الجواخير ؟؟

[المغامر_1986]

ممكن واحد يعطينا نبذه عن الجواخير هل يتحول ويصير نقل ملكيه ولا ملك للحكومه ويتصادر وجم اسعار الجواخير اللي ارض فاضيه وللي مسور واللي مبني وجم الحد الاقصى للبناء المسموح فيه ؟؟ وسوالف التطعيم !! وهل لازم حارس ولا امان؟؟ واسعار القطع والاحسن وليش احسن
والجاخور الكامل مع الاثاث بجم ؟
والهجن

ياري تاحد ينورني وخصوصا الجواخير اللي 1250 او 1650 اما الكبير 2500 ماعندي فلوسه

ولكم جزيل الشكر

 

[راعي حلال]

بسم الله

سأجيب بما اعرفه وما لا أعرفه لن اجيب عليه

اولا نقل الملكيه بينك وبين صاحب الجاخور ينتقل اليك وعقدك بينك وبين الثورة الحيوانية اي الهيئه العامه ( جهة حكومية )

العقد مدته عشره سنوات ويتم تجديده وسعر الكهرباء للواط الواحد ( عشره فلوس ) حاليا لكن مستقبلا ربما يطرأ تغيير والله العالم

ثانيا المساحه التي تبني عليها لست متأكدا

طبعا لازم حارس ان كان بالجاخور اغراض لك لن تدعه فراغا حتي لا يصبح وكرا للهاربين من القانون

التطعيم ضروري 100 رأس اغنام او ماعز اما تطعيم الابل لا علم لدي بها

البناء تكلفته حوالي 30 الف جاهزااا من كل وسائل الترفيه تلفزيون سخانات ماء فلاتر غساله غاز ثلاجه فريزر بلاط متداخل زراعه اشجال الخ الخ

طبعا الجاخور يتم مصادره في حال خالفت احدي شروط العقد

كأن تقوم بتأجيره او تستخدم غرضا اخر غير المخصص له

اسعار الجواخير حسب المساحه والموقع

1250 بحدود 40 الف سواء هذا بالوفرة اما جبد يرفع السعر قليلا

1650 اضف للبلغ الذي فوق 15 الي 20 الف

اما مساحه 2500 بحدود 45 الف لمنطقه الوفره واما جبد او كبد يرتفع قليلا بحدود عشره الاف او ربما يصل لعشرون الف مضافه

وهذا والله اعلم

 

[المغامر_1986]

اشكرك اخوي جزيل الشكر

يعني الجاخور لما اشتريه مافيه خوف من ناحيه التسجيل لانه يتسل فوري ولمده 10 سنوات

بس ساللفه الرؤس 100 راس غنم هذي متى لازم اقدمها وهل ينفع اشتريها بماانه ماعندي غنم حاليا

وبخصوص الصبي يطلع لي عالجاخور اقامه او اقامتين علشان احطهم ؟؟


وبخصوص الاسعار انا لقيت ارخص من اللي تقول عليه ؟ ياريت احد يوافينا بالاسعار ويكون متاكد


ولكم جزيل الششكر

 

[المغامر_1986]

ومساحه البناء

 

[211]

ياعزيزي في اجراءات موعدلة من ناحية التحويل سمعناها ، وأرجو أنك تعني حالك قبل لاتشتري ، للهيئة نصف ساعة وتسألهم بخصوص التحويل والتسجيل والبيع
والدين النصيحة

 

[المغامر_1986]

اشكر اخوي جزيل الشكر

اناسمعت انه جبد اللي لازم يمرعليه 5 سنين علشان يتسجل

اما الهجن الله اعلم

ياريت احد يفيدنا بهالمعلومات عن الجواخير

ومساحه البناء المرخصه وموضوع الاقامات يعطون عليه اقامات وجم واحد والاسعاررر

 

[بدركويتي]

اخى الكريم
اول شى جواخير كبد1250 اسعارهم تتراوح من 27000 وصاعد
وثانى شى عقدك بينك وبين الثروه كل سنه تجديد 12 دينار ليس 10 سنوات هذا كان قرار قديم
وثالث شى اذاشريت لازم تكون عندك تطعيمه وصالحه هاذى اطلعه 200 دينار من الشويخ
ورابع شى القرار الجديد راح يصير تفتيش مفاجئه على كل الجواخير يعنى لازم يكون بكل جاخور 25 راس
وخامس شى اذا شريت حوطه تكلف بنيان 6000 دينار مع التشطيب اذا انت شاطر وعندك خبره
ومساحه البناء كانت بسابق حدك 150 متر وسمعت بانه زادوهم
وسادس شى اذا شريت ماتقدر تبيع الى بعد 5 سنواااااااااااات ركز على النقطه اساسيه
\\\\\\
نرد حق 1600 الى اهى جواخير الهجن شوووف اخوى
واحد الهجن اسعارهم تقريبا من 30000 الف وصاعد
ثانى شى استراكهم 120 دينار كل سنه
ثالث شى الهجن تابع للهئيه الشباب والرياضه
ورابع شى مايتسجل جاخور باسمك الى اذا شاركت بسباق بشهر 10 الجاى
او بانك تدفع 500 دينار علشان تطلع عضويه طبعا مو الحين بشهر 10
وخامس شى اذا شريت بلهجن لازم تسجل عند محامى وهذا ليس مضمون
ونصيحه لك اشتر واتعب على الهجن بس هاااا اتعب على واحد ثقه جداا
\\ انا الوالد تووه شارى بلهجن من واحد ثقه صارت عندى خبره بكل الجواخير من كثر مااارااجع هههههه وانشالله انى كفيت ووفيت على اسئلتك
الله يسهل اموورك انشالله

 

[المغامر_1986]

اشكرك اخوي جزيل الشكر ( بدر الكويتي )

اللي اتضحلي من كلامك انه كبد احسن من ناحيه الاشتراك ارخص ومن ناحيه انه يتسجل باسمي ....انزين جبد اللي كامل ومبني وماثث وكل شي جم يسوى وما عطتني فكره عن اسعار القطع بالتفصيل ؟؟ لانه حسب علمي قطعه لقطعه يفرق بالسعر



وياريت اللي يعطينا عن الحد الاقصى للبناء المسموح به بالجاخور؟؟1250 متر
ولك جزيل الشكر