المحيط الهادئ
عضو نشط
لاح الحزن في دنيتي وأجهر الشوف ** يبرق ويرعد في النواظر سحابه
بين النواظر صار بين ومكشوف ** في ساعة ٍ النو وأعد الركابه
من سبة اللي مات وعيوني تشوف ** فوق الصدر نزاع الأرواح صابه
جاه ونزع روحه وأخذها من الجووف ** قدام عيني راح مني نهابه
مات وترك راسه على الصدر منسوف ** جسم ٍ بليا روح كل درى به
صار الحزن في خافقي يشهر سيوف ** قطع خفوقي يوم فصخ ثيابه
فصخ وغسل ثم طيب وأنا أشوف ** كفن ودمعي مثل وبل السحابه
عقب الفجر شلناه للعود منسوف ** على النعش مايوحي اللي حكى به
ونزل بقبره بين الأعضاد ملفوف ** مدد ومن حوله جميع القرابه
حطيت لبنه تحت راسه كما النوف ** فكيت عن وجهه بيدي حجابه
صفو عليه من الللبن عدة صفوف ** وخلطت من دمعات عيني ترابه
قاموا يهلون الرمل هل بكفوف ** لين إندفن قبره ونصب نصابه
قمت أتعبر والعرب حولي وقوف ** حول القبر قلبي تزايد عذابه
ذكرت أبوي اللي مع الناس معروف ** حسن التعامل والوفا واللبابه
أمس ٍ يكلمني وينطق لي حروف ** لامن تكلم خاطري أهتنا به
واليوم فارقني ورافقني الخوف ** والقلب للهوجاس أنهد بابه
ياليت موتي صار من قبل ما أشوف ** ليته سطا بي وأتركه ماسطابه
لاشك هذا الموت والموت معرووف ** لاجا يسل الروح محدٍ درى به
بين النواظر صار بين ومكشوف ** في ساعة ٍ النو وأعد الركابه
من سبة اللي مات وعيوني تشوف ** فوق الصدر نزاع الأرواح صابه
جاه ونزع روحه وأخذها من الجووف ** قدام عيني راح مني نهابه
مات وترك راسه على الصدر منسوف ** جسم ٍ بليا روح كل درى به
صار الحزن في خافقي يشهر سيوف ** قطع خفوقي يوم فصخ ثيابه
فصخ وغسل ثم طيب وأنا أشوف ** كفن ودمعي مثل وبل السحابه
عقب الفجر شلناه للعود منسوف ** على النعش مايوحي اللي حكى به
ونزل بقبره بين الأعضاد ملفوف ** مدد ومن حوله جميع القرابه
حطيت لبنه تحت راسه كما النوف ** فكيت عن وجهه بيدي حجابه
صفو عليه من الللبن عدة صفوف ** وخلطت من دمعات عيني ترابه
قاموا يهلون الرمل هل بكفوف ** لين إندفن قبره ونصب نصابه
قمت أتعبر والعرب حولي وقوف ** حول القبر قلبي تزايد عذابه
ذكرت أبوي اللي مع الناس معروف ** حسن التعامل والوفا واللبابه
أمس ٍ يكلمني وينطق لي حروف ** لامن تكلم خاطري أهتنا به
واليوم فارقني ورافقني الخوف ** والقلب للهوجاس أنهد بابه
ياليت موتي صار من قبل ما أشوف ** ليته سطا بي وأتركه ماسطابه
لاشك هذا الموت والموت معرووف ** لاجا يسل الروح محدٍ درى به
