اللي سافر ماليزيا ياريت يفيدني

[بوو عبدالرحمن]

السلام عليكم

شباب اللي سافر ماليزيا ينصح بقضاء عدد ايام اكثر في جزيرة لنكاوي او بينانغ

والله يجزاكم كل خير

 

[fahhad76]

بو عبدالرحمن صبحك الله بالخير,,

كل جزيره ثلاث الا اربع ايام كافيه.

لنكاوى جزيره هادئه جدا,, اما بينانغ ليست هادئه مثل لنكاوى,,


انت عاد شنو تحب زيد على كيفك.

 

[الـمـديـر]

عليك في بيننج ... تراها ممتازه


5 أيام حلوه


أما لنكاوي تضيق الخلق


وإذا صامل إنك تروح لها


روح للتلفريك .. حده روعه


و رحلة كهف الخفافيش


والجزيره الحامل ... حدها روعه ( جزيره داخلها بحيره )



والله يعينك على هدوء الليل ... لدرجة إنك تخاف ههههه



رحله سعيده

 

[بوو عبدالرحمن]

مشكورين والله يجزاكم خير

شكلي بغير من لنكاوي بروح سنغافوره 3 ليالي لان معاي عبدالرحمن ولنكاوي الكل يقول جزيره هادية ما تصلح معاك اطفال

بعدين اخوي المدير خرعني من هدوء لنكاوي ههههههه

الطيران الداخلي ما يكلف وسنغافوره يمدحونها

والله يسهل الامور ان شاء الله

 

[FreeTrader]

لنقاوي تنفع للمعاريس او الي يحبون الهدوء والطبيعه فيها روعه وتقدر عن طريقها تروح بوكيت (تايلاند ) عن طريق رحله بحريه اول النهار وترجع بالليل مثلا او تبات يوم حسب ذوقك

بينانق ما تحس انك بجزيره لانها كبيره وفيها اماكن كثيره ترفيهيه وراح تستانس اكثر لانه فيها حركه اكثر


سنقافوره حلوه بس غاليه شوي عن ماليزيا

كل هذا يعتمد على الي رايح معاه او انت رايح وتحب شنو لان في ناس تحب الهدوء والطبيعه وفي ناس تبي التسوق وفي ناس تحب الازعاج والحركه وكل مكان يتميز بشي غير عن الثاني