اذا انت سعيد؟

[زهره]

وين مكانك اللي احسسك انك لما تكون فيه سعيد؟ اذا انت سعيد؟

 

[ورد و هيل]

انا سعيدة والحمدلله
الاماكن اللي احس فيه بالسعادة وايدة
لما اروح الشاليه وحواليني حبايبي و يمي البحر احساسي بالسعادة عجيب
لما اسافر و اطلع برة الديرة و اشوف اماكن يديدة اكون سعيدة وايد
لما اسمع صوت احبابي وين ما اكون انا سعيدة

 

[يوسف_007]

أحب الحياة ، أحب السهر ..... وأهوى الليالي ، وأهوى القمر



وأحيا بظلّ شراع الأمل ..... وأنسى الجراح .. و سود الصور



يطل ّ الصباح فيسعدني ..... ويأتي المساء فيحلو السّمر



وأعشق ليل الخريف الكئيب ..... وتسعدني رشرشات المطر



ربيع وأجمل به من ربيع ..... وفي ليل صيفٍ يطيب السهر



أعيش وكلي رضاً بالقضا ..... وأصبر عن خافيات القدر​

 

[abo Rana]

هذا لغز

 

[بو هباش الكويتي]

اكون سعيد لمى اروح بتايا

 

[العاشق]

هذا لغز

اي ​

 

[بو شيشه]

ما يبيله اكيد القهوه

 

[Low Fat]

بالنسبه لي لما أكون بالـبـر

قمة السعاده لا ضياء ولا ضوضاء المدن ,,​

 

[MOHAMMED11]

خلوني اتفلسف شوي




انا اقول السعاده مكانها قلب وروح الانسان واهو ينقلها وين مايبي
امّا اذا كان غير سعيد او متضايق في روحه وقلبه . راح يبقى متضايق . لكن هناك اشياء او اماكن او اشخاص ربما تحجبها قليلا ولكن لاتزيلها كليا .. حتى يزول سبب الضيقة او الألم الأساسي ..

 

[kinzaan]

السعادة عندي حين أقوم الليل في ورد من القرآن
السعادة لدي حين أسعى في خدمة غيري لله وفي الله
السعادة بمفهومها حين أعفو عمن ظلمني من كل قلبي
وأرجو مغفرة ربي لي
سعادتي حين أهتم لنفسي فلا أبخل عليها مادياً أو روحياً

أنا فعلا سعيد لأنني متيقن من فهم حديث النبي صلى الله عليه وسلم
( عجباً لأمر المؤمن إن أصابته ضراء شكر ، وإن أصابته سرّاء شكر )

 

[النايفه]

خلوني اتفلسف شوي




انا اقول السعاده مكانها قلب وروح الانسان واهو ينقلها وين مايبي
امّا اذا كان غير سعيد او متضايق في روحه وقلبه . راح يبقى متضايق . لكن هناك اشياء او اماكن او اشخاص ربما تحجبها قليلا ولكن لاتزيلها كليا .. حتى يزول سبب الضيقة او الألم الأساسي ..

لالالالالالا فظ فوك ولا قلمك..
أحسنت وأنا كنت سأكتب ما كتبت لكنني أكتفي بردك.

 

[سرور]

يازهرة انا قلت لك في السابق انك تدرسين علم النفس .. وتطبقينه علينا قلتي لأ

الحين تأكدت

 

[زهره]

يازهرة انا قلت لك في السابق انك تدرسين علم النفس .. وتطبقينه علينا قلتي لأ

الحين تأكدت

لا والله دارسه شي ثاني0 اسال هالاسئله لانه اللي اعرفوني اقولون انتي حاله خاصه انتي عكس الناس0 فبشوف صج انا عكس الناس؟ ماكو احد نفسي؟

 

[سرور]

لا والله دارسه شي ثاني0 اسال هالاسئله لانه اللي اعرفوني اقولون انتي حاله خاصه انتي عكس الناس0 فبشوف صج انا عكس الناس؟ ماكو احد نفسي؟

اكيد دراستك فيها مساند علم النفس

 

[زهره]

اكيد دراستك فيها مساند علم النفس

ابدا0 دراستي بصوب وهذا بصوب هذي مو دراسه هذي طبيعتي

 

[acton]

صج حللتي اشتراكج بالمنتدى
انا سعيد اذاكنت مع امي نسولف ونضحك وتعلمني اخبار الناس
سعيد اذا غصت بالبحر وحوالي السمج وياكل من ايدي
سعيد اذا فاز تشيلسي بالدوري وابطال اوربا
سعيد اذا البورصه ارتفعت فوق 15000 نوقطه
سعيد اذا موجود في اكتن
بس تعبت تدرين اشلون اخر سعاده اذا شفتكم مستانسين​

 

[زهره]

صج حللتي اشتراكج بالمنتدى
انا سعيد اذاكنت مع امي نسولف ونضحك وتعلمني اخبار الناس
سعيد اذا غصت بالبحر وحوالي السمج وياكل من ايدي
سعيد اذا فاز تشيلسي بالدوري وابطال اوربا
سعيد اذا البورصه ارتفعت فوق 15000 نوقطه
سعيد اذا موجود في اكتن
بس تعبت تدرين اشلون اخر سعاده اذا شفتكم مستانسين​

الله يديم السعاده عليك0 احسك صج سعيد وفيك شفافيه

 

[قلم حر]

لما اقعد بروحي اصير سعيد

ابتلشنا بالناس صاروا بس يتذمرون وسوالفهم بس هم بهم

وين ايام قبل لما الواحد يروح الديوانيه بس يضحك من السوالف

الحين تذمر وتلعن وهواش الكل صار سياسي اقتصادي اجتماعي

جيولوجي قائد عسكري وبكل شئ محنك

وهو مو قادر يدير بيته والدين ماكل حتى رموشه !!!​

 

[ليث متواضع]

أكون سعيد لما آخذ لابتوبي لما أجي من الدوام وأقعد أكتب في المؤشر نت وأكون بعد سعيد لما أتمشى العصاري في مجمعات الجليب وهم بعد سعيد لما أطلب جباتي في الويك إند وأقعد مع زوجتي نأكل ونشرب الجاي حليب وأكون سعيد لما أدش دوامي وأروح وأصبح بالخير على الموظفه اللي يم قسمي وسعيد لما أشرب جاي على الفحم في قهاوي المباركيه ولما أرتب ديباج كرفاجتنا هم أكون سعيد ولما أجي من برا وأدش البيت وأصعد شقتي ولما أشوف زوجتي وأقول هلا تغمرني السعاده ولما أشوف البنغالي اللي يخم صوب بيتنا وأعطيه المقسوم تجيني سعاده بعد ولما أحاسب عند المصري بالجمعيه وأعطيه نكته مصريه مثلا أقوله في صعيدي كذا وكذا وأشوفه يضحك من قلب السعاده تدخل قلبي وهم سعيد لما أكون ماشي على الدائري الخامش وأدق هرن للدوريه اللي صافطه على الطريق وأشوف راعي الدوريه أبو خيط يرفع أيده يرد السلام يخليني أحس بالأمن والأمان والسعاده أيضا كما أحس أني سعيد لما أطلع من بيتنا وأبوي وأمي راضين علي طبعا عندي أمور هم كثيره تجلب السعاده بالنسبه لي لكن ما بي أطول عليكم