افضل البنوك الاسلاميه ( تصويت )

[LoVeAirline]

يرجى الاختيار افضل البنوك الاسلاميه بين الثلاثة بنوك معا ذكر السبب :

* لو سمحتوا التصويت يهمني جدا والسبب وبسس بين الثلاثة بنوك عدم ذكر الباجي وشكرا

 

[Low Fat]

من بينهم أخترت بوبيان ..

.. وأشوف بيت التمويل أفضل منهم جميعآآآآ ,,​

 

[LoVeAirline]

اخوي انا مااعرف ولا بنك فيهم ولا عمري دشيت ولا بنك اسلامي من قبل بس ابي بنك اتعامل معا رياييل هل الاهلي المتحد او بوبيان او الكويت الدولي كلهم رياييل ؟ وثاني شي ابي بنك معاملاتي كلها تخلص بالتليفون نفس بنك الوطني ويوصلون كلشي للبيت

واهم شي خدمة العملاء يردون بسرعه وموقع الكتروني سهل التعامل وفي لغتين العربيه والانجليزي

منو تعامل معا الاهلي المتحد ؟

 

[LoVeAirline]

بيت التمويل انا ماحبيته لانه الموظفين نفسيه والموقع الكتروني فاشل ومو مجدد وبعد خدمة العملاء صعب التعامل والرد بطيء علشان جذي شلتها من حسبتي

 

[العاشق]

بيت التمويل انا ماحبيته لانه الموظفين نفسيه والموقع الكتروني فاشل ومو مجدد وبعد خدمة العملاء صعب التعامل والرد بطيء علشان جذي شلتها من حسبتي

اذا شايل بيت التمويل من الحسبه روح بوبيان وانت مغمض​

 

[LoVeAirline]

لكن انا شايف بوبيان حلو والكل يمدحه بس قلة الافرع

والاهلي المتحد ماحد يتكلم عنا وعندا 28 فرع بكل المحافظات

 

[الصدق منجاة]

هلا اخوي اذا شايل بيت التمويل من بالك روح حق بيت التمويل لانه بصراحه مافي افضل منه ونا اخوك من حولت حسابي عندهم من زمان طبعا ولا فلس راحلي لا من معاش او رصيد باقي البنوك
ينتفونك تبي تعرف شلون خلك معاي

رصيدك محترم ؟!!!!!!!! ويخصمون عليك رسوم الحد الادني للرصيد 3 دنانير قمة المصخره

رسوم متطلبات الرصيد 4 دنانير علي شنوا !!!

رسوم اضافيه 2 دينارين !!!!!!!!!

هذا غير الخصم اللي بدون ذكر

وغير حسابي فورا ورفعت عليهم قضيه مع العلم انا ماعندي قرض ولله الحمد وتوقع كم حكملي القاضي ولله الحمد

2400 دينار هم(البنك) الردي اخذ اقل من هالمبلغ لكن مع التعويض وحسبه سووها لي ادارة الخبراء بالمحكمه طلعلي هالمبلغ

ومن حولت لبيت التمويل ولا فلس راحلي هذا مو بخل هذا استغلال من عديمين الخوف من الله


بيت التمويل بدون منافس
مع احترامي للكل

 

[Balloons Shop]

بيت الحرامية مكره أخاك لا بطل

موقعهم أفضل المواقع مرونة سهولة البيانات والتحويل تلكس دولي ببلاش
خدمتهم الهاتفيه لا بأس عليها أنت وخظك على حسب اللي بيرد عليك وظروفه هم هو بشر

الخبرة لها دور

فإذا يهمك موقع وسيرفس وهاتفيه فالأفضل التمويل لذلك لا تشيلها من الحسبة

وعلى فكرة أنا مجرب فوق العشر بنوك ولي حسابات فيهم لكن الأفضل وقت الجدية والتعامل أكيد التمويل ( رغم أني ما أحبهم)

بالتوفيق.

 

[Maxima]

اخوي موقع بيت التمويل
كل اللي يطري ببالك من صلاحيات موجوده فيه
تحويلات داخلية تحويلات خارجية تسديد اقساط تسديد فيزا
تفاصيل قروضك العقاريه او التجاريه وكم المتبقي
وغيرها الكثير
اذا اي سؤال عن موقعهم انا حاضر

 

[away1979]

هلا اخوي اذا شايل بيت التمويل من بالك روح حق بيت التمويل لانه بصراحه مافي افضل منه ونا اخوك من حولت حسابي عندهم من زمان طبعا ولا فلس راحلي لا من معاش او رصيد باقي البنوك
ينتفونك تبي تعرف شلون خلك معاي

رصيدك محترم ؟!!!!!!!! ويخصمون عليك رسوم الحد الادني للرصيد 3 دنانير قمة المصخره

رسوم متطلبات الرصيد 4 دنانير علي شنوا !!!

رسوم اضافيه 2 دينارين !!!!!!!!!

هذا غير الخصم اللي بدون ذكر

وغير حسابي فورا ورفعت عليهم قضيه مع العلم انا ماعندي قرض ولله الحمد وتوقع كم حكملي القاضي ولله الحمد

2400 دينار هم(البنك) الردي اخذ اقل من هالمبلغ لكن مع التعويض وحسبه سووها لي ادارة الخبراء بالمحكمه طلعلي هالمبلغ

ومن حولت لبيت التمويل ولا فلس راحلي هذا مو بخل هذا استغلال من عديمين الخوف من الله


بيت التمويل بدون منافس
مع احترامي للكل

كلامك 100%

وانا مأيدك يابو عزوز بيت التمويل بدون منافس

بارك الله فيك​

 

[نوكيا]

الثلاثه كل واحد اسوأ من الثانى
خدمة الانترنت مو كل شى فى البنك واذا بقيس على خدمة الانترنت انا اشوف الاهلى اولا والوطنى ثانيا والخليج ثالثا
انت يهمك التعامل ايضا مع موظفين يعرفون شغلهم
بيت التمويل موظفينه نفسيات لا يحوشك اهم والبنك المتحد اللى اهو الشرق الاوسط سابقا اما بنك بوبيان تحس انه توه بيطلع وافرع استار بكس اكثر منه

انا اتكلم عن البنوك بحكم وظفية عملى

 

[الصدق منجاة]

كلامك 100%

وانا مأيدك يابو عزوز بيت التمويل بدون منافس

بارك الله فيك​

يأيدك الله سبحانه ويجعل كتابك بيمينك يوم الحشر


ابدعيلك بالشفا ان شاء الله بعرفه انت والمسلمين