فزعتكم ياجماعة - بانشيي انباق من البيت بليلة العيد

[wala3a]

السلام عليكم


شباب بارك الله فيكم بانشيي انباق بليله العيد

الساعه 2:30 تقربيا الفجر ومحطوط داخل البيت

عسى يزاجي الي باقه

علعموم

يزاكم الله خير ياجماعه الي يلقاه او يشوووفه يدق علي وله الاجر من الله سبحانه وتعالى

تالي مكافأته علييي وعسى يقدرني وارضي الي يدليني علييه

وهاذي صوره قبل البوقه بيوم

وهاذا رقمي اخوكم وولدكم /



محمد القطان -

بو براك

97797445


انا عند التلفون 24 ساعه

اتصل واييك طيران


وجزاكم الله كل خير والثقه فيكم يا اخوان مطروحه واملي برب العالمين وفيكم كبير


وبنتظاركم .​

 

[مـحمد]

ان شاءلله يرجعلك البانشي .. عيال الحرام ماخلو شي، ولو تذكر اخوي انت بأي منطقه ووين انباق يكون افضل .. ممكن يكون احد من الشباب بمنطقتك وشافه

 

[أبو الجوري]

أقسم لك بالله نفس الحال في ليلة العيد انباق ماطووووور المخيم حسبي الله ونعم الوكيل فيه

 

[wala3a]

ان شاءلله يرجعلك البانشي .. عيال الحرام ماخلو شي، ولو تذكر اخوي انت بأي منطقه ووين انباق يكون افضل .. ممكن يكون احد من الشباب بمنطقتك وشافه

الله يسمع منك ياخوي , اي وللله ماخلو شي , انا بجنوب السرة الزهراء وانباق من البيت الساعه من 2:15 الفجر ليي 2:30

 

[wala3a]

أقسم لك بالله نفس الحال في ليلة العيد انباق ماطووووور المخيم حسبي الله ونعم الوكيل فيه

شي يقهر واناخوك والله حلالك وياخذه غيرك بدون وجه حق حسبنالله ونعم والوكيل

 

[B-A-1983-A-B]

شنو هذا اشلون تجرى ودش البيت وباقة !! شنو هالعالم الي ماتخاف الا اذا هذا واحد مراقبك ويعرفك عدل متى تدش ومتى تطلع ومتى البيت يفضى ،،، الله يعينك اخوي ويرد لك حلالك اللهم امين
انصحك تدور بالمناطق الصناعية والملات المختصة بتبديل الفيبر الخاص بالبانشي يمكن تحصلة عند احد المحلات او دور بشارع الخليج هذي حزتهم يقزون فيهم او بمناطق المخيمات مثل الصبية بر المطلاع او مينا عبدالله او جليعة وربي يكون في عونك

 

[بو شيشه]

لا حول الله
انا ما احط بذمتي
لكن فكر عدل أخوي الظاهر اللي بايقه انت تعرفه او داش بيتكم او الديوانية من قبل
لان صعبه تجيه الجرأة يدش ويبوق بانشي وهذي بروحها يبيلها محترف اذا من داخل بيت
حاول تفكر عدل و ان شاء الله يردلك او يرزقك باللي أحسن منه

 

[اساهيم]

شنو هذا اشلون تجرى ودش البيت وباقة !! شنو هالعالم الي ماتخاف

فيه ناس انذبحوا داخل بيوتهم ..مثل العتيبى اللى بخيطان والعنزى اللى بالجهراء ....وانت تقول شلون يدشون يبوقون ..

وضعنا الامنى والله بدأ يخوّف ..الله يستر ..

الله يعوض عليك اخوى صاحب البانشى ..

 

[Eng-Omar]

اخوي اذا انت كنت عارضه للبيع ,, وفي اي احد سامه منك ومرك البيت وشافه وبعدين كنسل


تذكر عدل

لان الحين عيال الحرام طايحين بهالسالفه ,, يسومه منك ويقولك بيي اشوفه ويجيك عليه ويثبت البيت ,,

وبعدين يبوقونه حسبي الله عليهم ,, صايره بواحد من الربع هالسالفه بليلة يوم عرفه

ولحقو عليهم قبل لا يحطونه بالسياره ,, خلوه وانحاشوو ,, هالحجي الساعه 2 الفير تقريبا


الله يرد لك حلالك ان شاء الله ويبعد عيال الحرام عننا

ونشرو هالموضوع يا جماعه

اذا احد منكم عرض بانشي او سيكل ,, وقاله احد بشوفه وبفحصه وبعدين كنسل

خل يسجل رقم سيارته وتلفونه واذا يقدر يصور بطاقته المدنيه عشان يحفظ حقه

لان عيال الحرام الحين والله خربو على الناس الزينه ,,

الله يستر علينا وعلى كل المسلمين

 

[فهد97788]

الله يرد لك حلالك

وحسبي الله على السارق

 

[wala3a]

شنو هذا اشلون تجرى ودش البيت وباقة !! شنو هالعالم الي ماتخاف الا اذا هذا واحد مراقبك ويعرفك عدل متى تدش ومتى تطلع ومتى البيت يفضى ،،، الله يعينك اخوي ويرد لك حلالك اللهم امين
انصحك تدور بالمناطق الصناعية والملات المختصة بتبديل الفيبر الخاص بالبانشي يمكن تحصلة عند احد المحلات او دور بشارع الخليج هذي حزتهم يقزون فيهم او بمناطق المخيمات مثل الصبية بر المطلاع او مينا عبدالله او جليعة وربي يكون في عونك

