ابي اشتري لاند وبعرف السعر اخواني حلفتكم بالله تدخلون

[المحروم]

السلام عليكم اخواني ابي مشورتكم

عندي لاند كروزر مال ولد عمي موديل 2009 اللون ذهبي gxr 8 8 سلندر
ماشي مية الف كامل المواصفات شاشة اخشاب تلبيس وكالة بيج
ماحاشه ولا دعمه ماشالله ولا شلخ ولا اي شي بس انا موعارف السعر وبصراحة خاطري بالموتر وهوا قالي اخذه مني بمبلغ 12500 كاش انا فلوسي موجوده والدفع كاش فا اشرايكم بالسعر
ابي رايكم وبنظركم جم يسوى وشكرا لكم ولاهنتم

 

[BO JASSIM 1983]

اتوقع ان سعره مناسب لو كان ماشي بحدود ال30-40 الف

بس هذا مااشاء ماشي وايد

فنصيحتي لك دورلك سياره من بره لو زياده 300-400 دينار بس ممشاها بحدود اللي ذكرته فوق

لان سيارة ولد عمك حتن كفالتها خلصت لان تعدا ال100 الف

وانت حلالك وابخص

 

[bomanaf]

اخوي ولد عمك بارك بالسعر

لان السعر فوق 13 الف بالنسبه لموديل 2009
وانا عندي 2008 ماشي 110 الاف 8سلندر gx
وانسام مني بهالسعر بحدود 12الف و800دك
وبالنهايه هذه لانكروزر
واسمحلي على الازعاج وبالتوفيق

 

[مضارب2010]

المشكلة انك حلفتنا ماشي واجد لوأنا ماأشتريه

 

[بو شيشه]

بصراحه اشوف سعره زين حتى لو ممشاه 100 الف دامك متأكد من نظافته وانه حتى الخدش ما فيه
بس نصيحة استخير و عين خير ان شاء الله

 

[pirateee]

انت تعرف ولد عمك شلون استعماله
الممشي مو اهم شي
رأيي توكل على الله واخذه
ودامك محتار استخير
والله يوفقك

 

[مرزوز]

الله يوفقك
بس ماكووو خبرة في المواااتر والله

 

[New&New]

اطلب الخيره
ماشي وااااااااااجد

 

[مرحبا بقدوم خلي]

انا اشوف انه السعر معقول جدا الله يوفقك توكل على الله

 

[Packard Bell]

نصيحتي لك هذه السيارة ما يشتريها إلا الغشيم

سيارة موديل 2009 وماشية 100 ألف يعني لو فرضنا أنه صار لها سنة ونص طالعة من الوكالة، يكون صاحب السيارة صار له كل هل مدة وبشكل يومي يمشي فيها بمعدل 200 كم باليوم، حتى في العطلة الاسبوعية.

السيارات الحديثة و اللي بهذا الممشى دائما يكون سعرهم 30% أقل من أسعار السوق لأنها مستهلكة وبالأسواق الأمريكية يسمونهم highway milege vehicls​

 

[Q8 yes]

استخير وانت تعرف ولد عمك راعي بر ولا ديره ولا سفر بس عموما الممشا مايضر اذا كان الرجال مهتم فيه توكل علي الله

 

[بوحمود1]

عشان الحلف دشيت ،،،،، بصراحه الممشى للموتر موطبيعى ،،، 100 الف بسنه وحده ،،، لو سيارة اجار ما مشت هالمشى ،،، نصيحتى لك ياخوى طالما عندك كاش اخذلك موتر من الوكاله واجد احسن وتاكد انك راح ترتاح ،،،

 

[صقرالبحر]

سبق وان مشيت بسياره 76 الف بسنه وحده فقط والسياره جديده لاني فاكها من الوكاله
اذا ولد عمك فاكه بنفسه ورجل رزين مو مهم الممشي بعده الجيب جديد

 

[مرحبا بقدوم خلي]

اخوي توكل على الله واخذه
الله يعطيك خيره ويكفيك شره

 

[ابو سالم1]

الساير مسوين عرض موديل 2010 الدرجة الاولى 8 سلندر بسعر 14800 تاخذة من الوكالة اصفار والعرض مدة اعتقد شهر لاطوف الفرصة

وهذا رقم وكالة الساير الى يحب يسفسر منهم 22240400

 

[nawaf7007]

الله يوفقك ياخوي

بس انا اقول السعر شوي غالي بنسبه حق ممشاه سعره بسوق من 11.800 اللي 12.00 الف

وانا رايي تاخذ واحد ماشي اقل او اخذ من الوكاله

 

[b.bader2010]

السعر فوق الممتاز بس الممشي حيل اخوي تبي راحتك روح اشترلك سيارة ماشي شي طبيعي ولا صدقني كل يوم راح توقف بالكراجات 100 مو طبيعي نصيحة لاتشتري واتعب علي السيارة الي مامشت شي

 

[كويتي11]

السلام عليكم
انا امس رايح الساير عندهم عرض على لاند 2010 gxr 8 شاشة ب 14800
سعر مو طبيعي

 

[مهم للغاية]

اللاندكروزر مثل الصقر ................. وحلاة الصقر ........فرخ وحش ...............خذ جديد وانحش عن المستعمل

 

[Winchester SX3]

اللاندكروزر مثل الصقر ................. وحلاة الصقر ........فرخ وحش ...............خذ جديد وانحش عن المستعمل

اللاند هذا مقرنس مرتين بالسنه !! بس علومه طيبه وسعره زين
وأهم شي راكد بالتكايه