اخيرااااا نزول gxr 2011

[ما شاء الله]

السلام عليكم
نزل الجي اكس ار 2011 في الساير
والاستلام بعد سبوع
السعر 16000 الف دينار
التغيرات
1- الجناح عرضوه
2- سله
3 - كشن السايق متحرك


مسوين عرض حاليا عليه
1- تغيم حرارى مجانا
2- سيرفس مجناى حتي 50 الف ( من غير البريك )
3- رشه حمايه من الامام

تونى مكلم الموضف المسؤول على الاندكروزر وعطانى هل معلومات

 

[bu_sara]

أي درجة

8 سلندر ولا 6

شاشة ولا بدون

ونش ولا بدون

وتقبل مروري

 

[ما شاء الله]

أي درجة

8 سلندر ولا 6

شاشة ولا بدون

ونش ولا بدون

وتقبل مروري

8 سلندر
بدون شاشه
بدون اخشاب
بدون ونش

 

[NaSoR]

16000 بدون شاشه وبدون اخشاب وبدون ونش
والله الساير زالق العالم زلق

 

[khaled6]

والله مشكله الاند كروزر وصل 16 الف الله يكفينا شره

 

[ابوساره009]

والله الرجاااال الصاحى ما أخذ من الساير

فى السعوديه عند عبدالطيف جميل كامل المواصفات

شاشه \ ونش \ دفيدى \ سنسر \ اخشاب \\ السكان أخشاب \ كشنات متحركه كهربائيا

كل هذا والسعر 14690 دينار كويتى

وخل الساير يستررررررررررررررريح

 

[كويتي 777]

والله حـــــرام ... ايي شيي 16 الف لوو vxr ممكن

 

[مسـتـثـمـر]

والله الرجاااال الصاحى ما أخذ من الساير

فى السعوديه عند عبدالطيف جميل كامل المواصفات

شاشه \ ونش \ دفيدى \ سنسر \ اخشاب \\ السكان أخشاب \ كشنات متحركه كهربائيا

كل هذا والسعر 14690 دينار كويتى

وخل الساير يستررررررررررررررريح

اي موديل ؟

الله يسلمك يابوسارة

 

[بو البندري]

السعودية 14 الف الامارات 13700 قطر 13500 اشفك خلالم الساير يستريح \وين الكاش وينه

 

[amer alamer]

والله الساير ودك تسوي عليه اضراب 16الف علي داخليه سودا تجيب الهم والكابه

 

[Se7T]

رزق النصاب على الخبول

 

[ابو رجا]

لو يوصل 30 الف يشترونه

خلوها تصدي والله يبيعهم 12000 الف

بس وين التفاعل

 

[بومحمـد]

تاهو 2007 ال تي زد
شكله أحلى من اللاندكروزر
قطعه متوفره
يكد و مال كرف
شاشة ملاحه + دي في دي + جلد + فتحة + دبه هايدروليك + رنقات 20" + تشغيل عن بعد + + + + + .....

كله أقل من 7500 دينار

يعني أقل من 1\2 نص سعر لاندكروزر

أنا أقول خلوه يستريح
تاهو أحسن حيل

 

[ابوفهد الدوسري]

والله الرجاااال الصاحى ما أخذ من الساير

فى السعوديه عند عبدالطيف جميل كامل المواصفات

شاشه \ ونش \ دفيدى \ سنسر \ اخشاب \\ السكان أخشاب \ كشنات متحركه كهربائيا

كل هذا والسعر 14690 دينار كويتى

وخل الساير يستررررررررررررررريح

مشكور اخوي ابو سارة
انا جيتهم نفس كلامك 2011
خل الساير يستريح
قاص عليهم عرض تضليل حراري
وين قاعد

 

[ربيع الصمان]

مشكلة الناس بالكويت ماتقتنع الا بسيارات الوكاله حتى لوكان وكالة الخليج نفس الطقس والتصنيع والاحسن المواصفات الخليجي اكثر
وعلشان جذيه الوكيل يلعب بهذي الطريقه

 

[ابوساره009]

اي موديل ؟

الله يسلمك يابوسارة

موديل 2011 الى فى وكالة السعوديه

 

[فهد الفهود]

صج انه اللاند كروزر من أحسن المواتر
بس بصراحه سعره مو فيه
وسمعته أكبر منه
نعم اللاند كروزر أحسن من الباترول واحسن من الباجيرو واحسن حتى من الجمس لكن بصراحة فارق السعر مع المواتر هذي ما يسوى ابد

سعر اللاند دبل الثانيين مع انه الكفائة مو دبلهم الكفائة اكثر ب 20% إذا مو أقل

 

[ريح الشرق]

في السعوديه 2011 فل تعرفون شنو يعني فل 8 سلندر والصرف نازل الحين على 14370 دك والعالي زنون يعني العالي بس بروحه يسوا الف ميزه سعر العالي بس شمعة مع محول في الساير 750 دينار بعد الخصم وفي عبداللطيف 8000 ريال ,,, يعني موفر على نفسك بشياء كثيره

بعدين ادفع 16000 الف كويتي في سياره حتى كسرت خشب صغيره مافيها !!!!!! شهل بخل شهل توفير

صراحه الساير ما يستحي خلوه يولي لا تستعجلون عليه والله راح ينزل الاسعار قبل امس سعره 15925 دك اليوم الظهر 16100 دك زاد سعره ميتين والله عيب والله حرام الي يسويه في الكويتين الله لا يوفق الي يتحكم بالاسعار

 

[B-A-1983-A-B]

ههههههه الله يعطيكم العافية شباب والله متابعين بقوة لاسعار السيارات داخل وخارج الكويت خصوصا اللاند !!!
الاخوان ذاكرين السعر قبل يومين واليوم بعد الظاهر كل يوم يدقون على الساير !!
الله يرزقني شركة مثل الساير وزباين مثل ربعنا يدفعون فلوس بدون مايحسبون شي من ورى الشركات !!
شي مستغرب منه اذا اشتريت سيارة وربحت عليها من شراي 100 دينار يزعل ويطنقر ويوقوم يدعي علي جني بايق حلاله !! واذا الوكالة انصبت عليه بفرق 4 الاف دينار مايهمه يعني قاصين علية بالكفالة !!
اقص ايدي اذا خترب شي بالسيارة تصلحة الوكالة على حسابهم غير المكينة والجير اذا ماقالك بعد سوء استخدام !!
الله المستعان وعسى الله يوفقنا للخير جميعا ,,, ويفكني من تجارة السيارات الي ماوراها غير عوار الراس والاذية

 

[بومحمـد]

انا اذكر كان عندي برادو موديل 2006

خرب تكييفه 4 مرات
أول ثلاث مرات صلحوه على الكفاله
و رابع مره كانت الكفاله خالصه و تصليحه طلع غالي

بس لما دفعت صلحوه و من بعدها صار مضبوط


مافي شي أسمه كفاله
لا يقصون عليكم
بكفالتهم يلعبون فيك لعب و يضحكون عليك هنود الساير رايح راد عليهم كل مره أأجر فيها سياره على ما يصلحون سيارتي كم يوم عندهم بالكراج و أدفع 30 و 40 لمدة كم يوم ايجار , و لا يصلحون لك الا لما تدفع حق التصليح