مقدمي برنامج المؤشر منصور الكليب وعايد العنزي الى النيابه العامه

[ولد الديوانيه]

احالة مذيع برنامج المؤشر منصور الكليب الى النيابه العامه اليوم كما تم احالة زميله مراسل البرنامج عايد العنزي الى النيابه وذلك على خلفية حلقة تم استضافة وكيل مساهمي شركة ابراج القابضه بدر العجمي وهو من رفع قضيه عليهما -- جنح مرئي ومسموع

مصدر الخبر : وزارة الداخليه

ملاحظه : الحلقة موجوده بصفحة الاخ بحراوي بتاريخ 19 يوليو الماضي 2010​

 

[سرور]

المسامح كريم

 

[abubatoul]

هذي الحلقه توقف على اثرها عايد العنزي فتره..
ما اشوف له داعي القضايا لان الموضوع مو اكثر من اختلاف بوجهات النظر
الله يهيديه بدر العجمي ... وتنحل الامور بدون محاكم ..

 

[بوسالم]

ياريت بحراوي يحطها لنا الرابط الصحيح للحلقة

 

[راعي عقار]

الله يهديهم جميعا

 

[انوفستي]

نبي الرابط
ومنو مشتكي عليهم

 

[طنش تعش]

تفضلوا

http://www.indexsignal.com/forum/showpost.php?p=2996824&postcount=286

 

[همبه]

السلام عليكم ورحمة الله وبركاته

يبا شخباري تلفزيون الكويت يبا خلكم على الوطن ابرك من اللي بس قاعد يصايح وماستفدنا منه شي يبا خلوا عنكم عايد العنزي خلكم على الوطن على الهاجري والدليمي والوقيت والشريعان وبس على الاقل ناس يتكلمون من مصادر وناس فاهمه بالسوق ولا بدون صراخ

 

[ولد الديوانيه]

يبا شخباري تلفزيون الكويت يبا خلكم على الوطن ابرك من اللي بس قاعد يصايح وماستفدنا منه شي يبا خلوا عنكم عايد العنزي خلكم على الوطن على الهاجري والدليمي والوقيت والشريعان وبس على الاقل ناس يتكلمون من مصادر وناس فاهمه بالسوق ولا بدون صراخ

ضحكتني الصراحه -- الحين تقارن الثرى بالثريا -- برنامج المؤشر وبرنامج البورصه اليوم -- كلنا نعرف انه مافي وجه مقارنه بين البرنامجين
المؤشر برنامج قوي مصداقيه بالطرح حوارات جريئه مع الضيوف دايما يكشف الحقائق لا يجامل الضيوف وعندهم دايما رعايات كثيره من الشركات واولهم شركة زين وغير هذا سقف عالي بالطرح والدليل توقيف عايد اكثر من مره

اما برنامج البورصه اليوم بالوطن برنامج تقليدي ممل كله مجاملات بمجاملات ضعف اداء مقدميه ومافيه ولا دعايه او رعايه وهذا اكبر دليل انه برنامج فاشل وفوق هذا كله البرنامج يتبع سياسة ملاك القناة والدليل شوفوا ضيوف البرنامج اذا طلعوا بالوطن تلقاهم متحفظين وتقليديين اما اذا شفتهم طلعوا بتلفزيون الكويت برنامج المؤشر يتكلم بأريحيه ومصداقيه اكثر

والحكم بالاخير للمشاهد وهذا انا اللي شفته

 

[الهدف البعيد]

ضحكتني الصراحه -- الحين تقارن الثرى بالثريا -- برنامج المؤشر وبرنامج البورصه اليوم -- كلنا نعرف انه مافي وجه مقارنه بين البرنامجين
المؤشر برنامج قوي مصداقيه بالطرح حوارات جريئه مع الضيوف دايما يكشف الحقائق لا يجامل الضيوف وعندهم دايما رعايات كثيره من الشركات واولهم شركة زين وغير هذا سقف عالي بالطرح والدليل توقيف عايد اكثر من مره

اما برنامج البورصه اليوم بالوطن برنامج تقليدي ممل كله مجاملات بمجاملات ضعف اداء مقدميه ومافيه ولا دعايه او رعايه وهذا اكبر دليل انه برنامج فاشل وفوق هذا كله البرنامج يتبع سياسة ملاك القناة والدليل شوفوا ضيوف البرنامج اذا طلعوا بالوطن تلقاهم متحفظين وتقليديين اما اذا شفتهم طلعوا بتلفزيون الكويت برنامج المؤشر يتكلم بأريحيه ومصداقيه اكثر

والحكم بالاخير للمشاهد وهذا انا اللي شفته

فعلا كلامك صحيح 100%
المتابع للبرنامجين
يلاحظ الاختلاف الكبير بينهم
برنامج الوطن يبدا الساعة 12 الظهر
وهو وقت الهدف منة سحب المشاهدين من برنامج المؤشر
لكن عند بداية برنامج المؤشر
تجد الغالبية تتوجة مباشرة الي تلفزيون الكويت