ايييييييه ياخوي الناس قاعده تنباق والداخليه اذن من طين واذن من عجين
للأسف اني ما اعرفه لكن مراقبني صحيح و محترف لدرجه اني طليت من الدريشه ولقيت البقي ورحت غرفتي بفرض 10 دقايق نزلت استلم طلب الممطعم ومالقيته بس 10 دقايق او اقل راح من ايدي حلالي

اللهم امين امين امين

هاذا انا شغال ادور اهني واهني وللأسف بدون اي اثر او امل

 

[wala3a]

لا حول الله
انا ما احط بذمتي
لكن فكر عدل أخوي الظاهر اللي بايقه انت تعرفه او داش بيتكم او الديوانية من قبل
لان صعبه تجيه الجرأة يدش ويبوق بانشي وهذي بروحها يبيلها محترف اذا من داخل بيت
حاول تفكر عدل و ان شاء الله يردلك او يرزقك باللي أحسن منه

لا ياخوي البقي محطوط بالحوش وهاذا مكانه من اكثر من سنه ونص وبدون سلاسل او ايشي غير الطربال الي عليييييه وكنت اطلع في بالفريج واطلع اليهال فيه وماكان في اي شي

اللهم امين ويرد حلال كل مبيوق ومظلوم وهاذي مو بعيده على رب العباد

فيه ناس انذبحوا داخل بيوتهم ..مثل العتيبى اللى بخيطان والعنزى اللى بالجهراء ....وانت تقول شلون يدشون يبوقون ..

وضعنا الامنى والله بدأ يخوّف ..الله يستر ..

الله يعوض عليك اخوى صاحب البانشى ..

اي والله كلامك صحيح والوضع الامني اخرطييي لدرجه اني اروح ابلغ يقولي اعطيك من الاخر الله يعينك وانت وشطارتك هاذا الملازم اول الي بالمخفر يعني تبيني اصير مواطن ومباحث وشرطي و ادله جنائيه وامسك شغلكم عنكم وينكم انتو فيييييي لو في امن بالمنطقه جان ماصار الي صار معاي ومع غيري من هالناس

جزاك الله الف خير ياخوي

اخوي اذا انت كنت عارضه للبيع ,, وفي اي احد سامه منك ومرك البيت وشافه وبعدين كنسل


تذكر عدل

لان الحين عيال الحرام طايحين بهالسالفه ,, يسومه منك ويقولك بيي اشوفه ويجيك عليه ويثبت البيت ,,

وبعدين يبوقونه حسبي الله عليهم ,, صايره بواحد من الربع هالسالفه بليلة يوم عرفه

ولحقو عليهم قبل لا يحطونه بالسياره ,, خلوه وانحاشوو ,, هالحجي الساعه 2 الفير تقريبا


الله يرد لك حلالك ان شاء الله ويبعد عيال الحرام عننا

ونشرو هالموضوع يا جماعه

اذا احد منكم عرض بانشي او سيكل ,, وقاله احد بشوفه وبفحصه وبعدين كنسل

خل يسجل رقم سيارته وتلفونه واذا يقدر يصور بطاقته المدنيه عشان يحفظ حقه

لان عيال الحرام الحين والله خربو على الناس الزينه ,,

الله يستر علينا وعلى كل المسلمين

لا والله ياخوي لا عرضته ولا شي اقولك انا من كثر ماحبيت البقي صرفت عليه اكثر من سعره من ترتيب ونظافه و شغل مرتب وقطع من امريكا و وقطع من الوكاله
للأسف انا سمعت بهالشغله السوامه الحراميه والشرطه ( بالماميش )
اللهم امين

الله يرد لك حلالك

وحسبي الله على السارق

بعد راسي ياخوي يافهد
الله يردلي حلالي وحلال كل مضلوم او مبيوق
حسبنالله ونعم الوكيل

 

[سعود العجمى]

الله يعوض عليك وانشاء الله تلقى البانشى

 

[wala3a]

الله يعوض عليك وانشاء الله تلقى البانشى

جزاك الله الف خير ياخوي يا سعود واللهم امين





سبحانك يارب العالمين انك قريب سميع مجيب الدعوات انت القوي ونحن الضعفاء

 

[wala3a]

اللهم ياجامع الناس في يوم لا ريب فيه إجمع بيني وبين ضالتي

.

اللهم قد مسني الضر وانت ارحم الراحمين

.​

 

[لندن]

شوف أخوي أنا لي خبره بالداخليه عدل .................. اللي باق البانشي منك وفيك بدليل بقولك 2.15 ألي 2.30 يعني ربع ساعه فقط اللي باق ياأما ناطر الاشاره من شخص أو يدري أنك لهيت بربع ساعه اللي لك حق تشك فيهم 1 سايق أو الخدم لأنهم يمكن شخص ينطرهم بره 2 ربعك وبالاخص الي معاك تواصلو بنفس الليله أويتصلون عليك مممممممممممممممأعتقد شخص قريب لأن البانشي داخل البيت من الصعب يكون صدفه ................... وين تقدر تلقي البانشي أذا الشخص الي باق تحت العشرين بتحصله وبتشوفه بمنطقتك عادي لانها بوقت ياهل وذا الخدم أوالسايق بايعه بنفس اللييله

 

[ابو أسامة]

شكله احد من الاهل خذا وباعه محتاج يمكن ههههههههههههههه

 

[maax1]

الله لا يوفقه دنيا وآخره ردى هنفس
هذا ومنطقتكم فيها اكبر تجمع دوريات فى الكويت

كل شى يتعوض اخوى الا الصحه يسلم راسك
ارواح انباقت بدون ذنب ربنا يعوضك ووكل امرك لرب العالمين

 

[sound blaster]

الله يعوضك خير منّه

ما تدري لو طالع فيه بالعيد شنو صَاير..!

والحَلال ما يَضيع ..

بالتّوفيق