الكويت في كل أحواله وحتى في كبواته..رحمه الله.. وفاء له..أشجع منتخبنا الغالي وأدعوا له بالتوفيق وإن شاء الله الكاس أزررررق يارب..

وأطلب من أخواني المشجعين التحكم بأعصابهم ووضع كأس عصير ليمون بالقرب منهم عشان يبرررررد حرارة دمهم

بس ترى هالطريقة ما تنفع مع المدخنين لأن بيولعووون من الحارق

يالله عاد يالموج الأزرق بيضها​

جزاج الله خير أختي النايفه وأسأل الله القبول ..

والله يديم المحبه ويزيدكم من فضله ..

والتعصب شر لابد منه الله يحفظنا وجميع الأخوه

والمدخن حالته حاله الله يعينه

بالتوفيق للأزرق ,,​

 

[Low Fat]

الله يحفظهم من كيد الكائدين وينصرهم

اللهم آمين

.. سرور الله يجعلك دوم مسرور

ومشكور لمرورك بـس وين التوقع .. ​

 

[سرور]

اللهم آمين

.. سرور الله يجعلك دوم مسرور

ومشكور لمرورك بـس وين التوقع .. ​

الكويت 2/0باذن الله وما علي من الباقين

 

[بو شيشه]

الحمدلله عالسلامة اخوي
حجا مبرور وسعيا مشكور وذنبا مغفور باذن الله الاحد
ماهمني فوز المنتخب كثر ما همني رجعتك سالم يالغالي
ان شاء الله ياخذون الكاس عشان نتونس عالخليج

 

[B-A-1983-A-B]

عن نفسي راضي بالمركز الثاني لان اشوفها صعبة نفوز بالبطولة فريقنا على قد حالة مانبي نجذب على نفسنا ولو الود ودي يكون منتخبنا مثل منتخب 98 الي حرق الاخضر واليابس بدربة
اليوم مع قطر اتوقع 2/2

( وتقبل الله طاعتك اخوي لو فات وحج مبرور وسعى مشكور )

 

[النايفه]

توقعاتي لمباريات اليوم :

اليمن 1 ............ السعوديه 3

الكويت 2 ............. قطر 2​

الفوز للأزرق بحول الله وقوته ,,


​

​

​

 

[MOHAMMED11]

بداية الحمد الله على السلامة يالغالي
وتقبل الله طاعتك
حج مبرور وذنب مغفور






/// وقلوبنا كلها مع الازرق
والله يوفق الشباب اليوم وناخذ او ثلاث نقاط
اللهم آمين


وانا اتوقع اول مباره
السعودية 5 ــــــــــــ اليمن صفر


الثانية
الكويت 3 ـــــــــــــــــــ قطر صفر

 

[al7bebe]

ترتيب المجموعات + جدول المباريات

 

[away1979]

حمدالله على السلامة اخي لو فات

حجا مبرور وسعيا مشكور وذنبا مغفور باذن الله

اتوقع 2/0 للكويت إن شاءالله ​

 

[بوالعيس بيك]

الحمدلله عالسلامه اخ لوفات

حج مبرور وسعي مشكور وذنب مغفور ان شاءالله

افتتاح البطوله بدائي جدا يحليلهم , ذكروني بسوق الحمام

واتوقع بتكون صعبه المباراة علي منتخبنا

وان شاءالله 1\0 لمنتخبنا

واتمني السعوديه تفوز 10\0

 

[Navigator]

منتخب ما فيه احد تسديداته قوية من برا ال 18 !!!!

باك يمين ما عندهم وغصب طيب يلعب اللاعب العالمي يعقوب الطاهر

وليد علي للحين اساسي بالمنتخب وللحين اذا ركض راسه بالارض ويذكرني بشحاته بو كف ما يعطي باص والادهى والامر ما يعرف يرفع !!!!

رياضه مبتلشه بالمشاكل وكرهونا فيها

والا من متى ما صرنا نهتم للاسياد وكاس الخليج وقبل نحسب الايام والشهور عشان البطوله

منتخب من 25 لاعب لا يستحق الانضمام للمنتخب الا لاعب واحد فقط !!!!

بس الزين انه عندنا شباب لهم مستقبل طيب باذن الله

يوسف ناصر

فهد العنزي

عبدالعزيز المشعان

احمد الرشيدي

والله يعينا على اجانب قطر اليوم !!!!!!!!!!!

 

[LoVeAirline]

الكويت - قطر 1 \ 2 لصالح قطر

الكويت - السعوديه 0 \ 2 صالح السعوديه

الكويت - اليمن 0 \ 0

هذي النتائج راح تكون

 

[LoVeAirline]

الكويت لا تستحق الفوز دام فريق البنات يلعب

وين رجال الكويت قبل

 

[MOHAMMED11]

المنتخب السعودي يلعب بالفريق الثاني مو الاساسي

//////////////


الاخراج صراحةعجيييييييييييب

 

[الهمس الخجول]

والله ان فازت اليمن على السعوديه ابتلشنا بينضمون لدول مجلس التعاون الخليجي بالقوه

 

[al3mlaaq]

الكويت 3 قطر واحد باذن الله ويستاهلون شباب الازرق يلعبون لعب رجول وخشن وبيمتعونة اليوم ان شاء الله

 

[navy_q8]

إن شاء الله الكويت


المنتخب السعودي مقنع جدا بعد فوزه بسهولة على اليمن 4/0 بقيادة المايسترو محمد الشلهوب