هيفا
عضو مميز
- التسجيل
- 12 أكتوبر 2010
- المشاركات
- 4,760
انا اليوم كنت بودي سيارتي السيرفس الاول
وما كنت ادل المكان وكنت ابي احد من اخواني يوديها
قلت مابي اتبهدل ويمكن المكان كله رياييل واتوهق
المهم حسيت اني مابي اروح هالمكان لكن للاسف مالقيت احد فاضي دقيت السياره سلف ورحت
طبعا حست وضيعت وبعد معاناة لقيت المكان
ويوم دخلت ماكو الا انا مره كله رياييل وعمال مع ان في مكان انتظار للنساء لكن حسيت بالاحراج وحسيت اني بالمكان الخطأ مع اني متعوده اسوي اشغالي بروحي
حتى السياره يوم شريتها سويت كل شي بروحي لكني تعرضت لمواقف ما كنت راح اتعرض لها لو كان معاي رجل بس عرفت شلون اتصرف
عموما السؤال اللي يطرح نفسه
ما مدى حاجة المرأه للرجل في هذي الامور؟
يعني المرأه تقدر تعيش بدون الرجل وتقضي كل اشغالها بدون ما تحتاجه؟
وشنو نظرة الشباب حق المرأه اللي تضطر تروح اماكن ما تناسبها وممكن تتعرض لمواقف بايخه من بعض ضعاف النفوس؟
السؤال موجه للجنسين
مادري ليش حسيت اني أبله
يالله جاوبوا وياويله اللي ما يشارك
