شباب مساعده رحمه الله والديكم ارجوا مساعده

[foreman96]

السلام عليكم وكل عام وانتم بخير
شباب انا عندي ارض وجدام ارضي عمود الاناره ( شبه) ومشوه واجه البيت مادري عندكم حل ابصراحه مضايقتني الشبه واايد حق المواقف السيارات
هل اذا ذهبت للوزاره الكهربا وطلبت منهم نقل الشبه مكان ثاني يوافقون ؟
انا حاليا مابلشت البنيان يصير انقلها والا بعد مابلش انقلها ؟
*في اي قسم بالوزاره ؟ ومكان الوزاره؟
ويعطيكوم العافية

 

[زقرتي 7]

للاسف ما اقدر افيدك بموضوع نقله

بس انا شايف بيت قبل فتره حاط شجرة المينونه ومتسلقه عالعمود وطالع شكالها حيل حلو


فوظف هالعمود اذا لا سمح الله ماقدر تشيله


بالتوفيق

 

[Rotary]

السلام عليكم / صارت وايد وراحوا الوزارة وحركوها على حــد القسيمه , بس بشرط موافقت الجيران اللاين ألي أنت فيه..

 

[كويت 2020]

شوف لك بنغالى و بيعه عليه..........

 

[foreman96]

شوف لك بنغالى و بيعه عليه..........

الاخ تستضرف دمك يعني نضحك انا اتكلم جد
انا ادري اني راح القى حل في هذا المنتدى الرائع

 

[nokia*nokia]

الله بالخير أخوي

مافي شي ماينشال لكن يبيلك طولت صبر معاهم لأنك ذكرتني بلفه كانت جدام بيتنا ، وكانت السيارات

تلف فووق تحت وعند الإستداره بعض السيارات المتوسطه والكبيره تصعد على صعدة المصافط للبيت

فتخيل كل شهر لازم نحصل سياره مشطوفه أو دعمه بسيطه

المهم حاولنا نلغي اللفه فقالو لنا الاشغال لازم 3 جهات توافق على الالغاء أو الترحيل لمكان ثاني وهم

وزارة الاشغال و البلدية و الداخلية !!!؟ فقلت علشان لفه تسوون فينا جذي ؟؟

المهم أخذ المهمه الوالد وأستغل كبر سنه وقام ياخذهم بالمصارخ ولمدة شهر كامل تقريبا مصبحهم

وكل يوم يغثهم لين الأشغال قالو فكوووونا من هالشايب ورحلو اللفه وريحوووونا

والحمدلله اللفه لغوووها بفضل الله والوالد

فنصيحتى شوفلك شخص كبير بالسن من اهلك وخل يغثهم يوميا وصدقني راح تنشاااااال

وأتمنالك التوفيق بإذن الله وكل عام وانت بخير

 

[B-A-1983-A-B]

اخوي اعتقد دام الموضوع عامود انارة يعني خاص بوزارة الكهرباء واكثر قسم يفيدك شؤون المستهلكين وعقبها ادارة الشبكات اذا ماخاني الضن ،،،،، انا مادري انت اي منطقة عشان اقدر افيدك اكثر لان مركز الصيانة بوزارة الكهرباء فية مهندسين ونعم يوقفون معاك بالسوالف هذي بس مادري اذا ازالة العمود تندرج تحت مسمى الصيانة او لا ,,,,,,,, واتمنالك التوفيق

 

[عقارى ولهان]

الحل موجود
انا كان جدام بيتنا عمود الانارة بالنص كلم واحد من الجماعة فى الكهرباء قالى السالفة بسيطة جدا .......تروح الى ادارة انارة الشوارع بصبحان مقابل المطار الدولى تدفع 50 دينار وثانى يوم يشيلونها لك ويحطونها بمكان ثانى (انا حطيتها بيمين البيت بينى وبين جارى بالظبط بس داخل حدودى ) والحين ارتحت من الشبة ومضايقتها لى .
اتمنى لك التوفيق

 

[foreman96]

الحل موجود
انا كان جدام بيتنا عمود الانارة بالنص كلم واحد من الجماعة فى الكهرباء قالى السالفة بسيطة جدا .......تروح الى ادارة انارة الشوارع بصبحان مقابل المطار الدولى تدفع 50 دينار وثانى يوم يشيلونها لك ويحطونها بمكان ثانى (انا حطيتها بيمين البيت بينى وبين جارى بالظبط بس داخل حدودى ) والحين ارتحت من الشبة ومضايقتها لى .
اتمنى لك التوفيق

يعني الامور سهالات مايبيله واسطه ولاشي اذا علي ال50 مقدوره مويقولولي لا مايصير مادري شنو يسووولي سوالف بس ابي المكان بالضبط وين انا منطقتي بالمسيله هل المنطقة تابعتلهم علي فكره انا لين الحين مابلشت بنيان اقدر الحين انقلها

 

[عقارى ولهان]

كانت شيلت الشبة سابقا مجانية من الحكومة للمواطن ..بس يوم شافوا كل من هب ودب شال الشبة قالوا نحطة بفلوس

حبيبى ادرارة انارة الشوارع تابعى لجميع ضواحى الكويت وتخصصة فى انارة الشوارع الداخلية والخطوط السريعة كلها
اما مكانها بجانب ادارة الفحص الفنى لمحافظة الفروانية مقابل مطار الكويت الدولى من جهة منطقة صبحان

 

[foreman96]

كانت شيلت الشبة سابقا مجانية من الحكومة للمواطن ..بس يوم شافوا كل من هب ودب شال الشبة قالوا نحطة بفلوس

حبيبى ادرارة انارة الشوارع تابعى لجميع ضواحى الكويت وتخصصة فى انارة الشوارع الداخلية والخطوط السريعة كلها
اما مكانها بجانب ادارة الفحص الفنى لمحافظة الفروانية مقابل مطار الكويت الدولى من جهة منطقة صبحان

مادري ولد عمي انا لين الحين مابلشت بنيان اقدر انقل الشبه اقدر اسوي الاجراءات الحين وانا مابنيت ليمن حين اذا عندك فكره واكون شاكرلك

 

[عقارى ولهان]

مادري ولد عمي انا لين الحين مابلشت بنيان اقدر انقل الشبه اقدر اسوي الاجراءات الحين وانا مابنيت ليمن حين اذا عندك فكره واكون شاكرلك

اسف على التأخير
انت روح الأدارة واهم يفيدونك وانا متأكد انك راح تلقى الى يسرك

 

[foreman96]

اسف على التأخير
انت روح الأدارة واهم يفيدونك وانا متأكد انك راح تلقى الى يسرك

لاخلا ولاععدم يعطيك العافيه انشالله انمرهم بعد العيد

 

[I T C]

العن ام الدلع.......

 

[اللمبى]

عادى 4 بنغاليين وشيل الشبه ماحد يدرى عنك ديره ضايعه ----

بس اعتقد الشبه ماتشوهه منظر البيت بالعكس اناره لك