مملكة البحرين في اجازة العيدالاضحى

[vegas]

شباب ما عليكم امر بغيت شقق فندقيه في البحرين في عطلة العيد الاضحى بروح يومين انا مع اهلي وبغيت شقق فندقيه نظيفه ما فيها خرابيط ممكن الي يعرف يفيدني
وشكرا

 

[vegas]

ليش يا اخوان مافي رد ولا مالكم خلق تكتبون

 

[الفنار للعطلات]

فنادق وشقق اليت البحرين

أخي الكريم جرب فنادق وشقق اليت البحرين

http://www.elitegroup4u.com

عندهم مجموعة فنادق وشقق فندقية مميزة

أسعارهم في فترة العيد أبتداء من 41 دينار كويتي للشقة غرفة نوم وصالة ومطبخ مجهز

كل عام وانت بخير

 

[Business Man1]

اخوي عندك منطقة الجفير مليانة فنادق شقق فندقية
واذا نصيحتي ودهم فندق اسمة رويال سويت بمنطقة الجفير من بعد اشارة تقاطع المسجد الكبير كمل سيدة لين ماتوصل على مفترق طرق لف يسار وكمل سيدة وبعيدن يسار وبتشوف الفندق قبالك وممتاز وللعايلات واسعارهم حولة وشقة راقية

 

[AL-AMIR]

في شاليهات احلي يالغااالي تحصلهم على البحر

 

[سهمك اخضر]

عليك بشقق رامي 2 بالجفير

غرفتين كل غرفه فيها تلفزيون وحمام خاص

غير الصاله كبيره وايضا" فيها تلفزيون وغرفه طعام

وسعرها 40 دينار الشقه بالجفير توني راجع وساكنها

شغل عدل والله ومافيها خرابيط عائليه

وفيها ويرلس انترنت سريع جدا"

 

[soud_ss]

انصحك بشاليهات البندر احسن مكان بالبحرين

 

[الإيطالي]

انصحك بشاليهات البندر احسن مكان بالبحرين

لايا خوي شكلك من زمان مارحت شاليهات البندر او سامع عنها بس
الشاليهات قديمة واثاثها سكراب وكل الشاليهات مالها شاطئ ينزلك على البحر ماعدا واحد او 2
ثانيا البندر عبارة عن مرسى لليخوت يعني البحر قبال شاليهنا مليان وصاخه من اليخوت والبحر راكد ماكو موج يحرك الوصخ.
وفيه شاطئ طوله 50 متر كل الامة عليه وهم مو حلو

الزبده انحاش لاتروح البندر

وعندك شقق إليت اللي بالسيف حلوه وشقق فريسر ملاصقة لمجمع السيف راقية وهذا الرابط
http://www.booking.com/hotel/bh/fra....en.html?sid=51fdf14558d709663edb4622845e4c3c

وL Hotel قريب من السيف راقي وحلو
http://www.booking.com/hotel/bh/lho...558d709663edb4622845e4c3c#availability_target

وبالتوفيق

 

[kwaity1978]

عندك الليت و منطقه الي يم النادي بس ما اعرف اسمها اعتقد اليت 4

المنطقه اهيا تمشي من جسر البحرين سيده الى ان اييك النادي على ايدك اليسار تكمل ايضا سيدا تصير المنطقه على اليسار هذي فيها شقق فندقيه عائليه وزينه اذا كان عندك سياره تنفعلك