تدشين خدمة الدفع الالكتروني لمنتجات الجُمان

[Aljoman]

تدشين خدمة الدفع الالكتروني لمنتجات الجُمان
​

تم بحمد الله وتوفيقه ، تدشين خدمة الدفع الالكتروني لمنتجات "الجمان" وهي :

أولاً : بطاقات الدفع المسبق، للاستفادة من نحو 10 منتجات ، والبطاقات على فئتين :

الفئة الأولى : 5 دك ، لمدة ساعة
الفئة الثانية : 10 دك ، لمدة ثلاث ساعات

ثانيا ً : خدمة جُمان اكسبرس ، بنوعيها :

1- اختيار سهم من جانب العميل .
2- اختيار سهم من جانب "الجُمان" ، يكون مرشحا للارتفاع .
وذلك بمبلغ 10 دك للاختيار الواحد.

وللحصول على رابط الدفع الالكتروني يرجى الضغط على الرابط التالي :
https://eshop.aljoman.net/

وللحصول على معلومات عن منتجات الجُمان ، يرجى الضغط على الرابط التالي :
http://www.aljoman.net/aljomanar/brochure.pdf

وللاستفسار :
هاتف 22408909 فاكس : 22408901
بريد الالكتروني : info@aljoman.net الموقع الالكتروني : www.aljoman.net​

 

[Q8-Fund.Manager]

خدمات رائعة وبأسعار متواضعة جدا
بارك الله فيكم

منها للأعـلى ... يارب ​

 

[اسهم]

ما جاوبت على سؤالي يا الجمان اعطيك 20 % من الارباح مو 5 ولا عشر دنانير بس شنو يعوضني ان راح راس المال ....؟؟

في السوق الامريكي البروكر يعطيك الرسك و الربح بكل صفقه ولك حرية الاختيار ... وله عمولة بس اللي يصيب بالتوقعات اكثر ...

واذا اصر على تسويق شركة مدرجة ما وراها الا تكة وعقبها يرجع فوق تحت يحاسب حساب عسير ...


شخصيا اشتركت معاكم مدة 5 شهور في كل توصية القى الصبح السهم معلق او مرتفع وعقبها قوع وشلون تبون ادش عليه ...؟

او نادرا تكة بالشهر ...

هذا حذرتم من المدينة والصفوة وللامانة معاكم حق واؤيدكم وطقتها و الحين تضاعف سعرها ...

وهقتوا العالم بمحموعات الخرافي .. وعلى شوفتكم ...

توصون على صكوك وشلتها وهي محلك سر ...

هذا حلال مافيه عاطفه ولا فيه تكفه خله ...

تدرون شنو واحد يدعي بخسارة حلاله وحلال عياله
و لا حلال ايتام او اهله ...

ادري بقول واحد محد طقك و لا منو قالك ولا انت و مسئوليتك و لا الرجل ما وصى بشكل مباشر ...؟؟

تدرون عندي محللين المنتديات اللي يقدمون خدمات مجانية وبجهود وتعب يستاهلون الدعاء وكل شي لانهم يوضحون اذا خق السهم او اذا طلع وين حده .. ونسبة نجاحهم مرتفعه ...


على العموم يا الجمان الواقع شي و اللي تشوفه انت شي ثاني

وصرخاتك اخر يومين قد اشتم منها رائحه غيور وفاهم بس سوقنا ما ينفع ولا انت راح تنتفع من الرياح العاتية والامواج العالية ... الا القله القليلة صدقني ...