نصيحة للجميع

[xTrader]

والله اني لكم ناصح

لحد يشتري طلب الى اذا يتحول رسمي انا انصب على من واحد لعين وعندي عليه كمبيالة وينقط الفلوس على تنقط ترى المحاكم توجع الراس لا تحسبونها سهلة

خلك على القانون ترتاح وبعد عن الطلايب الموضوع مافيه لعب والمكاتب همها الربح ان شاء الله تحترق انت والي مبدله يلهطون منك المعلم ومع السلامه وعلى قولة المصري يفرشون لك الارض طحين

 

[بومحمـد]

صحيح كلامك اخوي
انا لقيت طلب 92 يبيه ب 25 الف و المكتب يقول نحاول فيه ب 20 الف

على طول شكيت انه بايعه على 10 قبلي


صحيح كلامك لا تبدل طلب بطلب الا رسمي

 

[متوازن]

حالات فردية ربما وقع البعض فيها من النصب ... ولكن لايزال هناك شرفاء تربطهم الكلمه والصدق اولا

وانا معك طبعا في توخي الحذر من البعض ... ولكن تيقى حالات قله .. في مثل هذه الامور

والمكتب ليس له علاقه .. اكثر من الذي لديه طلب البيع .. لان المكتب يقبض 1000 دينار

ويسجل عقد وتوثيق محامي ... فقط ... اما الباقي فهو على العميل .. الذي يجد نفسه محاط

بسيل من الديون

شكرا

 

[بو ريما الكويتي]

المشكله ان كثيرين لايعرفون قانون البدل والتنازل في الاسكان لهذا يصبحون ضحية لغيرهم .. اتمنى من الجميع الاستفاده من موضوعي الي طرحته في المنتدى وهو أسئله مهم عن الطلب والتخصيص

http://www.indexsignal.com/forum/showthread.php?t=263439.

 

[Q8ti]

كلامك عين العقل يا الغالي لازم الواحد ما يبدل إلا لما يكون البدل الرسمي مسموح وآنا بعد واحد من الناس اللي إنصب علي من واحد الله لا يسامحه وللحين بيني وبينه المحاكم أكثر من سنة ونص

آنا حاليا عارض قسيمتي للبدل بس أكيد لازم أضمن حقي وحق الريال اللي راح أبدل معاه فما راح أبدل إلا لما تسمح الأسكان بالبدل الرسمي.

والله يوفق الجميع....