ما الفرق بين الحياة العزوبية والحياة الزوجية

[ابو الفضل]

ممكن احد الاعضاء يشرح الفرق

بين الحياة العزوبية والحياة الزوجية ؟؟؟

 

[qadsawi]

ابو الفضل شنو الي تبي توصل له توكل علي وتزوج بس حط اعلان في الاستراحة عشان نجي عرسك

 

[ابو الفضل]

اخي الكريم بس ابي احد الاعضاء يشرح لي الفرقه وجزاك الله خيرا

 

[acton]

الفرق ان العزوبي ملك نفسه والمتزوج ملك غيره وكل واحد حسب اختياره​

 

[away1979]

العزوبي حر

والمتزوج مسجون حتى اشعار آخر ​

 

[العاشق]

العزوبي لايعه جبده

والمتزوج هم لايعه جبده

الفرق سهل صح ​

 

[ابو الفضل]

اللهم لا عيش الا عيش الاخرة ........ حياة الدنيا لا فائدة

 

[العاشق]

اللهم لا عيش الا عيش الاخرة ........ حياة الدنيا لا فائدة

ايست هاااااه

اعمل لدنياك كأنك تعيش ابدا وعمل لاخرتك كأنك تموت غدا

اعرس واحسن الاختيار والباجي على الله سبحانه

وهذي سنة الحياه ​

 

[Maxima]

فرق السماء عن الارض
العزوبي نايم ببيتهم مرتاح لا مسؤوليه ولا شي
والمتزوج مسؤول عن اسرة وكل يوم طالعتله شغله
بإختصار العزوبي مرتاح
والمتزوج دايما مريض وتعبان

 

[Balloons Shop]

فرق السماء عن الارض
العزوبي نايم ببيتهم مرتاح لا مسؤوليه ولا شي
والمتزوج مسؤول عن اسرة وكل يوم طالعتله شغله
بإختصار العزوبي مرتاح
والمتزوج دايما مريض وتعبان

هذاك أول ، لكن الحين ما عليه مسؤولية ولا تلحقه ملامه
لأنه مشغول طوال الأسبوع بالدوام ويرد لبيته منهد حيله
وبالإجازة من حقه يستمتع مع ربعه شاليه أو بر
وفطرياً ما عنده سعة صدر للتدريس أو متابعة هموم الخدم والعيال
ولأن البيت الناجح ورائه إمرأة بإدارة ناجحة
فتخيروا لنطفتكم .

 

[بوالعيس بيك]

عيشة العزوبي تضيق الخلق لامره لاعيال حدك دوانيه وشوية ربع , والمستقبل خرمس

أما المتزوج عندك مره تحبها وتحبك وتداريك وتدير بالها عليك وتنتظرك اذا طلعت بره البيت وتأخرت
وعندك عيال تلعب وتستانس معاهم وتخطط لمستقبلهم وكثير وكثير

طبعا انا أتكلم عن الزواج الناجح , ماتشوفني قاعد أدور الرابعه

الزواج متعه ولذه واستقرار وراحه نفسيه , ولابد منه هذي سنة الحياه,

 

[سرور]

والله اذا الانسان اخذ بنت الحلال يكره العزوبية ولا يتمنى يرجع لها

اما اذا كان نصيبه في امرأة الله لا يوريك فحياة العزوبية ابرك وارحم

 

[الصامد.م]

الفرق الزواج يطلعلك شيب وزيادة مصاريف

 

[ابوعايض]

العزوبيه متعه في فتره محدده وبعدها تنقلب عكسيه

والزوجيه متعه وحب وجد ومسؤوليه وجهاد وعطاء وووووووووو الزوجيه مملكتك

اما ان تعيش بسلام وامان واما ان تخسرها او ان يكون عليك انقلاب ​

 

[al7bebe]

الفرق بين السماء والارض
الحياة الزوجية جنه الارض وجنه الاخره هي الافضل منها
الحياة الزوجية سعادة واستقرار ومسؤولية الرجال وتحفظ صحتك وسمعتك واسمك ودينك وذريتك
الحياة العزوبيه ( ضايع بمعنى الكلمة )

 

[Low Fat]

العزوبي حياته كسيفه

الزواج بعد توفيق الله بزوجه صالحه
تعيش وكأنك ملك على شعب مخلص لك.. ويناضل ويراعي كل جوانبك ,, ​

 

[ابو الفضل]

جزاكم الله خير