نواره1
إلغاء نهائي
السلام عليكم ورحمة الله و بركاته ..
موضوعي ..نبي نسحب مشرف الإستراحه .. ونصعده منصة الإستجواب .. تبي تقولون تو ما مداه يستلم مهامه الإداريه.. بقول لكم مو شغلي .. أبي أستجوب .. عضوه بمجلس الشعب و بكيفي ...
و مهمتك يا مشرفنا العزيز .. تجاوب علي محاورنا المطروحه .. وتنقل ما تجده مناسب للحكومه قصدي للإداره الموقره ...
بالبدايه ... لي كلمة قبل طرح المحاور ...
حقيقه أنا لي مآخذ سلبيه على سياسية الإدارة أكثر من ما أشيد بها .. و في بعض الأمور ( بعض ) ما ألومهم .. لأن بالتأكيد كل ما اتسعت دائرة الطرح و زادة كثافة الأعضاء .. كل ما زادت المسؤوليه و تعددت المشاكل ... و تشتت القرار الصائب ..
لكن كلمة حق تنقال بحقها .. إنها إتخذت خطوه جدا إيجابيه و نافعه .. من حيث تعين مشرفين بالتزكيه خاصين للإستراحه .. و إختيارهم من أفراد شعبها ..
خاصه إنه الفتره الأخيره .. أصبح هناك عزوف و إن كان نسبي و بسيط من رواد المنتدى ... وإتخاذها لهذه الخطوه من وجهة نظري ستساهم في إعادة تنشيط الاستراحه ..
خاصه أنه المشرف الجديد الأخ العزيز قلم من أبرز شخصيات الإستراحه .. أضف أنه من روادها المواصلين لها .. و صاحب روح مميزه و قريبه من الأعضاء .. و له آراءه و إنتقاداته ومداعباته .. فبتالي هو قريب جدا من أعضاء الاستراحه ... و بإذن الله بيكون قادر على استيعاب اطروحاتهم و نقل همومهم ....
و كذلك أخي الكريم بو علي .. له حضوره و تواجده المميز ....
فأحسبها خطوه ممتازه من الإداره ......
و الحين .. يا مشرفينا .. تفضوا على المنصه .. ومن غير صوت .. و يا ويله إللي إيلعلع و يصارخ قبل لا إنخلص حجينا .. و أسألتنا ..
السؤال الأول : ليش قفولتكم بس نوعين .. فضي و ذهبي .. ليش يعني ما في وردي أحمر أو أسود خصوصا الحين موضة الأسود ..
يعني لازم يكون في تنوع بالقفوله ..
السؤال الثاني : ليش ترفضون المواضيع الإعلاميه مع إنه المنتدى جهه إعلاميه .. بتقولون فتنه و طائفيه .. ماله علاقه ..
مثلا نقل خبر له تأثيره بالديره .. شنو المشكله لو ناقشناه أو مجرد طرح راي أو حتى كلمة وجبر خاطر ..
السؤال الثالث : ليش ترفضون مناقشة أي قانون مدني سواء كان تم تطبيقه أو على صدد التطبيق ..يعني كل الجهات الإعلاميه تناقش و تطرح و إنتو عندكم تحفظ ..
بصراحه فيه منتدى من غير ذكر أسماء حتى ما اسويله دعايه .. لما أدخله والله أحس كأني لفيت كل الوزاراة و كل جهات الدوله ..و كل أخبار الديره ألاقيها و أنا في غرفتي ... بإختصار عندكم تحفظ و مساحة ضيقه في الطرح...
بتقولون المنتدى إقتصادي .. أنا أتكلم عن قسم الاستراحه فقط .. اللي يفترض تكون ساحة متنوعه لحوارات من غير تجاوز الخطوط الطائفيه أو السياسيه أو الأخلاقيه الحمراء ..
السؤال الرابع : ليش إذا صار في موضوع نقاش حاد أو سوء تفاهم بين الأعضاء أو تعدي بالألفاظ يتم إغلاق الموضوع بأكمله .. و الأجدر انه يحذر الأعضاء المتجادلين أو تنحذف مشاركاتهم المسيئه ..
السؤال الخامس : ليش .. إذا موضوع تجاوز حدوده بالطرح أو حتى من وجهة نظركم إنه لا يصلح لطرح .. ليش اطيرونه من غير ما تذكرون السبب أو حتى تنبهون العضو صاحب الموضوع ......
