السلام عليكم تفضلو بالدخول

[فـهــد]

*


*


*



السلام عليكم الحمدلله رب العالمين
والصلاة والسلام على نبينا وحبيبنا
محمد صلى الله عليه وسلم
وعيدكم مبارك
وعساكم من عايدين العيد
موضوعي اليوم أستفسار
من أخواني الآعضاء وخصوصا
أهل الخبره بمجالات التجاره
ياجماعه عند راس مال 90 ألف د.ك
وأبي مشروع ناجح بأذن الله
أذا تقدرون تفيدوني وشكرا للجميع
والحمدلله رب العالمين

 

[خالد32]

اخوي الفاضل فهد الله يباركلك بفلوسك ويكفيك من حلاله عن حرامه...
انا اشور عليك اخذ جاخور مرتب مبني فاخر يطلع عليك من 30 الا 40 الف ودقه حمام سباحه مغطي يكلفك من 3500 الا 5000 واحلبه حلب اجار يومي الناس الجشعه تطلب 70 و80 باليوم وقليل يأجرون عندهم انت خل اسعارك في متناول الجميع يعني 40 الا 50 باليوم راح ادخل بالشهر 1500 وانت مولع زقاره وحاط رجل على رجل وبدون رخص ولاعمال ولامشاكل بلديه وسعره يزيد ماينقص متى مامليت وفكرت تبيعه وبكل تأكيد ستكون فيه قفاصه قط فيهم زاجل ودجاج وبيع من هالفروخ والبيض جنه مولك وهم لافضى تستانس فيه انت والاهل وهذا شوري

 

[فـهــد]

والله شور طيب أخوي خالد
بس عادي ومسموح يعني ماينسحب
اذا خليته نظام أيجار ؟؟
أبي شي مضمون ما أبي أغامر
ومشكور أخوي خالد على تواصلك ونصيحتك

 

[bu-abdullaziz]

الله يباركلك فيها ان شاء الله

بالوقت هذا أضمن شي الوديعة

 

[بوسعود66666]

انا اقول حطها وديعه وريح بالك نصيحه من اخوى بس انتبه من بعد الاعضاء النصابين

 

[فـهــد]

انا اقول حطها وديعه وريح بالك نصيحه من اخوى بس انتبه من بعد الاعضاء النصابين

الوديعه أرباحها السنويه 1000
دينار وبالنسبه للنصب الله الحافظ
مشكور أخوي بوسعود66666
والشكر موصول أيضا لك أبو عبدالعزيز

 

[B-A-1983-A-B]

اقط 90 الف لمدة سنة كاملة بالنبك وبالاخير بس 1000دينار !!!
لا يبة دبر لك فوقهم 20 الف واشتر بيت بيت بالمناطق الرخيصة شوي ورممة نظام اجار و ريح عمرك على اقل اسمة عقار كل مالة ويولع ماقعد اشوف ينزل انا الحين قاعد ادور لي بيت رخيص برممة واحولة ايجارات وان شاء الله احصل

 

[فـهــد]

اقط 90 الف لمدة سنة كاملة بالنبك وبالاخير بس 1000دينار !!!
لا يبة دبر لك فوقهم 20 الف واشتر بيت بيت بالمناطق الرخيصة شوي ورممة نظام اجار و ريح عمرك على اقل اسمة عقار كل مالة ويولع ماقعد اشوف ينزل انا الحين قاعد ادور لي بيت رخيص برممة واحولة ايجارات وان شاء الله احصل

كلامك عين العقل بس ألي أعرفه الفردوس أقل منطقه بالنسبه للآسعار
تتراوح من 90 ألى 135 ألف
ومدخول البيت الي بـــ90 تقريبا 400 الى 550 طبعا هذا سد وعلى وضع
الحكومه
تسلم أخوي على المشاركه وكثر الله من أمثالك

 

[ابو طارق 100]

الله يبارك لك ويزيد حلالك ويرزقنا معك

اخوي حط بالك على الجمعيات التعاونية الجديده في المناطق الحديثه حاول تدخل مناقصه على احد المحلات ويفضل ان يكون مطعم واذا الله رزقك ...

انا اتوقع راح يكون عندك مدخول مع كل سنه يزيد ما ينقص ...

والله ولي التوفيق ...

 

[فـهــد]

الله يبارك لك ويزيد حلالك ويرزقنا معك

اخوي حط بالك على الجمعيات التعاونية الجديده في المناطق الحديثه حاول تدخل مناقصه على احد المحلات ويفضل ان يكون مطعم واذا الله رزقك ...

انا اتوقع راح يكون عندك مدخول مع كل سنه يزيد ما ينقص ...

والله ولي التوفيق ...

