واحد سلفته وواحد نصب علي بمشروع وهمي شنو الحل ؟؟

[ابو مرمر]

مرحبا شباب

اولا ً : من بعد اللي صارلي حلفت ما اسلف واحد فلس واحد لو اخوي

وما ادش مشروع لو يكسب ذهب ؟


واحد وياي بالدوام صارتله مشاكل ماديه وسلفته مبلغ بس اودعته له بحسابه وعندي ورقة الايداع وماعندي غيرها وقام يماطل وتبين انه مسويها اكثر من مره مع كذا واحد بس سكتوا عنه لان المبلغ تافه انا سلفته 3000 دينار شسوي وعندي شاهد ؟


والثاني دشيت وياه بمشروع واخرتها طلع مشروع وهمي ولا في اشي وهم نفس الشي عندي ورقة الايداع وعندي شهود ؟


ادري طحت بشلة نصابين

لكن ابي رايكم تكفون بسرعه ؟

 

[rahaly]

الاول ممكن ترفع عليه دعوى استرداد المبلغ على اساس انه قرض حسن

الثاني ممكن تلجأ للمحكمة المدنية وتطالب بالمبلغ - واذا كان نصب واحتيال - متكاملة الاركان ممكن تقدم شكوى في المخفر

والله اعلم

 

[ابو مرمر]

تسلم يا مستشارنا بارك الله فيك

طيب شنو ممكن اسوء احتمال يصير للقضيتين

 

[عبدالمحسن-2]

الاول ممكن ترفع عليه دعوى استرداد المبلغ على اساس انه قرض حسن

الثاني ممكن تلجأ للمحكمة المدنية وتطالب بالمبلغ - واذا كان نصب واحتيال - متكاملة الاركان ممكن تقدم شكوى في المخفر

والله اعلم

اخوى مستشار قانونى شنو تقصد نصب متكامل الاركان-- بعدين انا واحد نصب على يشتغل فى شركة تداول عملة ووعدنى برباح قوية بس مع الاسف طير فلوسى كلهم خلال شهرين -- افيدنا جزاك اللة خير

 

[rahaly]

تسلم يا مستشارنا بارك الله فيك

طيب شنو ممكن اسوء احتمال يصير للقضيتين

حبيبي الحين انت خسران فلوسك
ما في احتمال اسوء من اللي انت فيه
الاسوء - ان فلوسك تروح عليك رسمي
والاحتمال الافضل - انك تستطيع اثبات المطالبة ويحكمون لك بحقك

توكل على الله وابدأ بمطالبتك

والله اعلم

 

[rahaly]

اخوى مستشار قانونى شنو تقصد نصب متكامل الاركان-- بعدين انا واحد نصب على يشتغل فى شركة تداول عملة ووعدنى برباح قوية بس مع الاسف طير فلوسى كلهم خلال شهرين -- افيدنا جزاك اللة خير

عزيزي الجريمه دائما لها ركنين - ركن مادي ومعنوي

عشان ما ادوخك بكلام قانوني جاف .. ممل

مشكلتك ان تثبت انه قصد الاستيلاء على اموالك او تحقيق مصالح (العمولات هنا) بان اوهمك بالربح ... الخ

وبحسب خبرتي في مثل هذه القضايا ... يكون الشخص متخذ احتياطاته ..
واما انه امضاك على عقد تقر فيه عن مسئوليتك وعلمك بالمخاطر
او انه لم يظهر في المعاملات وانت الذي قمت بها

ويصعب اثبات الاحتيال في مثل هذه الحالات
وبخاصة انها تداولات ومضاربات لصالحك وسوف يدعي انه لم يستولي على مالك انما كان وسيطا فقط

والله اعلم

 

[ابو مرمر]

حبيبي الحين انت خسران فلوسك
ما في احتمال اسوء من اللي انت فيه
الاسوء - ان فلوسك تروح عليك رسمي
والاحتمال الافضل - انك تستطيع اثبات المطالبة ويحكمون لك بحقك

توكل على الله وابدأ بمطالبتك

والله اعلم

اي والله الله يجزاك خير صج انا كاني فريق ما عنده شي يخسره وداش هجوووم