و الحين بترك باقي الاستجوابات للأعضاء .. استجوبوا أفا عليكم .. حتى لو تبون تستجوبون كرشة قلم .. خذوا راحتكم .. القاعه قاعتكم ..و الأسئله أسئلتكم .. و الكمبيوتر كمبيوتركم
موضوعي ..نبي نسحب مشرف الإستراحه .. ونصعده منصة الإستجواب .. تبي تقولون تو ما مداه يستلم مهامه الإداريه.. بقول لكم مو شغلي .. أبي أستجوب .. عضوه بمجلس الشعب و بكيفي ...
و مهمتك يا مشرفنا العزيز .. تجاوب علي محاورنا المطروحه .. وتنقل ما تجده مناسب للحكومه قصدي للإداره الموقره ...
بالبدايه ... لي كلمة قبل طرح المحاور ...
حقيقه أنا لي مآخذ سلبيه على سياسية الإدارة أكثر من ما أشيد بها .. و في بعض الأمور ( بعض ) ما ألومهم .. لأن بالتأكيد كل ما اتسعت دائرة الطرح و زادة كثافة الأعضاء .. كل ما زادت المسؤوليه و تعددت المشاكل ... و تشتت القرار الصائب ..
لكن كلمة حق تنقال بحقها .. إنها إتخذت خطوه جدا إيجابيه و نافعه .. من حيث تعين مشرفين بالتزكيه خاصين للإستراحه .. و إختيارهم من أفراد شعبها ..
خاصه إنه الفتره الأخيره .. أصبح هناك عزوف و إن كان نسبي و بسيط من رواد المنتدى ... وإتخاذها لهذه الخطوه من وجهة نظري ستساهم في إعادة تنشيط الاستراحه ..
خاصه أنه المشرف الجديد الأخ العزيز قلم من أبرز شخصيات الإستراحه .. أضف أنه من روادها المواصلين لها .. و صاحب روح مميزه و قريبه من الأعضاء .. و له آراءه و إنتقاداته ومداعباته .. فبتالي هو قريب جدا من أعضاء الاستراحه ... و بإذن الله بيكون قادر على استيعاب اطروحاتهم و نقل همومهم ....
و كذلك أخي الكريم بو علي .. له حضوره و تواجده المميز ....
فأحسبها خطوه ممتازه من الإداره ......
و الحين .. يا مشرفينا .. تفضوا على المنصه .. ومن غير صوت .. و يا ويله إللي إيلعلع و يصارخ قبل لا إنخلص حجينا .. و أسألتنا ..
السؤال الأول : ليش قفولتكم بس نوعين .. فضي و ذهبي .. ليش يعني ما في وردي أحمر أو أسود خصوصا الحين موضة الأسود ..
يعني لازم يكون في تنوع بالقفوله ..
السؤال الثاني : ليش ترفضون المواضيع الإعلاميه مع إنه المنتدى جهه إعلاميه .. بتقولون فتنه و طائفيه .. ماله علاقه ..
مثلا نقل خبر له تأثيره بالديره .. شنو المشكله لو ناقشناه أو مجرد طرح راي أو حتى كلمة وجبر خاطر ..
السؤال الثالث : ليش ترفضون مناقشة أي قانون مدني سواء كان تم تطبيقه أو على صدد التطبيق ..يعني كل الجهات الإعلاميه تناقش و تطرح و إنتو عندكم تحفظ ..
بصراحه فيه منتدى من غير ذكر أسماء حتى ما اسويله دعايه .. لما أدخله والله أحس كأني لفيت كل الوزاراة و كل جهات الدوله ..و كل أخبار الديره ألاقيها و أنا في غرفتي ... بإختصار عندكم تحفظ و مساحة ضيقه في الطرح...
بتقولون المنتدى إقتصادي .. أنا أتكلم عن قسم الاستراحه فقط .. اللي يفترض تكون ساحة متنوعه لحوارات من غير تجاوز الخطوط الطائفيه أو السياسيه أو الأخلاقيه الحمراء ..
السؤال الرابع : ليش إذا صار في موضوع نقاش حاد أو سوء تفاهم بين الأعضاء أو تعدي بالألفاظ يتم إغلاق الموضوع بأكمله .. و الأجدر انه يحذر الأعضاء المتجادلين أو تنحذف مشاركاتهم المسيئه ..
السؤال الخامس : ليش .. إذا موضوع تجاوز حدوده بالطرح أو حتى من وجهة نظركم إنه لا يصلح لطرح .. ليش اطيرونه من غير ما تذكرون السبب أو حتى تنبهون العضو صاحب الموضوع ......
و الحين بترك باقي الاستجوابات للأعضاء .. استجوبوا أفا عليكم .. حتى لو تبون تستجوبون كرشة قلم .. خذوا راحتكم .. القاعه قاعتكم ..و الأسئله أسئلتكم .. و الكمبيوتر كمبيوتركم
وإن شاء الله مشرفينا الكرام مايزعلون مني 
