مرحبا ابوفيصل وأعجبت بتفنيدك لما كتبت لكنك لم توفق بالصياغه وتوصيل المعلومه
والأهم بأنك ( قولتني مالم أقله )
شوفي اخوي الفاضل
أولاً / انا ماقلت وصل طلبي بـ ( 10 ) دنانير . انت قلت قول سعرك اللي تبي . رديت عليك وقلت لك أخت معنا بالمؤشرنت نت كنت متفق معاها على ( 10 ) دنانير وعلشان اصير واضح الحين اقولك الأخت الفاضله اللي قالت هالسعر هي ( فجر الكويت ) وكانت جدا خلوقه ومحترمه وراقيه بالتعامل لكن تأخرت عليها شوي علشان اكمل شغلي بدبي وبعدها كلمتها .. وقالت تركت الشغل في دبي وعلشان جذيه دورت غيرها .
وانت رديت علي وقلت لا 10 دنانير شوي . وقلت لك مانختلف إن شاء الله بس حدد لي روحتك دبي
والنعم فيك انت واختنا فجر الكويت
هذا أولا بالنسبه لثانياً /
أنت عرض اسعارك ورسوم دخولك الدول صحيح جدا ولا غبار عليه لكن انت قلت ( حرفياً ) بأول اتصال .. انطر علي اجمع طلبات كثير واروح مره وحده . وقلت لك بالتوفيق .
كلامك صحيح بس ياخوي الله ما رزقني باي طلب لغاية الوقت هذا واقسم بالله ان ما عندي ولا طلب لدبي او الامارات
والحين اللي يشوف عرض اسعارك يقول انت رايح مخصوص لطلبي انا فقط
السعر اللي انا قايله لك تري ماتحصل مثله انت تبيني اروح من الكويت الي دبي ومن ثم الي الدمام وبعدين ارجع الكويت السعر هذا لاني راح اطلع بس حق طلبك لاني ماعندي طلبات ثانيه
. والذي لا احد يعلمه بأنك تقول لكل صاحب طلب ماقلته لي ( وتعرض عليه رسوم الدول ) وتأخذ من كل شخص رسوم الدول . وكأن السعوديه والإمارات تأخذ منك رسوم ( على الطلبات ) مو على الدخول
في كثير من الاخوان من المنتدي تعاملوا معاي ووصلت لهم اغراضهم الي جميع دول الخليج تقدر تسألهم واحد واحد اذا قلت حق احد فيهم موضوع التامين او اي رسوم اخري
لذلك عزيزي نحن نقدر جهد وتعبك وندعو الله لك التوفيق
مشكور وجزاك الله خير
. لكن لا تستغل طيبة العملاء وتعتقد بأنهم سذج
مو ابو فيصل اللي يستغل احد
هل اذا طلبت حق تعبي اكون مستغل العملاء ؟؟؟
ثالثا / أنت طلبت مني ( 70 ) دينار وانا اغراضي ماتتعدى ( 7 كيلو ) والشحن بالعالم كله يأخذ على الكيلو وليس على الجهد . لذلك انت لم تضع بأعلانك وتحدد بأنك تأخذ المبالغ بناء على الجهد وليس على الكيلو . ولو قسنا عرضك هذا . نقول نرسلك بـ 500 كيلو نفس مارسلك بـ 7 كيلو وهذا إجحاف بحق العملاء عندك .
اول شيئ انا ماذكرت باي موضوع لي اني اخذ علي الكيلو ياخوي انا رجال اترزق الله من الشغل هذا ماني دي اش ال او فيدكس عشان اخذ عليك بالكيلو
وبعدين ليتك ذاكر اغراضك شنو ال 7 كيلو
وابي بس اقولك انني اليوم اتفقت مع احد الاخوان من المنتدي انني اجيب له اغراض من الرياض الي الكويت تدري بكم ( 5 فقط خمس دنانير واتحدي لو لقيت احد يجيب لك اغراض من الرياض للكويت بالمبلغ هذا بس تدري ليش لاني انا رايح حق طلب ثاني وقلت للشخص اللي كلمني انا رايح للرياض ومافي مشكله علي دربي عرفت هذا الفرق
رابعاً / موضوع 24 ساعه انا نقلت لك من مواضيعك 3 مواضيع تقول توصل الطلبات ( داخل الكويت ) على مدار الساعه . وانا شرهتي عليك بموضوع الـ 24 ساعه بأنك لا ترد على الأتصالات او حتى الرسائل . واللي يضع إعلان انه جاهز 24 ساعه لابد ان يعرف قيمة المتصلين على أي أمر . لكن هذه 3 مواضيع من مواضيعك توضح ماقلته
توصيل بأي وقت
http://www.indexsignal.com/forum/showthread.php?t=183425
توصيل طلبات بأي وقت
http://www.indexsignal.com/forum/showthread.php?t=173686
عنوان موضوع توصيل بأي وقت
http://www.indexsignal.com/forum/showthread.php?t=173687
هل يعني باي وقت 24 ساعه ؟؟؟؟
,,
رساله لك
أخي ابوفيصل انا عتبي عليك ( فقط ) في التجاهل بعدم الرد على الأتصالات والرد على المسجات . نعم ترد احيانا لكن اغلب الوقت لا ترد . ونحن مرتبطين مع تجار وزبائن بمواعيد محدده ولا نستطيع أن نخلف كلامنا لو كلفنا الأمر أن نخسر ألف مره . لهذا نحن نلزمك بتحديد التوقيت لكي نعرف أن نخاطب الناس ونحدد لهم الوقت
اخوي العزيز توضيح صغير لتعم الفائده علي الجميع
اذا كان عندي طلبات لنفس المكان اللي تبي ترسل له اغراضك ماعندي مشكله بالسعر اللي رب العالمين يجيبه خير ونعمه
اذا ماعندي طلبات لنفس المكان المطلوب وتبيني اروح خصوصي عشان طلبك بعد انا حاضر بس بالسعر اللي انا اشوفه مناسب او حسب الاتفاق وان شاء الله انه سعر مناسب للجميع واللي اقدر اخدمك انت وجميع اخواني بالمنتدي والله ماراح اقصر مع احد
.. أما موضوع الأسعار لا جدال فيها . الامر عرض وطلب
إن توافقنا فـ لله الحمد وإن لم نتفق لا نملك إلا الدعاء لك بالتوفيق
ومازلت إلا الآن أقول لك وفقك الله لكل ماحب ويرضى وسدد الله على طريق الخير خطاك
وإن شاء الله تروح دبي وترجع سالم غانم .. سوى خدمتني بهذه السفره او لم تخدمني
الله يسلمك ويوفقك ان شاء الله
احترامي لك أخي
تقبل فائق الاحترام مني
