اذا ما نشترى فى النزول نشترى متى؟؟؟؟ظ

[عارف الحال]

نصيحه الى كل المستثمرين الذين عندهم سيوله
مراقبه السوق واختيار الفرصه المناسبه للدخول
مو لا صار السوق فوق ندشه ولا صار تحت نخاف الاوضاع زينه ومافىى شى يخوف

 

[شخص ما]

وقت الشراء مو الحين



في نظري اذا استقر السوق او اذا خفت حدة النزول


اللي داخل السوق لايبيع بخساره

واللي بره ينطر ليمه يستقر






الله يوفق الجميع

 

[Wise]

اشتر بصعود اللي يشتري بالنزول يعتبر مغامر لئن السهم لا صار معرض لنزول توقع انك اتخسر 20% من راس مالك ويمكن اكثر لكن اشتر بالصعود اتنام وانت مرتاح هذى وجهة نظري الشخصية .​

 

[حريص]

السلام عليكم
شباب ترى الوضع طبيعي والله كل الي قاعد يصير انه في ضغط على الاسهم من قبل المحافظ
واذا تبون نتكلم على الوضع العام اوكي
نقول على الوضع بالعراق الوزاره وتشكلت والاوضع احسن من قبل
نقول على اسعار النفظ ولله الحمد في ارتفاع وقاعد يصعد والكميه المعروضه اقل من المطلوبه
اذا نبي تكلم على الحكومة مالتنا الوضع طبيعي والوضع السياسي مستقر ولله الحمد
واذا بخصوص العقد مال المخازن اعتقد انه على الاسبوع الجاي راح يتم التوقيع عليه من قبل الرئيس الامريكي
يعني مافي شي يخووف ابد كل الموضوع اهو جني ارباح



هذي وجهة نظر شخصيه وقابله للنقاش او حتى الرفض
ودمتم

 

[بوحسن]

مثل ما يقولون الحين صار الوضع طبيعي ..بدينا نتعود على الخساره فاي ارتفاع للاسهم بيكون وضع غير طبيعي


عموما لاحد يدش ويشتري ..اشتر بالصعود اسلم لك مليون مره

وانطر قرب اعلان ارباح الربع الاول للمخازن

بس والله قلبي يقوووول كلش قريبه الصعده

بس هم لا تشتري الا بالصعود

 

[bu3teeg72]

آخر مسج... يقولك المخازن تفوز بعقد تخزين جثث المقابر الجماعية بالبورصة

شر البلية ما يضحك

 

[masxmas]

اذا تبي تشتري بالصعود موشرط تلحق على السهم الصاعد ممكن يتعلق او مافي احد يبيع اذا اعلنو عن العقد وشفناها مع الجناعات اول ماتوقع عقد المخازن وماتلحق على السهم الا بعد اسبوع او اكثر من صعوده

 

[كويتي]

اشتر بصعود

 

[الكندري بورصه]

عصفور بالايد ولا عشرة على الشجرة

والله نصيحتي انطر ليما تستقر الاوضاع وتوقف دوامة النزول اللي دوختنا معاها مو عارفين متى توقف ، حتى الواحد مو عارف يقرر لأن محد عارف شنو سبب النزول. الكل قاعد يتفرج بس مو عارف السبب .
والشي اللي فيه خير يقدمه ربك
ولا تستعيل على رزقك.

لما تضع الحرب اوزارها أفضل.

 

[عارف الحال]

والله نصيحتي انطر ليما تستقر الاوضاع وتوقف دوامة النزول اللي دوختنا معاها مو عارفين متى توقف ، حتى الواحد مو عارف يقرر لأن محد عارف شنو سبب النزول. الكل قاعد يتفرج بس مو عارف السبب .
والشي اللي فيه خير يقدمه ربك
ولا تستعيل على رزقك.

لما تضع الحرب اوزارها أفضل.

بس انا عارف
وعارف اسم الحوت
وعارف مين معاه
وهو زعلان ليش شركته ما خذت مناقصات من المخازن