طلاقه اللسان والفصاحه

[ابو الفضل]

اخواني
هل طلاقه اللسان والفصاحه وتحدث مع الناس بصوت مرتفع ومنسق
هي هبه من الله او بالتلعم او بتجارب او بماذا ؟؟؟

 

[الصامد.م]

70% التعلم بفترة مبكره من العمر تؤدي غلى طلاقة اللسان والفصاحة والباقي مثل ماذكرت اخوي

 

[الصدق منجاة]

التعليم من الصغر كالنقش علي الحجر

خبره من شيبانا 100%

لاتنهر ولدك او تمد يدك عليه لو انه غلطان خاصتا قدام ربعه او الناس
وخله يدبر نفسه لاتتدخل فيه راقبه من بعيد وعينك عليه خله يكون شخصيه مستقله مو مربوطه فيك مهم مهم
الضرب ممنوع نهائيا شيله من قاموس التربيه الكلام اقوي من الضرب لكن هذا مايمنع في بعض الاحيان لشطه لشطتين علي الطاير ماتخلا
واعلم ان الضرب انواع فيه تعليمي وتأديبي وتخريبي
تبي تخرب ولدك كل يوم طقه علي الفاضي والمليان وبعد مده ماعاد تفرق معاه ان طقيت ولا لا

ولكن الكلام الموزون عن الولد يثمر لاصرت تباريه موتهمله وتقول عزاه قام يدخن او يسرسر (هذي مومالت سرور) مالتنا

واحد من الربع من كثر مايحب ولده يتدخل بكل شي يسويه ويهاوشه ويطقه مرات ويقول لمصلحته وكل ما جابه الدوانيه يكسر خاطري طول الجلسه عينه لبوه يخاف لايسوي شي مايعجب ابوه لاحول ولاقوة إلا بالله وفي يوم من الايام طلعت فيه ثعلبه نثيه الله يكافيكم الشر وقام يلبس قازقيت 24 ساعه( من كثر التفكير وهو صغير المفروض يلعب اكثر من التفكير ) اخذه مع اخواني الصغار مرات وكل ما يبي سوي مثلهم يتردد وانا اشجعه مره من المرات ركبته معاهم يلقطون كنار وخليته هو الكنترول القائد اللي يقطع ويعطيهم والله بدع من الوناسه لكن مو اكثر مني


واللحين تحسنت حالته عن قبل لان ابوه غير سياسته ​

 

[بو شيشه]

على الأسئله اللي تسألها المفروض تتخرج من المنتدى بروفيسور علم نفس

 

[بوالعيس بيك]

على الأسئله اللي تسألها المفروض تتخرج من المنتدى بروفيسور علم نفس

هذا ولدنا خله يسأل اذا ماسألنا عيل من يسأل

 

[بو شيشه]

هذا ولدنا خله يسأل اذا ماسألنا عيل من يسأل

اكيد اكيد حبيب بو الفضل
انطيه من معلوماتك الجهنمية خله يستفيد

 

[Balloons Shop]

مجالسة الشيبان بالنسبة للرجال ، وللنساء مجالسة النساء الكبار الثقال
بالمحاكاة والتقليد ( إنما الحلم بالتحلم )
أيضاً ذات الشخص لابد أن يثق بنفسه أتم الثقة
والوالدين لهما دور عظيم في ذلك
زرع الأفكار الإيجابية في نفس الولد وسماعه بما هو أهل له ومدحه والثناء عليه يشجعه للعطاء أكثر
وحفظ القرآن له دور كبير جداً بذلك ، وهذا قبل كل شيء
فلا يوجد أبلغ من كلام الله أثناء الحديث والاستدلال به.

 

[زهره]

الفصاحه هبه من الله يولد الانسان واهوه يحمل هالصفه وهذا واضح تشوف اياهل توه ما وصل طوله نص متر ولساااااااااااان واعرف ارد وافاجئك بردوده حتي اهله ويهال ساعات يعيزون اهلهم منهم اشجعونهم بس ما كو فايده

 

[بوالعيس بيك]

اكيد اكيد حبيب بو الفضل
انطيه من معلوماتك الجهنمية خله يستفيد

انطيه هذي مواخت طوني

 

[هيفا]

طلاقة اللسان والفصاحه هبه من الله بالدرجه الاولى

والشخص الواثق من نفسه دايما يكون طليق اللسان ​

 

[abo Rana]

اهي في بعض الناس من الله سبحانه

وفي ناس بالتدريب

وفي ناس مكانهم او عملهم هيئهم بالتحدث بطلاقه ​

 

[copra]

اخوي معاك عضو جمعيه سابق وتعرف اذا انت مرشح لازم تكون سريع البديها وطليق اللسان بعطيك خلطه سريه وكثر الاستمرار فيها راح توصل للتبي

اختار اي موضوع في بالك وتكلم فيه لمدة دقيقه بشرط ماتوقف قول اي شي بلعربي خربط بلحجي مره مرتين ميه لين راح توصل لمرحله تصير صفاف حجي من اللي يحبه قلبك

 

[مراحب2000]

اخواني
هل طلاقه اللسان والفصاحه وتحدث مع الناس بصوت مرتفع ومنسق
هي هبه من الله او بالتلعم او بتجارب او بماذا ؟؟؟

كل شى فيه خير للشخص اكيد هو نعمه وهبه من الله سبحانه وتعالى ...الفصاحه واللباقه ..من اسبابها قراءة الكتب بكثره