جزاك الله خير أبو طارق وعسى الله يرزقك ويوفقك
شغله حلوه بس تبي واسطه

 

[بدون مجامله]

لو تحطها في اسهم بيت التمويل فقط وتخليها استثمار ترى مايمنع خاصه مستقبل بيتك سعره مو اقل من دينارين طبعا استثمار طويل ترى موخساره والله يوفقك ويرزقك

 

[ابو طارق 100]

جزاك الله خير أبو طارق وعسى الله يرزقك ويوفقك
شغله حلوه بس تبي واسطه

اخوي فهد ليش تعتقد ان يبيلها واسطه !!!؟

هذي مناقصه حط سعرك في اظرف مصكره بالشمع الاحمر واذا كان سعرك هو الاكثر تاخذ المحل

وعمليت الاشراف على الاظرف تكون من قبل جهات حكومية معتمده ..

لا تعتقد ان الامور بالدوله كلها مؤامرات ... خلك متفائل ..

 

[فـهــد]

اخوي فهد ليش تعتقد ان يبيلها واسطه !!!؟

هذي مناقصه حط سعرك في اظرف مصكره بالشمع الاحمر واذا كان سعرك هو الاكثر تاخذ المحل

وعمليت الاشراف على الاظرف تكون من قبل جهات حكومية معتمده ..

لا تعتقد ان الامور بالدوله كلها مؤامرات ... خلك متفائل ..

والله فكره حلوه عاد يمدحون المصبغه
والحلاق ولا شرايك أخوي أبو طارق ؟؟

 

[ابو طارق 100]

والله فكره حلوه عاد يمدحون المصبغه
والحلاق ولا شرايك أخوي أبو طارق ؟؟

والله يا اخوي فهد كل شي بالجمعية زين ومربح بعد التوفيق من الله ..

وحط بالك على المناطق الجديده اللي فيها كثافه سكانية على سبيل المثال
(جابر الاحمد او صباح الاحمد) انا واثق ان راح يكون مدخول جيد يمتد معك مدا الحياة ..

وطبعا افضل شيئ بالجمعية بدون منازع هو مطعم المشويات اذا اشتغل بشكل متوسط اتوقع مدخوله شهريا مو اقل من 3000 دك

هذا اذا كانت الادارة جيده

والله ولي التوفيق

 

[ميكانيكي]

انا اقول حطها وديعه وريح بالك نصيحه من اخوى بس انتبه من بعد الاعضاء النصابين

عاش من شافك بو سعود

عيدك مبارك

___________

انا اقول اترك عنك الوديعه

عقب ما تستلم منهم جم بيزه تعال وادفع زكاتهم

خلك ياخوي على الشقق

على 25 الف و 30 الف

واجر الشقه على 200 الى 250

 

[بوسعود66666]

عاش من شافك بو سعود

عيدك مبارك

___________

انا اقول اترك عنك الوديعه

عقب ما تستلم منهم جم بيزه تعال وادفع زكاتهم

خلك ياخوي على الشقق

على 25 الف و 30 الف

واجر الشقه على 200 الى 250

هلا بوفجر عاشت ايامك وكل عام وانت بخير
وعيدك مبارك للجميع

 

[فـهــد]

مشكورين
على النصايح

 

[بو شيشه]

شوفلك محل حلاقة للرجال اخذه وضبطه وضمنه للحلاقين
طبعا شوفلك حلاقين لبنانيين او تركيين اللي خبره بالحلاقه واسعارهم طيبه
تضمن عليهم الكرسي الواحد مو اقل من 150 بالشهر وايجار المحل على الحلاقين و طبعا ضماناتك تتوقع عند محامي
ترا اغلب الصالونات التركية اللي بالسالمية وحولي جذي
طبعا المحل اذا بتسنعه عدل ما راح يطلع اكثر من 14 الف تقريبا وهذا انا شفته بعيني
هذي فكرة صغيرة والله يرزقك باللي فيه الخير

 

[فـهــد]

شوفلك محل حلاقة للرجال اخذه وضبطه وضمنه للحلاقين
طبعا شوفلك حلاقين لبنانيين او تركيين اللي خبره بالحلاقه واسعارهم طيبه
تضمن عليهم الكرسي الواحد مو اقل من 150 بالشهر وايجار المحل على الحلاقين و طبعا ضماناتك تتوقع عند محامي
ترا اغلب الصالونات التركية اللي بالسالمية وحولي جذي
طبعا المحل اذا بتسنعه عدل ما راح يطلع اكثر من 14 الف تقريبا وهذا انا شفته بعيني
هذي فكرة صغيرة والله يرزقك باللي فيه الخير

مشكور أخوي أبو شيشه على النصيحه
في صالون بخيطان حلو وكبير أنعرض علي
قبل أسبوع بس والله ماني عارف أول مره
أدخل المجال

 

[فـهــد]

فيدونا ياجماعه جزاكم الله خير بالنصيحه