فيزا امريكا

[fahad_kw]

مرحبا اخواني

اليوم قدمت طلب لفيزا امريكا انا والمره، المقابله كانت سريعه ومختصره
لكن الموظفه اقبلت طلب مرتي وحولت طلبي للدراسه administrative process

انا سفرتي بعد 3 اسابيع ، اشكثر تطول دراسه طلبي وفي حل اني اسرع بالموضوع ؟

 

[بو بـدر]

صارلي شهرين ونص مقدم وحتى الان تحت الاجراءات الادارية نفس موضوعك وماودي احبطك بس شبه مستحيل تخلص خلال 3 اسابيع وبعد وياها عطلة العيد اسبوع كامل للسفارة !

ومالك الا الصبر ومافي حل الا انك تراجعهم بين فترة وفترة وتشوف اذا طالبين شي او معلومات تعطيهم

نصيحة لا تحجز تذكرة ولا سكن واذا انت رايح سياحة شوف ديرة ثانية

موفق

 

[fahad_kw]

والله حبطتني يا بوبدر
انا بروح مع اهلي واخواني واعيال عمي، انا الوحيد بينهم اللي ما طلعت فيزته!
والله شي يقهر، كرهوني بالديره قبل لا اطبها، باجر لي صرت بامريكا شبيسوون فيني؟!!

 

[تويجر]

الله يعينك

قليل يخلصون خلال اسبوعين

واذا انت اسمك احد الاسماء التالية (خالد ، احمد ، محمد ، عبدالله ، علي) راح تاخذلها وقت

انا قدمت اول شهر خمسه وما جتني الموافقة الا برمضان وكنت مسافر وخالص

 

[fahad_kw]

انا اسمي فهد ، الوالد اسمه خالد

في طريقه اخلص الموضوع بسرعه؟ اقدم مره ثانيه عالطلب مثلا واعيد المقابله؟

 

[ح.الموسوي]

السلام عليكم

نصيحه لا تقدم طلب ولا شي لا تخرب على روحك انطر راح يدقون عليك متى عاد خلها على الله انا قدمت وطولت معاي جريب ثلاث اسابيع يعني حسب بس اذا حاولت تقدم مره ثانيه راح يرفضون الطلبات مالتك كلها وتروح عليك 40 دينار على الفاضي ومالك الا الصبر

 

[fahad_kw]

والله يالموسوي انا بنطر ٣ اسابيع ، قبل السفره بيومين باتصل عليهم لاني خسران خسران ،
وما قصرت عالنصيحه

 

[rock404]

زوجتك امريكية تاخذها نفس الوقت لول

 

[ح.الموسوي]

روك مو بس زوجتك حتى لو رفيجتك امريكيه يعطونك نفس اليوم

 

[rock404]

روك مو بس زوجتك حتى لو رفيجتك امريكيه يعطونك نفس اليوم

هههههههههه لالا ابشرك سويتها ماصارت معاى لوول

 

[TaShOo]

انا مابي اضيق خلقك بس مالك الا تنطر بس اهم شي تكون سجلت عند الدي اتش ال ودفعت ال9 دنانير مالت جوازك عشان يتابعون ويه السفاره لانه لو ما دفعت ماراح يتابعون وبعد فتره انشالله يدقون عليك الدي اتش ال يقولونلك جهز الجواز مع الاوراق الي عطيناك اياها.... انا قدمت شهر 6 واستلمتها شهر 10.