افيدونا ماهي افضل رخصه تجاريه

[أبو الذود]

السلام عليكم ورحمة الله وبركاته

اتمنى من اصحاب الخبره يفيدوني بافضل رخصه ممكن اعمل فيها واستخرج فيها دعم عماله

يعني حاب اعمل فيها واخذ عليها دعم عماله

ويكون شغلها موسع يعني اقدر استثمرها باكثر من شي

وشكرا ناطر شور الناس الطيبه

 

[المغامر_1986]

مقاولات عامه

وتجاره عامه

 

[al7oot511]

صدقت يالمغامر بس عندي اضافه وهي شركه تجاره عامه ومقاولات

 

[المغامر_1986]

اي بس تجاره عامه ومقاولات اتوقفت ولام يشتريها بفلوس

اما الي قلت عنهم يطلعهم ببلاش

 

[al7oot511]

ببلاش !!!!
اللي اعرفه تجاره عامه لااا ماتطلع بس مقاولات عامه ايه تطلع
واعتقد مافيه احد يطلعها لك ببلاش الا اذا عندك الرصيد اللي هو 50 الف وانت اللي تراجع فيها
عدل يالغالي .. ولتاكيد اسال مكاتب تخليص المعاملات .. واسف عالاطاله

 

[المغامر_1986]

اي اقصد ببلاش من ناحيه انه يروح بنفسه ويطلعها بنفسه

لكن تجاره عامه ومقاولات يشتريها ب 2000 !!

لكن مقاولات عامه او تجاره عامه يدفع فلوس عاديه فلوس اجار المكتب رسوم البلديه والمعلومات المدنيه والشؤؤون والخ

هذا قصدي

 

[saadkuwait]

الله يوفقك اخوي

 

[أبو الذود]

تسلمون وماقصرتوا

والله يرزقكم من خيره على الخدمات الي تسوونها

يعني تعتقدون الاستيراد والتصدير ماتفيد خاصه الحين الناس صار السوق متوسع واكبر وكل شي يجي من برى

وشكرا

 

[المغامر_1986]

والله رخصه شركه استيراد وتصدير يبيلك تروح تسأل عنها لانه راسمالها 30 الف دينار تقريبا...باعتقادي الشخصي رخصه زينه بس يبيلك معارف بالجمارك خصوصا وتحتاج للسفر او عندك احد يسافر وراس مال

روح وشوف بوزاره التجاره اللي تابعه لمحافظتك جم تحتاج راس مال واذا ماعندك شوفلك احد يدخل بحسابك ويطلع


وموفق