مدينة جابر الاحمد -الله يرحمة- القرعه2-11-2010 نصيحتكم

[ال ثنيان]

اخوكم يطلب النصيح ادش القرعه او ااجل مع العلم اني من سكان هديه اذا في اخبار عن غرب هديه لاحد يبخل علينا وكم اسعار البدل وشكرا للجميع

 

[ابو أسامة]

اخوي لا تثق بأحد فرصتك الحين وإذا ما صار غرب هدية انت بتاكلها الشيخ احمد ما صرح ليلحين عن هالموضوع حرام تضيع فرصتك وإذا صج صار بدل ما تدري يمكن يطلعلك زاوية

 

[شاهين الشاهين]

توكل على الله
عصفور باليد ولا عشرا في الهواء
وإذا وزعوا غرب هدية فارضى بما قسم الله لك

 

[ال ثنيان]

الله يعطيكم العافيه على نصايحكم بس تخبرون اذا الانسان اقبل على شي مهم في حياته يتردد خصوصا لاني ماراح اسكن وادور القرب المنطقه العاشره

 

[راعي حلال]

السلام عليكم انا شخصيا من اهالي المنطقه العاشره

انصحك لله ان تستخير اهلك لا تقدم علي شي وحدك

شاور اهل الخبرة

واجعل القرار بينك وبين اهلك لان لهم الحق بمعرفة ما سوق تقدم عليه

والله الموفق

 

[أبوعلي1]

والله العظيم لو منك ادشش واتوكل علي الله شوف اخوي مدينة جابر روعه حتي وانت من سكان هدية مدينة جابر الكل يبيها يعني تقدر تتصرف بالارض اللي راح تاخذها وبعدين حسسب ماسمعت ان غرب هدية جاهزه لكن مايبون يوزعونها لين تروح مدينة صباح الاحمد بالكامل طبعا لبعدها الجغرافي لكن هالخبر من مصدر عادي مو مسئول

الخلاصة صل ركعتين استخارة وتوكل على الله وانا اخوووك وروح وعسي الله يرزقك بالموقع الطيب

 

[طارق55]

عصفور باليد خير من عشره علي الشجره

بعدين بيعها او بدلها بالمناطق الجديده ان وجدت

 

[حكومـــــه]

اخوكم يطلب النصيح ادش القرعه او ااجل مع العلم اني من سكان هديه اذا في اخبار عن غرب هديه لاحد يبخل علينا وكم اسعار البدل وشكرا للجميع

السلام عليكم
طلبي 4/92 من العمر وأنا أنطر غرب هدية لحين ظهور منطقة القيروان أي بتاريخ 5/10 صليت ركعتين وتوكلت على اللي ماتنام عينه ورزقني الله بموقع حلو ماخسرت شي إذا طلعت غرب هدية إنبدل لاكن الخوف من كلمة لاكن وين صباح لا والله من وجهة نظري مع العلم أنا من سكان المنطقة العاشرة
أبشرك المنطقة عليها دووس من أهلها أنا حاليا جتني عروض بدل لاكن أبي الزود....بالبدل والأسعار متفاوته جازلي سعر أبدل ماجازلي أبني وأبيع أو أسكن الأمور طيبه.
والخيره في ماختارها الله
الله يرزقنا ويرزقكم

 

[ابو حمد الغالي]

لي وين بتوصل جابر

 

[Q8ti]

وآنا مع راي أخوي حكومة لأني من سكان المنطقة العاشرة وكنت ناطر غرب هدية ليما زهقنا وملينا تصريحات ومصادر وآخرتها ولا شي ومثل ما قال أخوي طارق 55 عصفور في اليد خير من عشرة على الشجرة.
عموما آنا ولله الحمد خصصت في القيروان وطلعتلي قسيمة راس على 3 شوارع وجاتني عروض للبدل وايد بس بصراحة آنا بنتظر البدل الرسمي علشان كل واحد يضمن حقه والدنيا حياة وممات، وإذا جات غرب هدية إن ممكن نبدل أو أعتقد لي ذاك الوقت يمدي الواحد يبني ويبيع أو يبدل مع غرب هدية.
آنا أقول توكل على الله وخصص يا الغالي

 

[شيخة الكويت]

لا تنتظر شي مو مظمون وبعدين تحسف ومنطقة جابر كثير يتمنونها
وبكره بتشوف الفرج بس نصيحه صل الاستخاره وتوكل علي الله
وبتشوف الموقع اللي يفرحك
000000000000بالتوفيق

 

[ابو أسامة]

أخوي اخذ وبني انت المستفيد بالمستقبل تبيعه وتروح العاشرة

 

[ابو حمد الغالي]

واصل لي شهر 4 96

 

[الوسييم]

والله ياخوووي انت سيد الموقف وبعدين تعال ابي اقولك شغله

جابر الاحمد ماتنتطوف يكفي انهااا بالعاصمه

وانا والله معااك بالمنطقه العاشره وطلبي 95

بس ناااطر اقرب مشروع

والله ولي التوفيق

 

[بدون مجامله]

اخذ ولاتشاور احد انت الربحان وانت الان في مصدر قوه وكل الخيارات متاحه لك ومن صالحك اما غرب هديه تعتبر وهم وعلمها عند الله خلك بالمضمون جابر مرغوبه ان بغيت تبني وتبيع وبعدها تشتري بالمنطقه العاشره او تبدل فيها وفرضنا بعد ماتاخذ بجابر طلعت غرب هديه راح تلقى من يبدلك صدقني وقد يعطونك هبشة فلوس ياخوي اعقلها توكل نبي لك الخير

 

[ال ثنيان]

شكرا للجميع على نصايحكم والشي هذا يدل على طيبة اهل الكويت وانا راح اجل حق الدفعه الاخير وهي مرغوبه والله يفرجها وشكورين

 

[مو طبيعي]

يبا اخذ ولا تشاور لا تقول الدفعة الاخيرة او الي قبلها ممكن ما تحصل يكون عليها ضرب او ما شابة او تطلع عادية و ما فيها فرق عن الحالية ونت و كيفك و وجهة نظرك و الي كاتبة الله راح يصير لا تحاتي شيئ

 

[L.yan]

شكرا للجميع على نصايحكم والشي هذا يدل على طيبة اهل الكويت وانا راح اجل حق الدفعه الاخير وهي مرغوبه والله يفرجها وشكورين

إذا كنت ناوي تأخذ بجابر الأحمد وكان تقديمك في النصف الأول من 94 فنصيحتي لك إنتظر للدفعة قبل الأخيرة كي تضمن إنها تحوشك لأن الدفعة الأخيرة أتوقع كثيرين الي مؤجلين لحدها ويمكن يكونون قبلك وتروح عليك يعني فيها مخاطرة أما عن نفسي أنا تقديمي 3/95وناوي أخاطر وأنتظر أي مشروع قريب للعاشرة لأني ما أرتاح ألافيها وماأقدر أبعد عنها حتى لو أسكن بالإيجار طول عمري .