مبروك ملاك بنك الكويت الدولي

[MOHANNAD_SA]

السلام عليكم

في البداية .. سؤال للإخوة المشرفين .. لماذا قمتم بحذف الموضوع هنا وأبقيتم على الآخر اللي صفحته معطوبة؟

الرجاء إذا تبون تحذفون احذفوا الشين مو الزين ؟؟ عموماً أنا أغلقت الموضوع الآخر .. ما أدري إذا يصير ..

ولكم التحية



مبروك عليكم جميعا إخواني هذا التطور الجميل على السهم .. ويا رب تربحون وتربحون وما تشوفون خسارة مطلقا ..

السهم بعون الله رايح 480 فلس عن قريب ..
لكن انتبهوا

ديروا بالكم من صانع السوق والمحافظ التي تسحب في السهم لأسفل من أجل التجميع عليه من تحت .. ديروا بالكم لا تفرطون في رزقكم ورزق عيالكم .. تلك المحافظ لا تستحي ولا تخاف الله .. الله لا يوفقهم .. عايشين على خساير العباد .. أرجوكم لا تنساقوا ورائهم ..


السهم طالع بحول الله إلى 480 فلس عن قريب وفق كثير من التحليلات .. هذا من غير أخبار الصفقة .. ما بالكم لو طلع خبر الصفقة حقيقي والسهم مطلوب على 700 كما يوقولون؟

انتبهوا ولا تفرطوا في السهم .. ترى والله ما يتعوض .. سهم بلاش .. وسهم بنك .. وبنك إسلامي .. والله أشوفه فوق الـ 500 فلس بدون صفقات وخلال مدة قصيرة بعون الله ..

لا تنسوق قبل الآزمة جم كان سعره؟ 850 فلس

ليش ما يوصل إلى هذا السعر مرة أخرى في 2011 ؟

لو فكرنا بهذه الطريقة سنقتنع أن أخبار الصفقة المزعومة ربما تكون بالفعل حقيقية وواقعية جداً ..

يا رب ربح الجميع (الصغار مثلنا)
أطيب تحياتي

 

[أبو فلسين]

اخوى لا تقعد تدعى على الناس اذا بتدعى عليهم يبا لا تدخل السوق اطلع ابرك لك من هالدعاوى هذا سوق يا اخوى وصناع السوق من حقهم يشترون ويبيعون يعنى تبيهم يشترون منك السهم بالدينار عشان تقول الله يجزاهم خير اذا هذا تفكيرك اطلع من السوق ودور لك سوق ثانى

 

[ابو نواف محترف]

اخوى لا تقعد تدعى على الناس اذا بتدعى عليهم يبا لا تدخل السوق اطلع ابرك لك من هالدعاوى هذا سوق يا اخوى وصناع السوق من حقهم يشترون ويبيعون يعنى تبيهم يشترون منك السهم بالدينار عشان تقول الله يجزاهم خير اذا هذا تفكيرك اطلع من السوق ودور لك سوق ثانى

والله انك جبته صح الله يبارك فيك === يبي يربح وسوق يخسر مدري شلون

 

[MOHANNAD_SA]

اخوى لا تقعد تدعى على الناس اذا بتدعى عليهم يبا لا تدخل السوق اطلع ابرك لك من هالدعاوى هذا سوق يا اخوى وصناع السوق من حقهم يشترون ويبيعون يعنى تبيهم يشترون منك السهم بالدينار عشان تقول الله يجزاهم خير اذا هذا تفكيرك اطلع من السوق ودور لك سوق ثانى

السلام عليكم بالأول

أخوي اللي قاعد يبيع ويشتري مثل خلق الله .. ربي يرزقه ويوفقه .. لكن اللي يعمل افعال خبيثة لاجل يبخس بضاعتك ويمسح بيها الارض ويكرهك فيها وفي اليوم اللي شريتها فيه عشان يشتريها هو مبخوسة .. هذا شنو تسميه ؟؟؟

هادول اللي ادعي عليهم ... وأفعال كهذه ما ترضي رب العالمين ..

لكن بيع وشرا بحق الله ما حد يجروء يقول شي ..


انت الحين عندك سيارة سعرها 10000 ينفع أبخس حقك وأقول هذه ما تسوى إلا خمس فقط .. وأبلغ كل السوق والناس أن سيارتك ما تييب إلا خمس ؟؟؟

عشان تتخرع وتخاف تنزل زود وتقطها بخمس .. هل هذا حلال في نظرك ؟؟؟

أرجو المنطق في الرد أخي الكريم ..

تقبل تحياتي

 

[naserr]

عنوان الموضوع مبروك ملاك الدولي علبالي فيه صفقه تمت او ارباح خياليه ياخوي حط الموضوع في صفحه البنك وتقبل مروري

 

[تسمع مني]

ان شاء الله يرتفع حد اعلى لمدة شهر ولا تدعي احد

 

[Navigator]

السلام عليكم ورحمة الله وبركاته

اخ مهند

البنك له رابط خاص به

وانت مو مقصر فيه

عندك مصدر لكلامك ؟

قفلت موضوعك الاول ورديت كتبت ثاني نفسه

حذفته وهم رديت كتبت ثالث

والثالثه ثابته

الموضوع مغلق