مخالفه مروريه وأبي استشارتكم لو سمحتووا

[بو حسن22]

السلام عليكم ورحمة الله وبركاته

اخواني الموضوع ؤمافيه هو عباره عن مخالفه مروريه

أنا كنت أمشي بشارع الخليج وكانت أمامي اشاره ولما طفتها كانت صفرا شافني راعي دوريه قالي انت قطعت الاشاره وسحب الليسن وسألني عن أقولي قلت غير مخالف ممكن أعرف شنو وظعي القانوني حيث اني ما قطعت الاشاره وانسحب الليسن ظلم وفوق هذا أكثر من شخص كان معاي اثناء مروري عند الاشاره خلاهم وصفطني إتمنئ تسمعونا استشارتكم القانونيه وفي انتظار ردودكم وشكرا

 

[مراويس]

عادي روح طلع الليسن كلم الضابط ومني مناك واخذه واخذ الليسن وبعدين ادفع المخالفه 50 دينار يمكن لا تحاتي او ادفعها بعد سنه ولا سنتين لمن اجدد الدفتر طاف

 

[المغامر_1986]

اخوي نصيحه لك رجل المرور مصدق من الدوله ما لم يثبت عكس ذلك يعني لو انت وعندك شاهدين تثبت كلامك ممكن يصدقونك عليه غير جذيه هو اللي مصدق

وبما انه الموضوع تافهه 50 دينار ادفعها وخذ ليسنك وتوكل الله وجنه ما صار شي او جنك طفتها حمرا ما لك الا جذيه


وتحياتي لك

 

[بو حسن22]

يعطيكم العافيه وماقصرتوا بس إلى أبي أعرفه من وين اطلع الليسن هو قالي خذه من الجابريه يبش وين بالضبط وعند منو ؟

 

[M7ROOS]

اخوي كل مرور وله قسم بالمسحوبات اسئل بمرور الجابريه بالادارة والله يعينك

 

[أبو عبد الرحمن]

أخوي ليسنك تاخذه من مرور الجابرية

إنت تقول لما طفتها كانت صفرا وهذا يعتبر خطأ منك المفروض إنك تقف وكلام الشرطي أقرب للصواب مادمت إنك ذكرت إنها كانت صفرا

عموما لاتطولها واهي قصيرة روح كلم المسئول يحولها أمر صلح وادفعها وتوكل على الله هذي إشارة مو لعب إذا طولت مادفعتها يحولونها محكمة وغالب القضاة يأيدون الحكم نفس قيمة المخالفة بس فيه بعض القضاة ما يغشمرون

فيه مرة ضابط نقيب طاف الإشارة وصارت عليه مخالفة غير مباشرة والحبيب مايدري إنه عليه مخالفة وتحولت من المرور للمحكمة أظن ٥٠ دينار والحبيب بما إنه ضابط كلم ربعه وقالوله عارض على الحكم واحنا نكلم القاضي يخففه أو يشيله أو على الأقل يأيده وتنتهي السالفة ما أطول عليكم كلموا القاضي وقالوله طال عمرك هذا صاحبنا ضابط في الشرطة ونبيك تساعده وتشيل عنه هالمخالفة ..... زعل القاضي واستنفر وقال ضابط بالشرطة ويطوف الإشارة وحكم عليه سجن اسبوع ... كلموا القاضي منيه مناك قال مافيه مجال ولاتخلوني أزيد عليه إذا ضابط يسوي جذي اشلون المواطن العادي

هذي القصة رواها لي صديق يعمل بتنفيذ أحكام المرور قبل ١٠ سنوات تقريبا

 

[Jahra]

اذا كلش كلش ونزلت المخالفة 50 د.ك بالكمبيوتر روح لمرور العاصمة واخذ برنت عن المخالفة تلقا قسم اسمه قسم تحقيق المخالفات عطهم البرنت حق المخالفة وصورة من بطاقتك المدنية قولهم ابي احول المخالفة للمحكمة المرورية .. يحولونها لك وانت واقف ويعطيك وصل انك تراجع المحكمة بالرقعي وتقابل قاضي المرور تلقاه شقردي وقوله موضوعك واحلفله انها صفرا الاشارة راح يشيلها لك يخليها 0 د.ك ... هذي شغلتي اخوي سوها ودعواتك لنا

 

[و111حد]

واذا القاضى كان زعلان ومنفس ممكن يسجنك

يالحبيب شوف نسخة المخالفة فوق تبع اى محافظة وروح القسم الى تابعلها
واسحب برنت وادخل على رئيس القسم يوقعلك امر صلح وروح ادفع 50د لصندوق واخذ رخصتك
لا تخليها تطول بلكمبيوتر

الاجازة والدفتر تلقاها فى القسم التابع للمحافظة الى تخالفت فيها لا تروح لمكان ثانى

اما اذا انت متفرغ وماعندك التزام وقاعد كل صبح افتح تحقيق عند محقق القسم
واعترض وطالب وروح وارجع ودوووووووووووخه وبتالى بيصير معاك 3 شغلات
1 تنحكم نفس الغرامة
2 تحفظ او تقل
3 سجن وحجز مركبه

والله اعلم

 

[خالد خالد]

السلام عليكم اخوى انا اقولك اولا انك تقدر تعترض وتطلب تحقيق بالموضوع واذا ثبت كلامك صيحيح راح تحفض المخالفة واذا لا راح يتسكر الموضوع 0 ثانيا \ المخالفة بالصلح والاغير الصلح اهى 50 دينار لا تزيد ولاتنقص 0 وانا فى رائيى روح مرور حولى قسم المخالفات بالجابرية العامير اللى على الدائرى الرابع وادفع المخالفة واخذ ليسنك وريح بالك من هالسالفة0 وهذا من واقع خبرة بالموضوع وشكرا000