ابي افضل فندق بالندن

[القراشي]

ابي فندق ممتاز ومجربينه وقريب من الاسواق

 

[q8q822]

انا انصحك بشقة اريح واشرح

الفنادق الغرف اكثرهم صغار ومافي تلفزيون عربي

 

[FIBONATCCI]

فنادقهم مو زينه
انصحك بشقق ارخص واحسن واوسع

 

[القراشي]

وشلون احجز شقه فيدوني

 

[q8q822]

بالاول قولي جم شخص وياك اذا بروحك اخليك تروح بالقطار واذا 2 او اكثر التكاسي

اذا تبي اعطيك رقم واحد تتصل عليه انا كنت مستاجر منة شقة حلوة تطلع من محطة القطار تروح مشي للشقة وتبعد اجورود 5 دقايق مشي

 

[كويتي محب]

اذا تبي فندق فافضل شي اشوف كامبرلاند ..
صحيح الغرف صغيره لكن نظيف ومكانه قريييييييب من كل شي ! يعتبره بداية الاكسفورد ستريت وهم الاجور رود من زواية اخرى ..

 

[ابو عيسى]

وشلون احجز شقه فيدوني

دزلي رساله عالخاص وقولي متى بتجي انا متواجد في لندن

بفيدك قدر ما اقدر يابن العم

 

[تويجر]

اذا تبي شقه حاضرين

دزلي رسالة خاصه

 

[القراشي]

دزلي رساله عالخاص وقولي متى بتجي انا متواجد في لندن

بفيدك قدر ما اقدر يابن العم

ماقصرت طالع عمرك

بس حجزت فندق ثستل ماربل ارش شرايك فيه

 

[ابو عيسى]

ماقصرت طالع عمرك

بس حجزت فندق ثستل ماربل ارش شرايك فيه

زين موقعه حلو وهالفندق 4 نجوم بس ممتاز زين ما اخترت

 

[القراشي]

ماقصرت يا بو عيسي ابي استفسر عن خط التلفون شنو شركات وشنو افضلهم

 

[TaShOo]

ثيسيل ماربل آرش وكمبرلاند اقوى اثنين خصوصا كمبرلاند الجزء الحديث
الموقع ولا اروع واثنينهم بظهر بعض تقريبا

 

[kwaity1978]

كمبر لاند لكن اذا مرتاحه ميزانيتك اذا مو مرتاحه اخذ بالهولي دي ان ليله و بعدها انزل روح شارع العرب جدام الهايد بارك تلاقي شقق اهناك وفي موتيلات اذا كنتوا شباب تصلح لكم اذا مو شباب والميزانيه على قدك يصلح لكم هوليدي ان يمهم المترو ويمهم ريجنت بارك وتمشي مشي لريجنت رود 5 دقايق والريجنت بارك يمك بعد ومتحف الشمع وسوهو جريبه تاخذلك 10 دقايق طبعا شغلك اهناك كله الباصات اذا اذكر رقم الباص 102 خخخخ


كمبرلاند = ميزانيتك حلوه
هوليدي ان ((ريجنت بارك)) = ميزانيتك وسط ومايعرفونه ربعنا خخخخ طبعا بيطحون فيه الحين انا فتنت

شقق مو تيلات = ميزانيك على قدك و شباب الليله 15-25 اعتقد

شقق عائليه بنفس المنطقه جدام الهايد بارك = من 35 واصعد حسب النظافه
او جدام ريجنت بارك تروح لها بالباص

بعدين اثناء الليلتين دورلك شقه او موتيل


النصيحه :- اجر تكسي ياخذك من المطار 25 دينار بعدين روح فندقك حاجزه من الكويت ليله او ثنتين

النصيحه الثانيه :- اخذ اشتراك الباصات والمترو تلاقيه بالمطار او بمحطات المترو تقريبا 25 دينار للاسبوع

النصيحه 3 : اذا بتروح اماكن سياحيه اشتر بطاقه السواح والخصومات تنفعك تخطرك الدور و ارخصلك

احلى الاماكن
1- مدام تروسو متحف الشمع
2- متحف الرعب
3- لندن اي (( قليلبتهم الكبيره ))
4- الاكواريوم
قصر الملكه اعتقد يوم الاحد اصطفاف الحرس الملكي

5- هايد بارك = حق الضحك ودربالك تتهاوش مع احد
واذا لقيت المصري الي لسانه طويل اضحك عليه و قوله تحب حسني مبارك ؟

6- ريجنت بارك = اخيه على الرومانسيه واشتري ايس كريم من اهناك واتمشى يم البجع ودربالك يعظك وفي مسجد يم الحديقه

7- دوار البكادلي و كل دورا بمنطقة لندن العربيه خخخ
8- دير بالك من منطقنه سوهو فيها حراميه و عصابات ويمكن ياكلونك خخخخ ماتنفع للعائلات و انا ما احبها وما انصح احد يروحها

اي استفسار انا حاضر 99956662 لاي احد من المنتدى حاضرين اخوكم بو يوسف

 

[القراشي]

ماقصرت بويوسف أنا حاليا بالندن وكل شي أوكي الحمدالله